Biblia Todo Logo
Bìoball air-loidhne

- Sanasan -




1 KORINT 9:5 - NIEMNYAN Naga NT (BSI)

5 Ngamin moattat chhoante ahan heh rãngrãng leta dângminne, ngale Teso naa heh erediko Piter rãngrãng, ngamin ngademko Kristan tangnyu johsiet lekma leta phoangkhoam minne?

Faic an caibideil Dèan lethbhreac




1 KORINT 9:5
25 Iomraidhean Croise  

Atea khoangtekte chha ledangne? Mariam pa ate nyong ledangne? ngale Jems, Josep, Simon, ngale Juda heh ate naa ledangne?


Jisu piter humnâng wãng lahma piter tangnyu nyong pa chetloatma jupthinko khunlahma khehokwah.


Simon tangnyu nyongpa chetloat khoanchetma jupthinko juplahma dângwah, phumma Jisu hokkhôamhok rienrien lemlienma ate ngin pa thôkoh wah.


Atea Mariam chha khoangtek tepa ledangne, ngale atea Jems, Josep, Juda, ngale Simon heh pho ledangne? Arekowah song eka heh ate naa dihiaknya heh ledangne?” ephumma thinma ate thãsê wah.


Mathiu ngale Thomas, Alphia chha Jems ngale (Diak pênte) Simon,


Phumma Jisu nâng wathema ngatwah, “Nang nyong le nang naa heh rangsâko cheplahma tonga ngale thin nang demnâng chohmîn hun eho.”


Erediko atema Simon Jisu tânâng siethokwah. Jisu ma atenâng sûlahma ngatwah, “Nangmînpa Simon, Jon chha, rohkomin nangnâng Kaipas ngama roomin.” (Arepa Piter ngama ngaeka, ngale arepa “Long” ngaeka.)


Erediko Jisu le ate nyong, naa heh, erediko ate dijunte heh Kaparnam nâng kalahma jâthe jânii tongkatwah.


Thinkhu roantang rangsoam rãng aroamma chîkhôan wah, thindemko dihiaknyu heh, Jisu nyong Mariam ngale atenaa hehmin chîhokwah


Kenkria wah Asâthem hehnâng chohsok moatlem moatte nãngkhu nya Fobi pa ngama nenâng jetthuk eka.


Ngama thôkohtan a: Nekhu anga ngama mâmâ ngingin thôeken. Wathema, “Ngama Pol dijun ekang”; ahan wathema, “Ngama Apolo dijun ekang”; ngale ahan wathema, “Ngama Piter dijun ekang”; ngale ahan wathe memin, “Ngama Krista dijun ekang” ngaeken.


Ngale, Joban nâng lepute dâlemte pumma Kristan pa chiakphe mehun ako, chenchiakphe mîn a. Are nginko, dihiak memin ngale dela memin Kristan pumma ate hungsi junko tamoa. Chenrãngma ngako Joban ma nea mêmoma sôngtôngrãng rooehèn.


Tangsông sôngte dihiaknyu pa chenthu tôko ate tangwa pa ahîn dangeka eretôko atea ate hungsiko jiendangmah; rohkomin ate tangwa pa rit mere akoba, atema hennâng huneka ere delawa ko eta ngakwãnga, rohkomin ere delawa pa Kristan medang akoba tâwâng min.


Linlinko ngama hun pa nekhu phangtang nga rãngrãng tuta danglet mele ngama huneka; rohkomin chentô nâng Joban ma mâmâ jatjat hînhô kohlahma tonga, wathe nâng jatthe ngale ahan watheko jatthe kohlahma tonga.


Ade dangeka ngama tang masongte ngale janthoinyu hehnâng thôkoh eka, nga rãngrãng nemin nelolojô metong enko asen edanga.


Ngama enâng moattat chhoante ahan henjô chohkheho, Teso naa Jems loloba chohmîntek.


Asâthem heh khhepho pa chenni nângjô chhih aho dângmin; ate tangnyu min wathelolo dângmin, hungnoap rinnoap, atedede hung tâmông loatte, ngale khô alemko moatte dângmin; ngale ate humnâng mihwun heh tãngroo lahma jekthuk hunte dângmin; ngale atema mihnâng jien hethôte dângmin;


Arerãngrãng mihnyan hehma dihiak kep pemin achhih ngale wanwanthe phhekchhah pemin lephhek lechhah thin tonga ngama nginmõang heh phoangthôeka. Rohkomin ere phhekchhah heh Joban nâng putedâlem lahma toangtang jette mihnyan hehma Joban nâng dangkoh a ngatdiko phhekchhah rãng Joban ma hôaneka.


Dihiak phannang hehnâng nyong rãngrãng, ngale leta hehnâng hungsâ ma nangnaa rãngrãng thonghun o.


khhepho phannang heh mihma chhihthôli nekchen dangeka; atea tangnyu wathelolo kepte dângmin, ngale ate chhuchha hehmin putedâlemte dângmin ngale ngem ngah rãngrãng ngin lekepte ledangmin.


Anga ngama nemnyansiet pa sâpoangpoang danglihma sietmin, ngale tangnyu tangwanii wathema wathe nâng toangtang tuta dângmin. Janchhô paangmih poatko kaamchhih moatte le mihdihiak dela tungnâng kaamchhih moatte hehnâng Joban ma achhih ngatmin.


Lean sinn:

Sanasan


Sanasan