1 TIMOTHI 1:5 - NIEMNYAN Naga NT (BSI)

⁵ Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

1 TIMOTHI 1:5 Iomraidhean Croise

MATHIU 12:35

Mihnyan senma ate hungnâng asentong lahma jabkhabsen hongjabwên era; ngale mihnyan chhih ma ate hungnâng achhih tonglahma jabkhab chhih hôngjabwên era.

MATHIU 5:8

Hungsâ rinsâte mihnyan heh rangkepte dângmin; Thinma Joban echohkhea!

MOATLEM 15:9

Atema thin ngale nãngkhu tungko chenjô mâmâ hôanmahhi; atema thinpap heh map koheka chenrãngma ngako thinmemin putedâlem eka.

MOATLEM 23:1

Pol ma ngoang awang hehnâng thongsûkat lahma ngatwah, “Ngalemru Isrial mihnyan heh! Thejâ tôko ngahung sâpoangpoang danglekma Joban mathahko nyãn ekang.”

MOATLEM 24:16

Erohwah ngama roantang chenpa Joban ngale mihnyan rãng asen a erepa moatrãng latrii ekang.

ROMAN HEHNÂNG POLMA RAANGWAH SITI 10:4

Chenrãngma ngako Krista ma Niemarang pa lâthôansiettah, erohwah henhenma atenâng putedâlem eka ereheh Joban demnâng toangtang dangthuk eka.

ROMAN HEHNÂNG POLMA RAANGWAH SITI 12:9

Ahun pa linlin hungwah hunmînmin. Chenrepa chhih a ereko chinnya rêmin, ngale chenrepa asen a ereko senthemthem loatmin.

ROMAN HEHNÂNG POLMA RAANGWAH SITI 14:15

Nema chenni phhekchhah eken a ere phhekchhah junma mihrãng chhih medang ako, erepa nema mihnâng hun achet junma moat dangmet. Nema phhekchhah eken junma mih nekchhihsiet en, chenrãngma ngako Krista thinrãng memin ritwah!

ROMAN HEHNÂNG POLMA RAANGWAH SITI 9:1

Ngama toangtang jabekang; Nga a Krista rãng ngale ngama mothô thômek. Ngahung ngarinmin Asâthôanju ma pêneka, ngale ereheh junma nga ma mothô thômek ngama jetrii ekang

1 KORINT 13:1

Ngama chentô mihnyan nyuchha jabkhab heh mejienjab angkomin, ngale rangkhethung wah Joban ngintatte jabkhabjô mejienjab angkomin, nganâng hun achet pa aho medang hangko, nga jabkhab pa tamtin rahwat wah rãngrãng, ba chaangsi rahdohwah rãngrãng dângmin.

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

1 TIMOTHI 1:18

Ngachha Timothi, Ngama are nginpa nangnâng thôkoh eki, ngale nang rãngma are nginpa khema thuma profisi thunnâng hôngjab katwah. Putedâlem rãngma senthemthem ran tâcheprãng are jabkhab heh ranloatmin chhahkhem heh rãngrãng kep o,

1 TIMOTHI 1:19

ngale nang putedâlem senthemthem dango ngale hung arin sâpoangpoang dango. Khuka hehma thinhung arin sâpoangpoang ledang thangma molahma thin putedâlem heh chhihsiet eka.

1 TIMOTHI 3:9

thinma hungsâ danglahma Joban ma thinnâng loatjet thuktah toangtangma putedâlem nginpa senthemthem kepte dângmin.

2 TIMOTHI 1:3

Ngate Ngawa hehma soamtôtah Joban ko Ngamemin hungsâ rinsâma soamtô lekma dangkoh a ngaekang. Ngama nanga rangwo rangnyek Nga rangsoam roakweih thonghun lihma Joban nâng dangkoh a ngaekang.

2 TIMOTHI 1:5

Ngama nang putedâlem sen pa thonghun ekang, nangwi Lois ngale nang nyong Inuic nimemin erohjô senthemthem putedâlem wah. Nang memin erohjô putedâlem eko ngama thonghun ekang.

2 TIMOTHI 2:22

Janchhô paangmih hehma moat huneka kaamchhih hehwah ataangreo, ngale henhenma hungsâ rinsâ danglahma Teso nâng chohsokrãng rosep eka ere mihnyan heh demnâng toangtang, putedâlem sen, hun achet, mêmoma tôngrãng latriio.

TITAS 1:15

Hen mâmâ dede sâpoangpoang dangeka ereheh demnâng chentôpa asâ tuta; rohkomin henhen ngeksietrit reka, ngale lepute dâlemte a ereheh rãngma chenjô asâ aho, chenrãngma ngako, thinma thin kheri ngale hung arin heh ngeksiet eka.

HIBRU 10:22

Erohwah nãnghung ma achhih thonghunki hehwah sâsietrii ngale nãng phoangpa josâma sâsoan wah rãngrãng danglihma hungsâ ngale senthemthem putedâlem lihma Joban tânâng namhûe.

HIBRU 13:18

Nirãng roantang rangsoam kohhi. Nihung nirin linlin danglihma asâ, chenrãngma ngako, nima sanpoat roakweih kaamsen moat tuta huneki.

HIBRU 9:14

Phumma arepa toangtang medang ako, Krista hei pummajã chentôjah bâmsâsiet eka! Roantang roanjêng Ju junma atedede roandôngpa Joban nâng sâpoangpoang kohriieka. Ate hei pumma nãnghung arin heh ledangli niemarang hehwah esâsiet hi, erohkoba nãngma ahîn Joban nâng eta soamtôe.

JEMS 4:8

Joban tânâng hûren, ngale erohkoba netânâng Joban enamra. Papi mihnyan heh nedek pa sâsoan en! ngale ahuh khoanglep heh, nehung pa sâsietre en!

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 3:16

rohkomin ere thôngphâte hehnâng numnene ngale senthemthem danthangen. Ngale nehung nerin sâpoangpoang thien en, erohkoba nea Krista dijunte dângdi ne jatsen patsen pa thinma mechhihthô hènko, thinma chenni jab ajaeka erethã rêsê erewak a.

1 PITER 3:21

Erepa dangeka, athâng hehwah ne pesietrãng baptijem kep eken thiakpa dângwah. Ngale erepa phoangwah ngek atek heh sâsôan dangmah, rohkomin hungsen rinsen danglihma Joban demnâng toamsem eki. Erepa Jisu Krista ritwah ngakhîn junma nekhu pepâng ehèn,

1 PITER 4:8

Chentô nomemin adongpa, wathema wathe nâng nyahrãng hun achhâmin en, chenrãngma ngako hun achetmîn pumma jahmõang pap heh mumsiet eka.

2 PITER 1:7

nema Joban jetleko Kristan rãngrãng mînchenmîn en; ngale Kristan rãngrãng mînchenmîn leko hun achetmîn re en.

1 JON 3:10

Are junko nãngma henpa Joban chha a, ngale henpa Joakchha a erepa sâpoangpoang jienta jetloeki: henhen pa kaamsen lemote a ngale mihnyan hannâng lehuntea ereheh Joban Chha dangmah.

1 JON 3:23

Atema chien ehipa, nãngma ate Chha Jisu Krista nâng putedâlem, ngale wathema wathe nâng hun achetmîn rãng chien ehi, ngale Krista memin eroh jôba chien ehi.

1 JON 3:3

Henhenma Krista nâng aroh dâlem eka, erehehma thin dedemin Krista asâ dangeka rãngrãng asâ danglahma tongeka.