1 TIMOTHI 1:15 - NIEMNYAN Naga NT (BSI)

¹⁵ Arepa toangtang ngale senthemthem putedâlem lihma kepthin ngin: Jisu Krista hahtokkhoh ko papi mihnyan heh pepângrãng kaera. Phumma ere khukowah Nga a papi thôan,

1 TIMOTHI 1:15 Iomraidhean Croise

MATHIU 1:21

Atema delachha echha a, ngale nangma ate mînpa Jisu ngama mînmin - Chenrãngma ngako atema ate mihnyan heh papwah pepângmin.”

MATHIU 18:10

“Jetletma dangen, nema are arinchha thôan hehnângmin thã nekjõ en. Ngama nenâng thôkoh eka, thin nângmin rangkhethung nâng thin ngintatte tonga, ereheh rangkhethung wah nga Wa Joban demko roantangma johtong eka.

MATHIU 20:28

Mihnyan Chha pemin mihnyan hehma atenâng khoakhêm rãng katwah dangmah, atema mihnâng khoakhêm rãng ngale ate roandông pa kohlahma ajahthem mihnyan heh pêsietrãng katwah.”

MATHIU 9:13

Choan en, ngale jet en, Joban nyapraangma arepa chenni ngaeka: ‘ngama mînchen ba hun ekang, ngem angah ma soamroak hunmek.’ Ngama mihnyansen heh roorãng katdangmek, papi mihnyan heh roorangba kaerâng.”

MAK MA RAANGWAH NGINKONGSEN 2:17

Jisu ma erepa tatlahma thinnâng dânthâng wah, “Khoanchet hote mihnyan hehma doktor lemmah, khoanchette mihnyan hehma loloba doktor lemeka. Nga a dong aleng dângte mihnyan heh roorãngkat dangmahrâng, papi mihnyan heh roorãng kaerâng.”

LUK MA RAANGWAH NGINKONGSEN 15:2

phumma Farasi ngale Niemarang hethôte hehma ngatwah, “Are mihnyan pumma papi mihnyan hehmin rooeka ngale thin demnâng phhekchhah roamchhah eka!”

LUK MA RAANGWAH NGINKONGSEN 19:10

Chenrãngma ngako, Mihnyan Chhapa mah asamte heh lemtê ngale pepângrãng kaera.”

LUK MA RAANGWAH NGINKONGSEN 5:32

Ngama mihnyansen heh hunglitrang roorãngkat dangmek, papi mihnyan heh roorangba kaerâng.”

JON MA RAANGWAH NGINKONGSEN 1:12

Khakama atenâng putedâlem lahma kep eka; erohwah atema thinnâng Joban Chha dangthuk eka.

JON MA RAANGWAH NGINKONGSEN 1:29

Eredijâko Jon ma Jisu ate tânâng wãng lahma khewah, ngale eko atema ngatwah, “Sû en, hahtokkhoh wah pap hênphete Joban Saak pa anã!

JON MA RAANGWAH NGINKONGSEN 12:47

Mihnyan hehma nga nginpa tatlahma lekep medang akomin, ngama thinnâng achhih lengamin. Nga a hahtokkhoh wah mihnyan hehnâng achhih asen rênrãngkat dangmahrâng, mihnyan heh pepâng rãngba kaerâng.

JON MA RAANGWAH NGINKONGSEN 3:36

Henhenma Chhako putedâlem eka erehehma roantang roanjêng roandông chohmin; Henhenma Chha nginlekep dangeka erehehma roantang roanjêng roandông lechohmin, rohkomin ereheh nâng Joban ma roantangma echêmthuk a.

MOATLEM 11:1

Moattat chhoante ngale chentô Judia diakwah putedâlemte hehma ngale Jews ledangte hehmemin Joban jabkhab pa kep eka ngama chohtatwah.

MOATLEM 11:18

Chenthu thinma are nginpa tatphumma, chhiakmîn pa jeklahma Joban nâng rôwakwah, “Eroh medang ako Jews ledangte hehnângmin Joban ma hunglitthuk lahma roandông koheka!”

MOATLEM 3:26

Phumma Joban ma ate Haa pa renlahma khebengko netânâng chienkatwah, erepa nekhu anga nga kaamchhih moatwah ngaksietrãng chienkatwah.”

ROMAN HEHNÂNG POLMA RAANGWAH SITI 11:14

Ngale ngama nga mihnyan hehma phetwanli molekma thinwahmin roanche kho eta pesiet ang ngama thonghun ekang.

