1 TIMOTHI 1:7 - NIEMNYAN Naga NT (BSI)

⁷ Thin a Joban niemarang hethôte rãng dânghun wakeka, rohkomin, thindede jabkhab pa thinma jetmah, ngale thinma chenni jetlahma jab eka erepemin jetmah.

1 TIMOTHI 1:7 Iomraidhean Croise

MATHIU 15:14

“Thinrãngma neksekmah en! thin a mitdoak, ngale mitdoak heh lemsênte; ngale chenthu mitdoak wathema ahan mitdoak lem mesen ako waniinii jongnâng ejâriiwak a.”

MATHIU 21:27

Ephumma, thinma Jisu nâng, “Nima jetmih” ngama dânthâng wah. Ngale atema thinnâng ngatwah, “Eroh medang ako ngamemin chenni chaanma moekãnga erepa nenângmin thôkomah.

LUK MA RAANGWAH NGINKONGSEN 2:46

Jârem jâko Rangsoamhum nâng Jews heh Niemarang hethôte heh demko tonglahma thin ngin jetat ngale thinnâng ngin heh thôngphâ relahma chohkhe wah.

MOATLEM 15:1

Judia wah Antiok nâng mihnyan heh khuthe hûlahma putedâlemte hehnâng, “Mosa Niemarang junko nema khoankhen niempa lehôan kenko kho lepemin,” ngama hethô wah.

ROMAN HEHNÂNG POLMA RAANGWAH SITI 1:22

Thinma thin a jet ajien ngama ngariieka, rohkomin thin a aba;

GALATIEN 3:2

Nganâng are khapthe nginpa thôkoh tanha: Nema Joban Jupa Niemarang junko moletma chohtet ale, Nginkongsen pa chohtat letma ereko putedâlem phumma chohtet a?

GALATIEN 3:5

Nema Niemarang ma chenni huneka erepa moatdi Joban ma ate Jupa lekohthen a, ngale patritli moatlempa nekhu tânâng lemo kohthen a, roh akole, nema Nginkongsen pa chohtat letma putedâlemdi kohthen a?

GALATIEN 4:21

Henhen Niemarang khennâng tônghun eken a ereheh nâng ngama thatthôngpha tan a: Niemarang ma chenni ngaeka erepa nema mãthattat ekenne?

1 TIMOTHI 6:4

erehehma chenmin lejet thangma ngam apoarit loloba rewak eka. Ngale atea Joban jabkhab junma chhiakmîn lahma mênmîn loloba thonghun lahma tongwak eka, ngale erejunko mihnâng mitchek, chhiakmîn, mihnâng dûmmek, ngale achhih ngenâng phoangkhâ,

2 TIMOTHI 3:7

ere dihiaknyu hehma roantangma toangtang pa jet hun eka, rohkomin chenthujô thinma toangtang pa chohjetmah.

JEMS 3:1

Ngalemruchha heh, nekhuwah ahethôte ajah nekdangen. Nema ajet, ni ahethôte dangeki hehnâng achhih asenpa mihhan heh noma abâm erenhi.

2 PITER 2:12

Are nginmõang phoang hethôte mihnyan heh wunngem lolihma rângritphe e rãngrãng, thin hungnâng chenjô lechhem hun thangma thinma lejet dangeka lelatnâng chhih jabwak eka; thin a wunwah ngem heh lolihma rângritphe e rãngrãng ritphemin,