1 KORINT 9:1 - NIEMNYAN Naga NT (BSI)

¹ Nga a hen haajô dangmek! Nga a moattat chhoante ledangne? Ngama nãng Teso Jisu lekhe wahne? Ngale ngama Teso rãng moatjunko nekhu hong eken ledangne?

1 KORINT 9:1 Iomraidhean Croise

MOATLEM 13:2

Chenthu thinma lephhek lechhah thangma Teso nâng rangsoam poatko, Asâthôanju ma thinnâng ngatwah, “Barnabas ngale Sol nii, ngama moatlem moatthukrãng rootek heh moatrãng reethien en.”

MOATLEM 14:14

Chenthu Barnabas le Pol niima mihnyan hehma themawa ekapa tatphumma, atenii khet heh koakphe lahma mihnyan heh chhangko raklahma chhoankat wah,

MOATLEM 14:4

Erehah kowah mihnyan heh phanjâ wakwah: Khakapa Jews heh demnâng dângwah, ngale khakapa moattat chhoante heh demnâng dângwah.

MOATLEM 23:11

Erejâ rangpenko Pol tâko Teso chepka lahma ngatwah, “Nekchei! Nangma nga nginpa are Jeroselem hahko lâthô kotoh, ngale nangma arerãngrãngjô Rom nângmin thôkohmin.”

MOATLEM 9:15

Teso ma atenâng ngatwah, “Kao, chenrãngma ngako, atema nganâng soamtô rãng ngama lârentek, ngale Jews ledangte jat le lowang hehnâng erediko Isrial mihnyan hehnâng ngamîn jetthuk rãng lârentek.

MOATLEM 9:17

Ephumma Anania kalahma Sol tongeka humko luphokwah, ngale dekma atenâng sahloatwah. Atema ngatwah, “Enaa, Sol,” “Teso ma nga chienkat ehang - erepa Jisu ate dedema chienkat ehang, nang anâng katko lemko nangdemnâng ate chohmîntho. Nangmit pumma ngakjienkhe ngale nangma Asâthôanju chohrãng nga chienkat ehang.”

MOATLEM 9:3

Sol Damaskas hah kêko hokkhoam rienrienko, lemlienma rangkho wah wenma ate tumlit hôngphiak katwah.

MOATLEM 9:5

Atema, “Nanga hen a Teso?” ngama chhienwah. “Nga a Jisu, nangma chêmsiet ehangpa,” ngama jabkhab pumma dânthâng wah.

ROMAN HEHNÂNG POLMA RAANGWAH SITI 1:1

Jisu Krista haa ngale Joban ma ate nginkongsen phoangthô rãng rênwah moattat chhoante, Pol ma raangeka.

ROMAN HEHNÂNG POLMA RAANGWAH SITI 1:5

Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

ROMAN HEHNÂNG POLMA RAANGWAH SITI 11:13

Ngama athângheh Jews ledangte hehnâng thôkoh ekang: Chentôko Nga Jews ledangte hehrãng Joban moattat chhoante dangekanga, eretôko, Nga moatlempa hungkoh lekma emo ang.

1 KORINT 1:1

Joban hungsi danglahma Jisu Krista moattat chhoante rãng roowah Pol, ngale nãngpho Sosthen ma raangeka-

1 KORINT 10:29

erepa nangma thônghun junko dangmah, rohkomin mihhan pumma thonghun eka junko nekchhah. Eroh medang ako, khakama tachhien thêm a, “Ngama thonghun ekangpa mihhan junma chenroh jiendângmin a?

1 KORINT 10:30

Ngama nga phhekchhah rãngma Joban nâng dangkoh a menga angko, mihhan ma nganâng ere phhekchhah junma chenrãngma chhihngat thin etonga?”

1 KORINT 11:16

Rohkomin are ngin khohko henma komin chhiakmîn mehun enko, ngama thôkoh eka, ninângmin ngale Joban nâng putedâlemte Asâthem hehnângmin are lêko lihân rangsoam niemarang ahotu.

1 KORINT 3:6

Ngama bãngpa khiet ekang, phumma Apolo ma ere bãngko jo koheka, rohkomin ere bãngpa Joban ma hinthuk eka.

1 KORINT 9:19

Nga hen haajô dangmek; rohkomin mihnyan heh ajah tâsiethok rãngma ngadedema anga nga haarãng dangrii ekang.

2 KORINT 10:7

Nekhuma rongrup nângjô tokkhohnâng lolo sûeken. Nekhuwah hen akomin atea Krista rãng ngama tâchâritte mihnyan tongen a? Sen a, rohkomin ade rekthe thindede chenthe ngakthong hunrii tan a, chenrãngma ngako, thin chenroh Krista rãng dangeka eroh jôba nimin Krista rãng dangeki.

2 KORINT 11:5

Nga a nema “moattat chhoante adong” ngaeken heh nomemin chhupthejô arin thonghunrii mek!

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

GALATIEN 1:1

Arepa moattat chhoante Pol ngewah raangeka, Nga moattat chhoante rãng mihnyan nyuchha ma roowah dangmah, ngale mihnyan nyuchha hung junmemin dangmah, erepa Jisu Krista ngale Joban Wa, Jisu Krista ritwah ngakhînsiette pumma roowah.

GALATIEN 5:1

Nãnga mihhaa dângwah jek ekipa - Krista ma loatsiet ehi! Erohwah, mihhu mihaa ledangte rãngrãng dangen, ngale nededema mihhaa rãng nekhôanrii en.

1 THISALONIKA 2:6

Nima henwahjô rô hunmih, newahmin hunmih, ngale henwahjô hunmih,

1 TIMOTHI 2:7

ngale erohwah Nga a Joban moattatte rãng renlahma Jews ledangte hehnâng Joban nâng putedâlem le toangtang ngin heh hethôrãng chienchhoan wah. Ngama arepa mothôthô dangmek; Ngama toangtang ngin thôekang!

2 TIMOTHI 1:11

Joban ma are Nginkongsen pa phoanghethô rãng ngale phoang thôkoh rãng moattat chhoante dangthuk ehang,