1 TIMOTHI 3:16 - NIEMNYAN Naga NT (BSI)

¹⁶ Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

1 TIMOTHI 3:16 Iomraidhean Croise

MATHIU 1:23

“Janchhôsâ ma naawun lahma delachha ehongchha a, ate mînpa Imanual ngama mînmin” (Are ngaeka pa, “Joban pa nãngdemnâng ngaeka”).

MATHIU 13:11

Jisu ma dânthâng wah, “rangkhethung Hahsông nginpa thinnâng ledang nenâng jetthuk rãng kepekãng.

MATHIU 28:2

Phumma lemlienma hahtii dong hôngtiiwah; rangkhethung wah Teso ngintatte kalahma long kâsekpa loangphe kalahma ere khohko tôngkatwah.

MATHIU 3:16

Jisu baptijem kepdiko jokowah loatkhôam wângwah. Erediko rangkhethung pa Atenâng laangkohwah, ngale atema Joban Jupa wochha rãngrãng kalahma ate khoko tôngkat khewah.

MATHIU 4:11

Ephumma juchhih ma Jisu thînphêwah; ngale Joban ngintatte kalahma Jisu nâng chohsok katwah.

MAK MA RAANGWAH NGINKONGSEN 1:13

Enâng joakma hungtoan lahma jâroak belii tôngwah. Eretheko wunngem hehmin dângwah, rohkomin rangkhethung wah Joban ngintatte heh kalahma atenâng chohsok katwah.

MAK MA RAANGWAH NGINKONGSEN 16:19

Teso Jisu thin demnâng jabmîn diko, atea rangkhethung nâng toansietwên lahma Joban dekchahko tôngwãngwah.

MAK MA RAANGWAH NGINKONGSEN 16:5

Ephum-ma thin mangruk kenko lupka tahpa dekchah ngeko mihwa khetpo keplahma tonglahma khewah - ngale eko thin patrit rewah.

LUK MA RAANGWAH NGINKONGSEN 2:32

Atea Jews ledangte jat hehnâng nangma hun eko moatlem pa loatkhesokte wen ngale nang mihnyan Isrial heh mînsenthuk eka.”

LUK MA RAANGWAH NGINKONGSEN 20:44

Devit ma atenâng ‘Teso’ ngama roowah; eroh medang ako Misaia pa Devit chhuchha chenroh jiendângmin a?”

LUK MA RAANGWAH NGINKONGSEN 22:43

Rangkhethung wah Joban ngintatte kalahma atenâng chaan chohkoh katwah.

LUK MA RAANGWAH NGINKONGSEN 24:4

Erejunko mokrii lahma eretheko chepwakwah, phumma lemlienma nyahrãng khet phiakjaja keplahma mihnyan wanii eretheko hongchep hokwah.

LUK MA RAANGWAH NGINKONGSEN 24:51

Atema thinnâng rangkoh jenjenko, thin tâwah rangkhethung nâng toansietwên wah.

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 13:3

Wama nganâng chaan kohlahma chentôpa ngakhennâng lâdang thuktah ngama Jisu ma jetwah; ngale atea Joban tâwah katwah ngale Joban tânâng ngakwângmin ngamemin jetwah.

JON MA RAANGWAH NGINKONGSEN 15:26

“Achohsokte Ju ekara, atema Wa tâwah kalahma Joban toangtang pa ekhesok kahèn. Ngale atea ngama Wa tâwah nekhu tânâng echienkat râng, ngale atema nenâng ngangin ethôkoh hèn.

JON MA RAANGWAH NGINKONGSEN 16:28

Nga a hahtokkhoh ko Wa tâwah kaerâng; ngale ade phumma Ngama hahtokkhoh pa phethien lekma Wa tânâng wãngekang.”

JON MA RAANGWAH NGINKONGSEN 17:5

Ewa! athângheh nang tâko ngamîn dongthuk hang, chenroh rang ahah hôanmako nga nangdemnâng mîndong thukthang rãngrãng dongthuk hang.

JON MA RAANGWAH NGINKONGSEN 20:12

ngale rangkhethung wah Joban ngintatte wanii khetpo keplahma Jisu mang thientah theko, kho ngeko wathe ngale da ngeko wathe cheplahma khewênwah.

JON MA RAANGWAH NGINKONGSEN 6:62

Thatthong hun tan, Mihnyan Chhapa khemako ate chenko tongtah a eretheko ngakwãng lahma khepa?

MOATLEM 1:19

Erepa Jeroselem wah sôngte mihnyan hehma chentôma tatwah, ngale erohwah, thinjabma ere pitko Akeldama ngama mîn eka, are ngaeka pa, “Hiema riakwah Pit” ngaeka.)

