1 TIMOTHI 1:20 - NIEMNYAN Naga NT (BSI)

²⁰ Thinkhuchhang kowah heh dangeka, Himinaus ngale Alexender, phumma Ngama thin a joak ajo deknâng kohlekma chêmsietwak ekang; erejunko thinma Joban thãsê pa ejek a.

1 TIMOTHI 1:20 Iomraidhean Croise

MATHIU 18:17

Ngale atema thin nginmin lekep medang ako, chentôpa Asâthem hehnâng thôkoh en, ngale atema Asâthem heh nginmin lekep medang ako, Joban lejette mihnyan ngale thãkho thâte mihnyan heh rãngrãng thinphe en.

MOATLEM 13:45

Chenthu Jews hehma mihnyan heh khe phumma thinma mitchekwah; ngale Pol ma thôeka ngin heh junma ate demnâng chhiakmîn lahma Pol nâng dûmmek wah.

MOATLEM 19:33

Khakama Alexendra ma chenjet a ngama ate khohnâng phewah, ngale Jews hehma nok atang heh mako chepwâng thukwah. Phumma Alexendra ma thinnâng kihchepchep tongen ngama dekma hakkatwah, ngale atema mihnyan hehnâng nginsenma thôkoh wah.

1 KORINT 11:32

Rohkomin Teso ma nãngnâng rensû lahma phhekkhên nâkhên hôanehi, erohwah nãnga are hahtokkhoh wah mihnyan chhih heh demnâng lejohroam mahriimin.

2 KORINT 10:6

Ngale abengko nima nekhua nginkepkep dângthuk hunmêng eka, erediko ngin lekepte hehnâng nima phhekkhen nâkhen ehôan e.

2 KORINT 13:10

Erohwah ngama arepa nekhu tâwah ataangnâng dângpoatko raangeka; erohkoba, chenthu nga netânâng mehû thangko Teso ma nganâng kohthang chaanpa keplekma nekhu nâng phhekkhên nâkhen lehôan edangang - nganâng nekhu sênsiet rãngmaba chaankoh ehang, nekhu chhihsiet rãng chaankoh dangmah hang.

2 THISALONIKA 3:15

Rohkomin thinnâng ran angem rãngrãng nekhôan en; erenoma, putedâlemte rãngrãng thonghun letma rîn akhah en.

1 TIMOTHI 5:15

Chenrãngma ngako wanwanthe roandongthu janthoinyu hehma joak ajo dijunrãng ngakchhoan eka.

2 TIMOTHI 2:14

Are nginpa nãng mihnyan hehnâng thõngthô koh, ngale Joban mathahko thinnâng are jabkhab hehrãngma lemênmin rãng thôkoh. Eroh memênmîn eko chenjô asen hongdangwãng mahra, atatte mihnyan heh ba echhihsiet a.

2 TIMOTHI 2:17

Arerãngrãng hethô ekapa sek phangtang nâng chimâ mâlahma sekpa thôanchhih phhekwah rãngrãng dangeka. Arerãngrãng hethôte mihnyan wanii pa Himinaus ngale Filitus nii dângwah.

2 TIMOTHI 3:2

Mihnyan heh chhahnyoak, chhahkheh, ngam apoarit, ngale mâmâ dede rãnglolo thonghun lahma edanga; thin a mihdûmmek, nyong awa nginlekep, dangkoh a ngat lejet, ngale Joban ran lechei edanga;

HIBRU 12:5

Joban ma ate chhuchha rãngrãng thonghun lahma ate jabkhab junma nenâng rîn akhah then heh lekphetet ne? “Echha heh, chenthu Teso ma nenâng phheksiet nâsiet mehôan hènko atatre en, ngale chenthu atema nenâng ritngat mere hènko nehung nekke en.

LOATKHESOK 13:1

Erediko Ngama ngemchhih pa josi wah loatwãng lahma khewah. Ere ngemchhih ko rong kaechhi ngale kho phangengit dângwah; ate rong chentô nâng khophokwin dângwah, ngale ate kho chentô nâng Joban nâng dûmmek lahma mînraangwin dângwah

LOATKHESOK 3:19

Ngama hun achhâ wakkang chentô nâng ritngatmin re ekang ngale phheksiet nâsietmin hôan ekang. Erohwah, hungkoh letma, nepap wah hungngaklit en.