1 TIMOTHI 1:13 - NIEMNYAN Naga NT (BSI)

¹³ khema nângjô Ngama aterãng mechhih jabtek komin, ba atenâng chêmsiet lekma mejõjêm tek komin. Rohkomin Joban ma nganâng nyahrãng mînchen ehang, chenrãngma ngako, Ngama leputedâlem poatko Ngama chenni moekanga erepa lejet thangma moatwah.

1 TIMOTHI 1:13 Iomraidhean Croise

LUK MA RAANGWAH NGINKONGSEN 12:47

“Haa pumma nga tângtewa ma are moatlempa moatrãng chien ehang ngama jetrii lahma, atema lemo dangeka, ere haako ajah watlahma chêmsietmin.

LUK MA RAANGWAH NGINKONGSEN 23:34

Jisu ma ngatwah, “Ewa thinnâng mapkoh o! chenrãngma ngako thinma chenni moeka erepa jetmah.” Thinma thintungko Jisu khetpa longkendoh nâng tanlahma phenkep wah.

MOATLEM 22:4

Arerãngrãng Jisu dijunte mihnyan hehnâng ngamemin nyahrãng chêmthukwah. Ngama dihiak dela phangtang lokhhek lekma phâtek nâng sekwah.

MOATLEM 3:17

“Ngale, ngalemruchha heh, Ngama jet nema ngale ne khhepho phannang hehma Jisu nâng hôanjôan tetpa nea aba dângjunko hôanjôan wah.

MOATLEM 8:3

Sol memin Asâthem heh chhihsiet rãng phungwah; humhumnâng phoangchhoan lahma putedâlemte dihiak dela phangtang phoangsiet chhoan lahma, ereheh phâtek nâng sekhokwah.

MOATLEM 9:1

Ere sanpoatko Sol ma Teso nâng putedâlemte heh phoangritphe lahma dângwah. Ngale Soam aroakte adongthôan tânâng wângwah

MOATLEM 9:13

Ananias ma dânthâng wah, “Teso, ajahthem mihnyan ma are mihnyan junma nganâng thôkoh thang, ngale atema Jeroselem wah nang mihnyan hehnâng chenroh cheili chêmsiet eka erehehmin thôkohthang.

MOATLEM 9:5

Atema, “Nanga hen a Teso?” ngama chhienwah. “Nga a Jisu, nangma chêmsiet ehangpa,” ngama jabkhab pumma dânthâng wah.

1 KORINT 15:9

Chenrãngma ngako moattat chhoante khukowah nga a khedithôan - Nganâng moattat chhoante ngama tangat tôjô dangmek, chenrãngma ngako ngama Joban nâng putedâlemte Asâthem heh chêmsietwah.

1 KORINT 7:25

Ade dangeka nekhuma dela nâng lewãngte hehrãngma raangletma thôngpha thepa dangeka: Ngama Teso mînko chenjô ngatthin aho, rohkomin, Teso mînchen junko nganâng putedâlemli danglekma ngadede ngewah thôkoh eka.

GALATIEN 1:13

Ngama Jews heh dôrem keplekma tôngpoatko chenroh hungkoh lekma dangtek a, ngale Joban nâng putedâlemte Asâthem hehnâng lemînchen thangma chenroh chêmsiettek a, ngale ngama tata angpa chhihsietrãng moatwah, erengin heh nenâng phangtang thôkotah.

FILIPIEN 3:6

ngale Ngama asâthem hehnâng nyahrãng nyoak chêmthuk wah. Niemarang kep junma mihnyan pa Joban demnâng toangtang jiendângli dângnomeko, Nganâng chenjô achhih aho dângwah.

1 TIMOTHI 1:16

Rohkomin Joban ma Nganâng nyahrãng mînchen ehang, erepa Nga a papi thôanjô medang angkomin Krista ma ate hung pa nyahrãng môngsiet lahma Nganâng mînchen pa khesok ehang, erepa khedi wah atenâng putedâlem lahma roantang roanjêng roandông chohte mihnyan hehma jetrãngma khesok eka.

HIBRU 4:16

Erohwah, nãnghung arin dongsiet lihma mînchenchaan chohthin Joban tôngthin tâko tonghûe. Enâng nãngma map echoh e, ngale nãngma lêmpoatko nãngnâng chohsokrãng ate mînchenchaan pa echoh e.

1 PITER 2:10

Poattheko nea Joban mihnyan ledangwah, rohkomin ade phumma nea Joban mihnyan lâdangtet; poattheko nema Joban mînchen pa lejetwah, rohkomin ade phumma nema Joban mînchen lâchohtet.