MOATLEM 10:34

Piter ma loatjabwah: “Ngama arepa toangtang ngama athângheh jet ekang, Joban ma chentô nâng manthe hôanehi.

MOATLEM 14:27

Chenthu thin Antiok nâng hokko, thinma Asâthem heh khôansiet lahma Joban ma thin demnâng chentô motah a erengin heh phangtang thôkoh wah, ngale Jews ledangte hehma putedâlem rãng Joban ma chenroh lemlaang kotah a erengin hehmin thôkoh wah.

MOATLEM 20:28

Erohwah nedede min jetletma tongen, ngale Asâthôanju ma nenâng sûare thuk ehèn hehmin senthemthem sûare letma tongen. Saaksokte rãngrãng Joban nâng putedâlemte Asâthem heh sûare en, Atema ate chha hei junma aterãng hôanwak eka.

ROMAN HEHNÂNG POLMA RAANGWAH SITI 10:12

Arepa chentô rãngma ngaeka, chenrãngma ngako, Jews ngale Jews ledangte heh phangtang mãnthe; Joban pa anga ngarãng Teso tuta ngale henhenma atenâng rooeka ereheh phangtang nâng atema ajahthem rangkoh eka.

ROMAN HEHNÂNG POLMA RAANGWAH SITI 10:18

Rohkomin Ngama thôngpha eka: Linlinjô thinma Nginkongsen pa chohtat hone? Thinma chohtattah - chenrãngma ngako Joban nyapraangma ngaeka: “Thin jabkhab kahra pa hahtokkhoh phangtangma khêmtattah; ngale thin jabkhab pa rangkhen hahtokma khêmtattah.”

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 16:26

Athângheh ere toangtang pa mõng hehma raangwah junko loat eka; ngale roantang roanjêng Joban ma chien junko chentô diak akan hehnâng jetthuk eka, erohwah anga ngama putedâlem eka.

ROMAN HEHNÂNG POLMA RAANGWAH SITI 3:4

Eroh chenthumin dangmah! mihnyan heh phangtangjô mothô medang akomin, Joban pa toangtang. Joban nyapraangma aroh ngaeka, “Nangma jab eko jabkhab pumma nanga toangtang ngama chenkhesok a; ngale chenthu nangnâng metlo lahma mesekham hoko, erepa nangma jien o.”

ROMAN HEHNÂNG POLMA RAANGWAH SITI 8:3

Mihnyan hei angem pumma Niemarang pa boansiet lahma Niemarang pumma letamo dâng phumma, Joban ma moeka. Joban ma ate Chhapa mihnyan hei angem phoang rãngrãng litdangthuk lahma, hahtokkhoh wah pap heh repherãng chienkat era.

ROMAN HEHNÂNG POLMA RAANGWAH SITI 9:5

thin a nãngte nãngwa Hibru linlin heh chhuchha; ngale mihnyan nyuchha junko Krista min thin pôali. Chentô khohko adong danglahma pênte Joban mînpa roantang roanjêngma rôlihma thien e! Amen.

1 KORINT 15:47

Khe-bengwah Adam pa hah kowah bum aboak wah hôanwah; rohkomin khediwah Adam pa rangkhethung wah katwah.

1 KORINT 2:7

Ngama phoangthô ekang buthi mongthem pa Joban buthi mongthem, erepa mihnyan nyuchha ma lejet dângwah, rohkomin are hahtokkhoh hôan mama Joban ma erepa nãngkhu mîndông thukrãng rênwah.

2 KORINT 1:19

Chenrãngma ngako Silas, Timothi, ngale ngadedema nenâng thôkohtah Jisu Krista Joban Chhapa “Danga” ngale “Dangmah” ngama ngatte dangmah. Erenoma atea, “Danga” ngama ngatte Joban;

GALATIEN 2:8

Chenroh Piter Jews hehrãngma moattat chhoante rãng hôantah a, ererãngrãng ngamin Joban chaanma Jews ledangte hehrãngma moattat choante rãng hôan ehang.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

IFISIEN 1:9

Joban ma chenni themawa eka erepa moeka, ngale erepa Jisu Krista junma tamo lahma nãngnâng loatjetthuk ehi.

IFISIEN 6:19

Ngama nginthôrãng chepko Joban ma Nganâng chenchoh thôkat kohhang ma ngarãngmin rangsoam kohha, erohkoba Ngama lechei thangma nginkongsen kowah patritli nginpa eta jetthukwak ang.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

KOLOSIEN 2:2

Ngama arepa thin hungdong rindong danglahma hun achetmîn chenrewak a ngama moekang, erohkoba thinma toangtangma jetlahma senthemthem eta putedâlem wak a. Eroh koba thinma Joban wah patritli nginpa eta jet a, ere patritli nginpa Krista ngin.

