1 TIMOTHI 3:15 - NIEMNYAN Naga NT (BSI)

¹⁵ Phumma Nga melektong angkomin, are siti pumma nãng Joban humkâ nâng chenroh molihma tôngmin a ereheh ejetthukho, ereheh dangeka ahîn Joban nâng putedâlemte Asâthem heh, ere Asâthem heh dangeka toangtang pa rôngsiet rãngma thõng rãngrãng.

1 TIMOTHI 3:15 Iomraidhean Croise

MATHIU 16:16

Simon Piter ma dânthâng wah, “Nanga Krista ahîn Joban Chha.”

MATHIU 18:18

“Ngale ngama nekhu anga nganâng thôkoh eka: Nekhuma are hahtokkhoh ko chenpa lemothin moatlem a erepa rangkhethung nângmin lemomin, ngale nekhuma are hahtokkhoh ko chenpa moeken a arepa rangkhethung nângmin moatmin.

JON MA RAANGWAH NGINKONGSEN 1:17

Joban ma Mosa junma nãngnâng Niemarang heh kohwah, rohkomin mînchenchaan le toangtangpa Jisu Krista junma kohehi.

JON MA RAANGWAH NGINKONGSEN 14:6

Jisu ma atenâng dânthâng wah, “Nga a Lemkhô, toangtang, ngale roandông; Wa tânâng henjô leta wãngmin, ngajunma lolojôba Wa tânâng tâwâng min.

JON MA RAANGWAH NGINKONGSEN 18:37

Ephumma Pilat ma atenâng chhienwah, “Eroh medang ako nanga lowangne?” Jisu ma dânthâng wah, “Nangma Nga a Lowang ngama lâpun ngathang. Ngama toangtang thôrãng, ngale ererãngma lolo jôba nga chhatwah, ngale ererãngma lolo jôba are hahtokkhoh ko kaerâng. Erohwah henhen toangtangko dangeka erehehma ngangin etathang.”

JON MA RAANGWAH NGINKONGSEN 6:69

Ngale ade phumma nima lâpute dâlemtih, ngale nanga Joban tâwah katte Asâthôan pa ngama lâjettih.”

MOATLEM 1:2

ate rangkhethung nâng tôansietwên tôkotuk chenni motah a ereheh raang ekang. Ate rangkhethung nâng tôansietwên mako, Asâthôanju chaanma atema ate moattat chhoante rãng rentah mihnyan hehnâng hethô thienwah.

MOATLEM 14:15

“Nema chenni re eken a? Nimin nerãngrãng mihnyan jôba! Nia ako nekhu nâng Nginkongsen pa thôko lahma, nekhuma ledangli moatlem moeken kowah ahîn Joban, ngale rangkhethung, hahtokkhoh, josi, ngale josi khenwah chentô hôante Joban tânâng ngaklitsiet hokrãng netânâng hûeri.

ROMAN HEHNÂNG POLMA RAANGWAH SITI 3:2

Linlin ajahthem lemkhonâng Jews hehma bâmchoh letma tonga! Khebengthôan pejô Joban ma ate nginkongpa Jews hehnâng bengkohwah.

ROMAN HEHNÂNG POLMA RAANGWAH SITI 9:26

Ngale ‘Nea nga mihnyan dangmet’ ngama ngatah thekojô, thinnâng ahîn Joban Chha ngama ngatmin.”

1 KORINT 10:32

Jews hehnângmin, Jews ledangte hehnângmin, erediko Joban nâng putedâlemte Asâthem hehnângmin hennângjô lechêmthuk thangma songtongen.

1 KORINT 3:16

Linlin nemajet, nea Joban rangsoamhum ngale Joban Jupa nekhen nâng tongeka!

2 KORINT 3:3

Are sitipa Krista dedema raangwah ngale erepa nijunma matchhoan eki. Are sitipa sehima raangwah dangmah, ahîn Joban Juma raangeka, ngale erepa longkhanâng raangmin dangmah, mihnyan nyuchha hungkhen nâng raangeka.

2 KORINT 6:16

Joban Rangsoamhum pa moangachaang heh demnâng chenroh jienroammin a? Chenrãngma ngako nãnga ahîn Joban Rangsoamhum! Joban ma ate dedema ngatwah, “Nga a nganâng putedâlemte mihnyan heh demnâng eroamsong ang ngale thindemko khoam achi lekma etongang; Nga a thin Joban rãng edangang, ngale thinmin nganâng putedâlemte mihnyan rãng edanga.”

2 KORINT 6:7

ngale nima toangtang ngin thôeki junko, ngale Joban chaan junma khesok eki. Ninâng toangtang pa ranloat chhahkhem rãngrãng tonghi, erepa nima ranlông rãngmin, ngale nidede khope rãngmin kepeki.

GALATIEN 2:9

Khhepho phannang ngaeka, Jems, Piter, ngale Jon, hehmemin Joban ma nganâng are moatlemdong koh ehangpa jeteka; erohwah thinma Barnabas chenii nâng nãngkhu phangtang lemru tuta ngama jetmînrãng thinma dek sitpekmîn thi. Barnabas chenii a Jews ledangte heh demnâng moatmin, erediko thin a Jews heh demnâng moatmin ngama nikhu pûnthô mînwah.

