1 TIMOTHI 1:4 - NIEMNYAN Naga NT (BSI)

⁴ Thinnâng tewa nginchha ngale te awi heh nginkong heh thômîn pa jek chenrewak a ngama thôkoh, ereheh metham thômîn eko chhiakmîn loloba ere e; erehehma Joban moatlem nâng chohsû mahhi, Joban moatlem pa putedâlem junma loloba tâmoatmin.

1 TIMOTHI 1:4 Iomraidhean Croise

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

IFISIEN 3:2

Joban ma ate mînchenchaan junma are moatlempa nekhurãng sênrãngma nganâng mothuk ehang, ngama nekhuma linlin lâchoh tattet.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

1 TIMOTHI 4:7

Rohkomin Joban nginkong ledang tewa nginchha heh nekthômîn, ereheh thômîn pa sekho. Erenoma nangdede chenroh Joban jette roandông jiendôngmin a ngama latriio.

1 TIMOTHI 6:11

Rohkomin nanga Joban mihnyan, arerãngrãng chentô hehwah ataangnâng tongo. Toangtang, Joban rinmeli, putedâlem sen, hun achet, chentôpa mamtadô, ngale numnene dângrãngba latriio.

1 TIMOTHI 6:20

Timothi, nangnâng Joban ma chenni sokare rãng chienthô erepa senthemthem sûareo. Sek ho ngale aba ata ngin heh nekphoang chhiakmîn, ererãngrãng ngin heh phoangchiak mînko khaka hehma “Jet ajien” reki ngama thonghun eka.

2 TIMOTHI 2:14

Are nginpa nãng mihnyan hehnâng thõngthô koh, ngale Joban mathahko thinnâng are jabkhab hehrãngma lemênmin rãng thôkoh. Eroh memênmîn eko chenjô asen hongdangwãng mahra, atatte mihnyan heh ba echhihsiet a.

2 TIMOTHI 2:22

Janchhô paangmih hehma moat huneka kaamchhih hehwah ataangreo, ngale henhenma hungsâ rinsâ danglahma Teso nâng chohsokrãng rosep eka ere mihnyan heh demnâng toangtang, putedâlem sen, hun achet, mêmoma tôngrãng latriio.

2 TIMOTHI 2:23

Rohkomin aba rãngrãng nginmõang phoang chhiakmîn hehwah ataangreo; nangma ajet athôanko amênmîn jôba erewak a.

2 TIMOTHI 4:4

Thinma toangtang nginko lenyoak jetattu thangma tewa nginchha thakthômîn heh lolo enyoak jetatwak a.

TITAS 1:1

Joban haa ngale Jisu Krista moattat chhoante Pol ngewah raangeki. Nga Joban mihnyan heh putedâlem pa rôngsiet erediko nãng rangsoam niem pumma Joban toangtang ngin hethôeka heh thinnâng hethô rãng renlahma chienchhoan ehang,

TITAS 1:14

ngale thinma Jews heh tewa nginchha hehmin lekeptu edanga, ngale toangtang jabkhab lelatnâng dângte mihnyan hehma chieneka moatlem heh lemotu ejekwak a.

TITAS 3:9

Rohko-min aba ata rãngrãng phoang chhiakmîn, te awi heh roandông ngin thômîn, mên ahietmîn ngin, ngale Niemarang hehrãngma mênmîn hehwah ajekre en. Are chentôpa sekhota ngin.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

2 PITER 1:16

Nima nenâng nãng Teso Jisu Krista chaan demnâng ngakkat nginkong thôko tahheh mihnyan nyuchha ma hôanwah ngin thôkoh dangmah. Nidede mitma Jisu Krista mîndông pa khelihma thôkoh eka.