ROMAN HEHNÂNG POLMA RAANGWAH SITI 5:6

Chenrãngma ngako chenthu nãnga chohsokte aho dângpoatko, Joban ma sanpoatsen pa renlahma ere sanpoatsen ko mihnyan chhih hehrãng Krista riieka.

1 KORINT 15:9

Chenrãngma ngako moattat chhoante khukowah nga a khedithôan - Nganâng moattat chhoante ngama tangat tôjô dangmek, chenrãngma ngako ngama Joban nâng putedâlemte Asâthem heh chêmsietwah.

IFISIEN 3:8

Chentô Joban mihnyan khuchhang wah rinthôan nomemin nga jôba rinthôan; rohkomin Jews ledangte hehnâng leta thôanli Krista Nginkongsen pa thôchhoan kohrãng nganâng koh ehang,

1 TIMOTHI 1:13

khema nângjô Ngama aterãng mechhih jabtek komin, ba atenâng chêmsiet lekma mejõjêm tek komin. Rohkomin Joban ma nganâng nyahrãng mînchen ehang, chenrãngma ngako, Ngama leputedâlem poatko Ngama chenni moekanga erepa lejet thangma moatwah.

1 TIMOTHI 1:19

ngale nang putedâlem senthemthem dango ngale hung arin sâpoangpoang dango. Khuka hehma thinhung arin sâpoangpoang ledang thangma molahma thin putedâlem heh chhihsiet eka.

1 TIMOTHI 3:1

Arepa toangtang jabkhab: Henma komin atea Asâthem heh khhepho phannang dâng mehun ako atema moatlem senthôan moatrãng huneka.

1 TIMOTHI 4:9

Arepa toangtang jabkhab, erohwah nangma senthemthem putedâlem lohma kep o.

1 TIMOTHI 6:13

Ngama arepa chentô nâng roandông kohte Joban mathahko, ngale Pontas Pilat mathahko ate putedâlem pa rongtêngtêng khesokthukte Jisu Krista mathahko nangnâng chien eki

2 TIMOTHI 2:11

Arepa toangtang jabkhab: “Nãng ate demnâng mejohrii eko, ate demnângjô ejohhin e.

TITAS 3:8

Arepa toangtang ngin. Nekhuma are nginpa senthemthem chenjet en ngama hun ekang, erohkoba henhenma Joban nâng putedâlem eken a erehehma ne roandôngko moatlemsen moletma etongen, ngale erepa anga ngarãngma asenli ngale alemli.

HIBRU 7:25

Ngale erohwah henhen ate junma Joban tânâng hûeka ereheh atema athâng hehmin ngale roantangma eta pesiet a, chenrãngma ngako atema Joban nâng thinrãngma roatsep kohrãng roantang roangjêng rãng hin eka.

1 JON 3:5

Nema ajet Krista pa pap heh sâsietkoh rãng hongwah, ngale ate nâng pap aho dângwah.

1 JON 3:8

Ngale henhenma papkaam molahma tongeka ereheh Juchhih thiakrãng lâdangtah, chenrãngma ngako rangbeng hahbeng thuma Juchhih ma papkaam moeka. Phumma Joban Chhapa Juchhih ma chenni motah a ere moatlem heh chhihsietrãng hongeka.

1 JON 5:11

Atema thôkohthi nginpa arepa: Joban ma nãngnâng roantang roanjêng roandông kohehi, ngale are roantang roanjêng roandôngpa ate Chha ngewah choheki.

LOATKHESOK 21:5

Erediko tôngthin kowah tôngte pumma ngatwah, “Ngale ade phumma Ngama chentôpa anyan rãng lâhôantek!” Atema Nganângmin ngatwah, “Arepa raango, chenrãngma ngako are jabkhab pa toangtang ngale dâlemli thôan jabkhab.”

LOATKHESOK 22:6

Erediko ngintatte pumma Nganâng ngatwah, “Are jabkhab heh toangtang ngale dâlemli. Ngale Mõng hehnâng ate Ju kohte Teso Joban ma, ate ngintatte pa ate haa hehnâng sitsiak chenni dângwângmin a ereheh khesokrãng chienkatwah.”

LOATKHESOK 5:9

Thinma sê nyan sêwakwah: “Nangma jôba nyapraangten pa tâtôanmin ngale nangma jôba ate pangmiem ekapa jânlohma talaango. Chenrãngma ngako nanga ritphe rewah, ngale nangma roandông kohlohma riilohma Joban rãngma chentô jat apat, jab ajâ, diak akan, ngale chentô mihnyan nyuchha heh riakkoh wah.