GALATIEN 3:1

Aba Galatien heh! Nea henma moksiet ehèn a? Nedede mitma Jisu Krista bãngphak khoko rittek pa senthemthem khetet!

IFISIEN 4:21

Linlin nema ate ngin chohtattet, ngale ate dijunte dângjunko nenâng Jisu ngewah toangtang nginpa hethô tah.

KOLOSIEN 1:5

Chenthu toangtang nginkong, Nginkongsen pa netânâng khebengrãng benghûtha poatko, ere Nginkongsen pumma koheka dâlem nginpa nema chohtattet. Erohwah, nema erengin khohko dâlem eken, ngale hun achhâmîn eken, erepa nekhurãng rangkhethung nâng senthemthem thienkoh ehèn.

1 THISALONIKA 1:9

Enâng wah mihnyan heh phangtangma ni netânâng hûthiko nema chenroh tãngroo thia erengin heh thôwak eka, ngale nema moangachaang nâng soamtô letma dangtet pa Joban tânâng hûletma chenroh ahîn Joban nâng soamtô eken a ereheh thôlahma tongwak eka

1 TIMOTHI 3:14

Ngama are sitipa nangnâng raangeki, Nga nang tânâng sitsiak echohmin kae ngama thonghun ekang.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

1 TIMOTHI 3:2

Asâthem heh khhepho pa chenni nângjô chhih aho dângmin; ate tangnyu min wathelolo dângmin, hungnoap rinnoap, atedede hung tâmông loatte, ngale khô alemko moatte dângmin; ngale ate humnâng mihwun heh tãngroo lahma jekthuk hunte dângmin; ngale atema mihnâng jien hethôte dângmin;

1 TIMOTHI 3:5

Chenrãngma ngako atema humte tangkâ heh senthemthem lejienkhêm medang ako, atema Joban nâng putedâlemte Asâthem heh jãtanga meroh jienkhoakhêm min a?

1 TIMOTHI 4:10

Nima latrii lihma chaanrii moeki, chenrãngma ngako, nãngma ahin Joban nâng tok anaa eki, ate jôba chentô Pângte, ngale ajahthem pejô henhenma atenâng putedâlem eka ereheh Pângte.

1 TIMOTHI 6:16

Ate lolo jôba chenthumin leriite; atea henmin letahû thin wenphiak tâko songeka. Henmemin ate mathat kheka; henmemin ate khemah. Ate lolo nâng jôba roantang roanjêngma toak asânmin ngale atenâng lolo jôba roantang roanjêng lechhihjâ chaantong eka! Amen.

2 TIMOTHI 2:19

Rohkomin Joban ma longjan khohko rongtêngtêng khiet eka longpa leta dokjâmin; ngale ere khohko are jabkhab heh raangeka: “Teso ma ate mihnyan heh ajet” ngale “Henhenma thin a Teso nâng putedâlem eki ngama ngaeka ereheh kaamchhih moatwah ataang rêmin.”

2 TIMOTHI 2:20

Humdong nâng rongrupjat tit alek ngale bâti khoakti heh tonga: Wanwanthe pa kem ngale jan wah hôan eka, khaka pa bãngwah hôaneka, ngale khaka pa hahwah hôaneka; wanwanthe pa kuh awã nâng keprãng hôaneka, ngale khaka pa jengreko keprãng hôaneka.

HIBRU 10:21

Erohwah nãngrãngma Soam Aroakte adongthôan pumma Joban humpa pêneka.

HIBRU 12:22

Phumma nea Zion Hahkong nâng wãngeren, ngale ahîn Joban sôngthin Hahnâng wãngeren, rangkhethung wah Jeroselem nâng wãngeren, ere Theko ate ngintatte heh hahjat jatma tonga.

HIBRU 3:12

Ngalemruchha heh, jetletma dangen, ahîn Joban tâwah lânngak chhoanroh hen hungmin nekchhih en ngale eretô leputedâlem nekdangen.

HIBRU 9:14

Phumma arepa toangtang medang ako, Krista hei pummajã chentôjah bâmsâsiet eka! Roantang roanjêng Ju junma atedede roandôngpa Joban nâng sâpoangpoang kohriieka. Ate hei pumma nãnghung arin heh ledangli niemarang hehwah esâsiet hi, erohkoba nãngma ahîn Joban nâng eta soamtôe.

1 PITER 2:5

Ahîn long heh rãngrãng dangletma hunren, ngale nea Joban rangsoamhum hôanthin longrãng chenkep hèn, ngale ere humko soam aroakte Asâthôan dangletma nema Jisu Krista junma Joban nâng atema nyoakkepli joapsoap en.

1 PITER 4:17

Achhih le asen rên sanpoat pa lâhûtha, ngale Joban mihnyan hehnâng khebeng thôanko bengrênmin. Phumma nãngnâng mebengren hiko, Joban ngewah Nginkongsen ko lepute dâlemte mihnyan hehja chenroh dângmin a?

LOATKHESOK 7:2

Ngale sankat ngewah ahan rangkhethung wah Joban ngintattema ahîn Joban mîn tûngthin pa semlahma kalahma wîenkhe wah. Joban ma hahtokkhoh ngale josi heh chhihsietrãng chaan kohtah Joban ngintatte wabelii ko chaanmõang rakroowah.