1 TIMOTHI 3:3 - NIEMNYAN Naga NT (BSI)

³ atea khemmok chempa ngale pong apa ledangmin, rohkomin numnene ngale mêmo mihnyan dângmin; ngale atea ngun nâng nyahrãng hunte ledangmin;

1 TIMOTHI 3:3 Iomraidhean Croise

MATHIU 21:13

ngale thinnâng ngatwah, “Joban nyapraang nâng Joban ma aroh jablahma raangeka, ‘Nga Hum pa Rangsoamhum ngama ngatmin.’ Phumma nekhuma arepa huh aliak heh huhtôngthin therãng hôan eken!”

MOATLEM 20:33

Ngama henwahmin ngun akem ngale khet akhu hunmah.

ROMAN HEHNÂNG POLMA RAANGWAH SITI 16:18

Chenrãngma ngako arerãngrãng moatte hehma nãng Teso Krista nâng soamtô dangmah, thinwok phoatrãng loloba moeka. Thinma jabkhabsen jab le thuntu pumma nokba toangtang heh diapchhah eka.

IFISIEN 5:18

Khemjok letma nekmok en, erepumma ne chhihsiet ba ere hèn; erenoma Joban Ju mênchong dangletma tongen.

1 THISALONIKA 5:14

Lemruchha heh, nima nekhu nâng rosep eka, ajõ hehnâng ritngat re en, chephoat heh hung dongsiet en, aboan anaa hehnâng chohsû en, ngale chentô demnâng hungmông sietletma tongen.

1 TIMOTHI 3:8

Asâthem heh moatlem moatte heh jatsen patsen ngale nyahrãng hungkoh lahma moatte dângmin; thin a nyahrãng khemjokte ngale ngun nâng nyahrãng chhahnyoak ledangmin;

2 TIMOTHI 3:2

Mihnyan heh chhahnyoak, chhahkheh, ngam apoarit, ngale mâmâ dede rãnglolo thonghun lahma edanga; thin a mihdûmmek, nyong awa nginlekep, dangkoh a ngat lejet, ngale Joban ran lechei edanga;

TITAS 1:11

Ere thinma ledangli nginmõang phoangthô eka heh jeksiet remin, chenrãngma ngako, thinma ledangli nginmõang heh hethô lahma chentô humte tangkâ heh hungke thukwak eka, ngale erepa rêsêli thôan, thinma ngunbi rãnglolo moeka.

TITAS 1:7

Chenrãngma ngako Asâthem heh khhepho phannang heh Joban moatlem moatte, erohwah, atea mihma chhihthôli chenmin aho dângmin. Atea ngam poapoa, erediko rinkhahla, khemmok chempa, ngun akem nâng nyahrãng chhahnyoakte min ledangmin.

TITAS 2:3

Ererãngrãngjô wiku phannang dihiaknyu hehnângmin thin roandôngko sâpoangpoang sôngtông rãng rîn akhah o. Thinma mih nekchen chhihthô eka, ngale khemjok kânia nekchen dangwak eka. Thinma chenpa asenli a erepa chenphoang hethôwak a,

TITAS 3:2

Ngale hen lelat nângjô nginchhih heh lephoang jab ajarãng thôkoh, rohkomin anga nga demnâng mêmoma lemruchha rãngrãng tuta chendangwak a, ngale roantangma anga nganâng numnene danglahma chenkhesokwak a.

HIBRU 13:5

Ne roandôngko ngun akem nâng hangbalin nek hun en, ngale nenâng chenni tonghèn a ere demko rinme letma tongen. Chenrãngma ngako Joban ma ngaeka, “Ngama chenthumin thinphemah; ngale Ngama chenthumin lekphemah.”

JEMS 4:1

Nekhu chhangnâng ran angem ngale mên ahiet pa chenwah hongeka? Ereheh nekhu hung arin khennâng roantangma khuhah nâhah chohrãng loatmîn eka junko hongeka.

1 PITER 5:2

Joban ma nenâng sokare rãng kohthen ate mihnyan heh saaksokte rãngrãng dangletma hungkoh letma Joban ma hun ehèn rãngrãng khoakhem en, erepa hung lekoh thangma metkepkep nekmo en. Ne moatlempa ngun mechoh tihko lâdangtah ngama thonghun letma nekmo en, linlin hung arinma moat hun letma mo en.

2 PITER 2:3

Ne ngewah ngun akem heh jienkeprãng nenâng thin dedema hôanwah nginmõang heh thôkoh ehèn. Rohkomin Joban ma thinnâng chenthu thuma achhih ngama ngalahma thieneka, ngale thin Chhihsiette pa ajupmin lejup tongeka!

JUD MA RAANGWAH SITI 1:11

Thinrãng chentô chhih dângmin a! Thinma Kain damãnko juntoan eka. Chenrãngma ngako, ngun junma thin dedema Balam ma chenroh kaamchhih motah a ererãngrãng kaamchhih moeka. Ngale Kora dangtah rãngrãng thinmin Joban lelatnâng dangeka, ngale thinmin Kora rãngrãng chhihsiet eka.

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.