1 TIMOTHI 2:5 - NIEMNYAN Naga NT (BSI)

⁵ Chenrãngma ngako Joban pa wanthe, ngale Joban le mihnyan nyuchha roamsiette pa wathe ba etonga, ere mihnyan pa Jisu Krista,

1 TIMOTHI 2:5 Iomraidhean Croise

MATHIU 1:1

Arepa Abraham Chha, ngale Devit Chha, Jisu Krista te awa heh nginkong.

MATHIU 1:23

“Janchhôsâ ma naawun lahma delachha ehongchha a, ate mînpa Imanual ngama mînmin” (Are ngaeka pa, “Joban pa nãngdemnâng ngaeka”).

LUK MA RAANGWAH NGINKONGSEN 14:22

Haa pumma lemlienma ngatwah, ‘Tângte, nangma chienthi pa lâsiet huthi, rohkomin ademin ajahthem thechaak tonga.’

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 17:3

Ngale roangtang roanjêng lethôan roandông ngaeka pa nanglolo jôba toangtang Joban ngama jetpa, ngale nangma chienkattho Jisu Krista jet ekipa.

MOATLEM 4:12

Khope pa ate junma loloba tâchohmin; Joban ma hahtokkhoh ko hennângjô nãngkho tâpepâng chaan kohmah.”

ROMAN HEHNÂNG POLMA RAANGWAH SITI 1:3

Arepa ate Chha, nãng Teso Jisu Krista junma hôanwah: atea phoangpa mihnyan nyuchha rãngrãng, Devit pôali wah hôngchhatwah;

ROMAN HEHNÂNG POLMA RAANGWAH SITI 10:12

Arepa chentô rãngma ngaeka, chenrãngma ngako, Jews ngale Jews ledangte heh phangtang mãnthe; Joban pa anga ngarãng Teso tuta ngale henhenma atenâng rooeka ereheh phangtang nâng atema ajahthem rangkoh eka.

1 KORINT 8:4

Erohwah, moangachaang nâng kohwah phhekchhah chhahjunko dangeka: Nãngma ajet linlinko moangachaang pa ahînte dangmah; Nãngma ajet Joban pa wathe lanlan jôba tonga.

1 KORINT 8:6

Joban pa wathelolo jôba, erepa nãngkhu Wa, atea chentôpa têm atiakte, ngale ate junma nãngkhu hin joeki; ngale Teso min wathelolo jôba tonga, erepa Jisu Krista, ate junma jôba chentôpa têm atiekwah, ngale ate junma jôba nãngkhu hin joeki.

GALATIEN 3:20

Roh-komin chenthu wathelolo nâng medang ako atung kowah ngin mêthôte pa lemmah; phumma Joban pa wathelolo jôba.

IFISIEN 4:6

ngale Joban min wathe jôba, atea chentô mihnyan nyuchha rãngma Wa, ngale atea chentô rãngma Teso, erediko chentôpa ate junma moeka, ngale atea chentô nâng tongeka.

1 TIMOTHI 6:13

Ngama arepa chentô nâng roandông kohte Joban mathahko, ngale Pontas Pilat mathahko ate putedâlem pa rongtêngtêng khesokthukte Jisu Krista mathahko nangnâng chien eki

HIBRU 12:24

Nea Joban le mihnyan tungko toamsem anyan hôante Jisu tânâng hûeren, ngale Abel hei pumma hongjabtah noma atewah hongeka hei pumma bâmbâm asen hôngjabte tânâng hûeren.

HIBRU 7:25

Ngale erohwah henhen ate junma Joban tânâng hûeka ereheh atema athâng hehmin ngale roantangma eta pesiet a, chenrãngma ngako atema Joban nâng thinrãngma roatsep kohrãng roantang roangjêng rãng hin eka.

HIBRU 8:6

Rohkomin ade phumma, chenroh atema Joban le atenâng putedâlemte ate mihnyan heh tungko toamsêm pa asen hôaneka ererãngrãng, Jisu nâng thin noma adong soam aroakte moatlempa koheka, chenrãngma ngako, erepa asen dângrãng toamsem eka.

HIBRU 9:15

Ere junkowah Krista ma toamsêm nyan pa hongsiet eka, erohwah henhen Joban ma rooeka, erehehma Joban ma toamsem tah roantang roanjêng rangpa ekepwak a. Arepa aroh tadanga, chenrãngma ngako, amawah toamsem tah junko mihnyan hehma kaamchhih molahma pap dangtah kowah Krista riilahma pesiet eka.

1 JON 2:1

Ngachhu Ngachha heh, Ngama nenâng are sitipa raangeka, erohkoba nema papkaam lemo edangen; phumma henma komin papkaam memo enko, nãngrãngma Wa Joban ngewah rosep lahma mapthâkohte wathe tonga, erepa Jisu Krista, atea toangtang thôan.

LOATKHESOK 1:13

ngale ereheh mongko mihnyan nyuchha rãngrãng ate datok nâng lanleproh khetlo pohlahma dângwah, ngale ate thenkhuhko kemwah hôanlahma khetchhem pa chhem lahma dângwah.