1 TIMOTHI 2:6 - NIEMNYAN Naga NT (BSI)

⁶ ate dedema ate roandôngpa chentô mihnyan nyuchha heh pap thãpê thumkohrãng koheka. Erepa Joban ma chentô mihnyan nyuchha heh khopesiet hunlahma sanpoat pa thâng phumma chienkat era,

1 TIMOTHI 2:6 Iomraidhean Croise

MATHIU 20:28

Mihnyan Chha pemin mihnyan hehma atenâng khoakhêm rãng katwah dangmah, atema mihnâng khoakhêm rãng ngale ate roandông pa kohlahma ajahthem mihnyan heh pêsietrãng katwah.”

MAK MA RAANGWAH NGINKONGSEN 1:15

Atema ngatwah, “Sanpoat pa lâthângtah,” “ngale Joban Hahsông pa lânam hutha! nepapwah hungngaklit letma Nginkongsen ko putedâlem en!”

MAK MA RAANGWAH NGINKONGSEN 10:45

Chenrãngma ngako, Mihnyan Chha tumin mihma khoakhêmrãng katwah dangmah; atema mih khoakhêmrãng katwah ngale ate roandôngpa ajahthem mihnyan pesietrãng koheka.”

JON MA RAANGWAH NGINKONGSEN 6:51

Nga rangkhethung wah katte ahin roandông phhekchhah. Henma komin are phhekchhah kowah chhah eka erepa roantang roangjêng rãng hînmin. Ngama atenâng kohmin phhekchhah pa nga phoangpa, ngama erekoh ekangpa hahtokkhoh wah mihnyan heh ahînma tongrãngkoh ekang.”

ROMAN HEHNÂNG POLMA RAANGWAH SITI 16:26

Athângheh ere toangtang pa mõng hehma raangwah junko loat eka; ngale roantang roanjêng Joban ma chien junko chentô diak akan hehnâng jetthuk eka, erohwah anga ngama putedâlem eka.

ROMAN HEHNÂNG POLMA RAANGWAH SITI 5:6

Chenrãngma ngako chenthu nãnga chohsokte aho dângpoatko, Joban ma sanpoatsen pa renlahma ere sanpoatsen ko mihnyan chhih hehrãng Krista riieka.

1 KORINT 1:6

Krista nginkongpa nehung khennâng nyahrãng rongtêngtêng lâtongthen

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

IFISIEN 1:17

ngale nãng Teso Jisu Krista Wa adongthôan Joban ma nenâng ate Ju chenkohhèn ngama rosep ekang, Juma nekhu jet ajien edangthuk hèn, ngale nenâng Joban ekhesok hèn, erohkoba nema ate ejet en.

IFISIEN 1:7

Chenrãngma ngako Krista hei junma nãngpap khenwah loatsiet ehi, ngale nãngpap heh mapkoh ehi. Joban mînchenchaan pa chentô dônga,

IFISIEN 3:5

Amako are patritli nginpa mihnyan nyuchha hehnâng lethôkoh thangma thienwah, rohkomin erengin pa ade phumma Joban Ju junma ate moattat chhoante Asâ ngale mõng Asâ hehnâng khesok eka.

IFISIEN 5:2

Ne roandôngko hun achhâmin letma songtongen, chenroh Krista ma nãngnâng hunlahma ate roandôngpa Joban rinmeli tum amengli heh rângkoh arãngrãng ate roangdong pa nãngrãngma kohwah, ererãngrãng nekhumin hun achhâmin en.

2 THISALONIKA 1:10

Chenthu ate mihnyan Asâ ngale atenâng putedâlemte mihnyan hehwah rô ngale atenâng toak asân chohrãng katjâ Rangwo ko. Nekhumin ere mihnyan heh demnâng edangen, chenrãngma ngako, nima nenâng thôkohtah ngin heh nema kep eken.

1 TIMOTHI 6:15

Sanpoat pa methâng tahko Joban ma ate ngakkatjâ rangwopa ewothuk a. Joban lolo jôba rangkohte Joban, atelolo jôba Pângte Joban, Lowang kowahmin Lowangdong thôan, ngale Teso kowahmin Teso dongthôan.

2 TIMOTHI 1:8

Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

TITAS 1:3

ngale sanpoat thangko arepa Joban ma ate nginkong demko loatsietkat era. Arepa phoangthô rãng Nganâng chienwah, ngale Ngama erepa nãng Pângte Joban ma chien junko phoangthô ekang.

TITAS 2:14

Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.

HIBRU 9:12

Chenthu Krista ma rangsoam thepa dãnkhoam lahma Nyahrang Asâthôan Theko roantang roangjêng rãng rekthe lolo wãngtahko, atema soam aroak rãng kien ngale mân hei keplahma wãngho; erenoma, atedede hei keplahma nãngkhurãng roantang roanjêng khope pa tâchohwah.

1 PITER 2:24

Krista ma atedede phoangko nãngpap heh bãngphak khohko hènphetah, erohwah nãngma pap moatpa jeklihma toangtang danglihma sôngtôngmin. Ngale ate phoang wah mâmãn junko nekhu khoanchet sen eken.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

1 JON 4:10

Ahun pa arerãngrãng: nãngma Joban nâng hun dangmih, rohkomin Joban ma nãngnâng hunlahma nãngpap heh mapkohrãng ate Chha chienkat era.

LOATKHESOK 1:5

ngale Jisu Krista, putedâlemli thôan hâkhi hôante, ritwah khebeng thôan ngaksatte, ngale hahtokkhoh wah lowang heh khoko pênte. Atema nãngnâng hun ehi, ngale atema roandông kohlahma pap khenwah pepâng ehi

LOATKHESOK 5:9

Thinma sê nyan sêwakwah: “Nangma jôba nyapraangten pa tâtôanmin ngale nangma jôba ate pangmiem ekapa jânlohma talaango. Chenrãngma ngako nanga ritphe rewah, ngale nangma roandông kohlohma riilohma Joban rãngma chentô jat apat, jab ajâ, diak akan, ngale chentô mihnyan nyuchha heh riakkoh wah.