1 TIMOTHI 1:3 - NIEMNYAN Naga NT (BSI)

³ Chenthu Nga Misidonia katlem nâng dângpoatko roseptih rãngrãng, Ngama nanga Ifisus nâng mamtong mêngo ngama rosep eki. Enâng mihnyan khuthema ledangli ngin phoanghethô eka, ngale nangma ereheh jeksiet o.

1 TIMOTHI 1:3 Iomraidhean Croise

MOATLEM 18:19

Thin Ifisus nâng hokdiko, Pol ma Prisila le Akuila nii Ifisus nâng phethien lahma chhoanwah. Phumma ate Sanagog nâng kalahma Jews heh demnâng thômîn katwah.

MOATLEM 18:21

Atema chhoan nemma thinnâng thôthien kohwah, “Joban hungsi medang ako, nga nekhu tânâng engak hûrâng.” Ngale erediko ate Ifisus wah jogari ma chhoanwah.

ROMAN HEHNÂNG POLMA RAANGWAH SITI 15:26

Chenrãngma ngako Misidonia ngale Akaia wah Asâthem hehma Jeroselem wah Joban mihnyan hehwah tangchhih hehnâng thin hungsima chohsokrãng thonghun eka.

ROMAN HEHNÂNG POLMA RAANGWAH SITI 16:17

Ngalemruchha heh, ngama nenâng rosep eka: Mihnyan heh phansiette ngale nema niwah chohtattet ngin heh lelatnâng danglahma mihnyan heh putedâlem chhihsiette mihnyan hehwah jetletma dangen. Ngale thin tâwah ataang re en!

2 KORINT 11:4

Chenrãngma ngako, nima nenâng Jisu nginkong thôkoh eka rãngrãng ledang Jisu nginkong ahan nenâng thôhok kohte heh nginmin nema khuhah nâhah kep eken; ngale nema niwah choh eken Ju ngale nginkongsen noma ajatjat ju ngale nginkongsen pa kep eken!

IFISIEN 4:14

Ere diphumma ba nãngmin letachha heh rãngrãng ledangtu edange, ngale jowaak ma phophe katwah rãngrãng, erediko pông ma phoangmet phewah rãngrãng nãngmin mihphôang diapchhahte mihnyan hehnâng lephoang diapchhahrii edange, ere mihnyan hehma thinhungnâng buthi chhih heh keplahma mihnyan han heh lemke nâng senchhoan eka.

FILIPIEN 2:24

Ngale Ngama Teso nâng putedâlem ekang, Ngadede min netânâng sitsiak ekarâng ngama.

1 TIMOTHI 4:11

Thinnâng are ngin heh rîn akhah lohma hethôo.

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

1 TIMOTHI 5:7

Thinnâng are ngin heh rîn akhah o, erohkoba henmemin thinnâng achhih lenga edanga.

1 TIMOTHI 6:10

Chenrãngma ngako, ngun nâng hun junko rongrup achhih heh hongeka. Khaka hehma ngun nâng nyahrãng hunlahma Joban nângmin putedâlem tumah, ngale thinhung arin hehmin rongrup achhihli heh thonghun lahma chhihjâ eka.

1 TIMOTHI 6:17

Are hahtokkhoh roandông kowah ngun akem ngale chhahkhem ngenâng techhu dângte hehnâng lengamrii rãng thôkoh, ngale thin ngun akem le chhû alû hehnâng nekchen dâlem wakeka, rohkomin nyahrãng chhahme danglahma nãngnâng khuhah nâhah tongrãng chentôpa chohkohte Joban nânglolo chen dâlem wak a.

1 TIMOTHI 6:3

Henhenma nãng Teso Jisu Krista ngin ngale nãng rangsoam niem pumma hethôeka ngin heh lekep thangma lihân niemarang amõang heh hethôeka

2 TIMOTHI 1:18

Teso ma ate ngakkatjâ Rangwo ko Onisiforus nâng chenmînchen a! Ngale atema Ngarãng Ifisus nâng chentô mokoh thanga ereheh nangmemin senthemthem jet o.

2 JON 1:7

Mih diapphhek chhahte hahtokkhoh ko jahmõang phoangmen chhoantah, ereheh a Jisu Krista pa mihnyan nyuchha phoang rãngrãng danglahma katwah ngama lejette mihnyan heh. Arerãngrãng mihnyan heh mih diapchhahte ngale thin a Krista rãngma Ran.

LOATKHESOK 2:14

Rohkomin Ngama are roanche reknâng chhihchoh eka: Nekhu chhangnâng Balam ma hethôeka ngin kepte tongen, Balam ma Balak nâng Joban nâng joapsoap wah phhekchhah heh Isrial mihnyan hehnâng chhahthuk lahma chenroh papnâng dângthukmin a ereheh hethô wah, ngale dihiak dela tungko kaamchhih moatpa hethô wah. Phumma nekhu chhangnângmin erengin kepte etongen.

LOATKHESOK 2:20

Rohkomin arepa Ngama nekhu nâng senchohmah: Nekhuma dihiaknyu Jizibil ma ate dedema Joban nginmatte ngariieka ngin kep eken. Atema hethô lahma Ngahaa hehnâng dihiak dela tungko kaamchhih mothuk re eka ngale moangachaang nâng joapsoap wah phhekchhah heh chhahthuk re eka.