2 THISALONIKA 1:10

Chenthu ate mihnyan Asâ ngale atenâng putedâlemte mihnyan hehwah rô ngale atenâng toak asân chohrãng katjâ Rangwo ko. Nekhumin ere mihnyan heh demnâng edangen, chenrãngma ngako, nima nenâng thôkohtah ngin heh nema kep eken.

2 THISALONIKA 2:7

Nyahrãng Apatritli Mihnyan Chhihthôan pumma athâng hehmin hahtokkhoh ko moatlem molahma tongeka, rohkomin ere Mihnyan Chhih chaanpa wathema tenglo lahma thieneka, ngale erepa ate lem kowah lemtângte pa mare rephe tenglo lahma ethien a.

1 TIMOTHI 3:9

thinma hungsâ danglahma Joban ma thinnâng loatjet thuktah toangtangma putedâlem nginpa senthemthem kepte dângmin.

HIBRU 1:3

Joban mîndong lahma phiak ekapa atenâng chohkhe eki, ngale atea alinlin Joban rãngrãng, ngale ate jabkhab chaan pumma rangkhen pa roieka. Chentô mihnyan nyuchha heh pap rãngma map thâkoh diko, chentô noma achaanthôan Joban dekchah ngeko rangkhethung nâng tongwãng eka.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

HIBRU 7:7

Arepa chentôma jet, rangkohte pa jôba rangkepte noma adong.

HIBRU 8:1

Nima chentô jabeki nginpa dangeka, nãngrãngma soam aroakte adongthôanpa rangkhethung wah Joban tôngthin dekchah ngeko tongeka.

1 PITER 1:12

Joban ma ere mõng hehnâng thin moatlem pa thindede wokphoatrãng dangmah ngama loatjetthuk eka, rohkomin thinma nekhurãng moatwah, ngale rangkhethung wah chienkat era Asâthôanju chaan junma Nginkongsen phoangthôte mihnyan hehwah nema athângheh chohtat eken ngin heh thinma nekhurãng jabeka. Are heh rangkhethung wah Joban ngintatte hehmemin jet huneka.

1 PITER 1:20

Atea Joban ma rang ahah hôan mama rênwah, ngale are athôan sanpoatko nekhurãng sênrãngma hongeka.

1 PITER 1:21

Ate junma nekhuma ate ritwah ngakhinsiet lahma atenâng mîndongthôan kohte nâng putedâlem eken; ngale erohwah nema Joban nâng putedâlem ngale tok anâ re eken.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

1 PITER 3:22

Atea rangkhethung nâng wãngtah, ngale Joban dekchah ngeko tonglahma chentô rangkhethung wah Joban ngintatte heh pêneka, ngale rangkhethung wah thôte jabte, erediko chaan ahang demnâng tôngte heh pêneka.

1 JON 1:2

Chenthu erepa mitma jienkheli rãng litjâ phumma, nãngma kheki; erohwah nima erejunma thôkoh eka, ngale nãng Wa demwah roantang roanjêng roandông nãngnâng jetthukthi junma thôkoh eka.

1 JON 3:5

Nema ajet Krista pa pap heh sâsietkoh rãng hongwah, ngale ate nâng pap aho dângwah.

1 JON 3:8

Ngale henhenma papkaam molahma tongeka ereheh Juchhih thiakrãng lâdangtah, chenrãngma ngako rangbeng hahbeng thuma Juchhih ma papkaam moeka. Phumma Joban Chhapa Juchhih ma chenni motah a ere moatlem heh chhihsietrãng hongeka.

LOATKHESOK 17:5

Ate khengko mihhehma lejetlimîn raanglahma dângwah, ere raang ekapa: “Babilon adongthôan, nanga chentô dihiaknyu phoangseng lahma kaamchhih moatte nyong, ngale hahtokkhoh chhihsiette nyong” ngama raanglahma dângwah.

LOATKHESOK 17:7

Phumma ngintatte pumma Nganâng, “Chenni rãng barii ekoa?” ngama thôngphâ wah. “Ngama nangnâng mihhehma lejetthin dihiaknyu ngale ate chhangeka kho phangengit ngale rong kaechhi ngemchhih mînpa thôkoh e.

LOATKHESOK 7:9

Arediko Ngama sûtekpa, loangchhang dôngmõang khewah - ere mihnyan heh henmemin lephangleng roakweihtô dângwah! Thin a chentô mihnyan nyuchha jat apat, diak akan, jab ajâ, hehwah dângwah, ngale thin a khetpo pa kep ngale thin dekko pam bãngdek heh semlahma Saakchha tôngthin mathahko cheplahma dângwah.