1 KORINT 8:9 - NIEMNYAN Naga NT (BSI)

⁹ Erohwah, henjô medang enkomin, jetletma dangen, nekhuma nekhu hungsiko phoangmoat akat junma putedâlem nâng arinte heh papnâng nekchen jâriieka.

1 KORINT 8:9 Iomraidhean Croise

MATHIU 18:10

“Jetletma dangen, nema are arinchha thôan hehnângmin thã nekjõ en. Ngama nenâng thôkoh eka, thin nângmin rangkhethung nâng thin ngintatte tonga, ereheh rangkhethung wah nga Wa Joban demko roantangma johtong eka.

ROMAN HEHNÂNG POLMA RAANGWAH SITI 15:1

Nãngkhuwah henpa putedâlem nâng rongtêngtêng dangekia, erehehma putedâlem nâng anete hehwah hênlih pa chohhênmin. Nãngma nãngdede lolo rinme lethonghun min.

1 KORINT 10:24

Nekhu henmemin mâmâ dede rãnglolo asen pa lethonghun min, rohkomin mihhan rãngmemin asenli pa thônghunte dângmin.

1 KORINT 10:28

Rohkomin nangnâng, “Arepa moangachaang nâng kohwah phhekchhah,” ngama wathema methôkoh hoko, nangnâng thôkohte rãng sênrãngma erediko nanghung sênrãngma, ere phhekchhah pa nangma nekchhah-

1 KORINT 10:29

erepa nangma thônghun junko dangmah, rohkomin mihhan pumma thonghun eka junko nekchhah. Eroh medang ako, khakama tachhien thêm a, “Ngama thonghun ekangpa mihhan junma chenroh jiendângmin a?

1 KORINT 10:32

Jews hehnângmin, Jews ledangte hehnângmin, erediko Joban nâng putedâlemte Asâthem hehnângmin hennângjô lechêmthuk thangma songtongen.

1 KORINT 8:10

Chenjô akomin, nangma “Jetlohma” moangachaang nâng soamthin rangsoam humko phhekchhah lohma putedâlem nâng arinte mihnyan pumma lâkhetho; phumma erejunko hungdong lahma atema moangachaang nâng kohwah phhekchhah pa lechhah minne?

1 KORINT 8:12

Ngale erejunko nangma Krista rãngma pap moeko, ngale Kristan mihnyan ahan hehrãngmin pap moeko, erediko putedâlem nâng arinte heh hung arin chêmsiet eko.

1 KORINT 9:22

Putedâlem nâng arinte heh demnâng moatpoatko, thin tâsiethok rãngma ngamin thin rãngrãngjô johdang ekang. Erohwah, ngama chenni lemkhô mekomin thinkho tâpesiet rãng ngama nga chentô mihnyan heh demnâng thinrãngrãng tutajô johdang ekang.

2 KORINT 11:21

Ngama rêsêli ngin jabekang, ererãngrãng moatlem heh nima chinmomih! Rohkomin henma akomin lechei thangma merângthô ako Ngama abajab arãngrãng jabekang - Ngamemin lechei thangma tarângthô ang.

2 KORINT 11:29

Chenthu hen akomin meboanrii ako, Ngamin boanrit jôba rekang; ngale henma akomin pap medangthuk ako, nga nyahrãng hungke ekang.

2 KORINT 6:3

Nima moeki moatlempa hennâng min achhih ngatrit hunmih, erohwah, nima hen lemkhô nângjô tengbengthin thienkomih.

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

KOLOSIEN 2:8

Erediko, jetletma dangen, ngale mihnyan nyuchha hung arinwah sekhota buthi mongthem heh junma henmemin haa rãngrãng nekchenkep ehèn, ereheh dangeka, mihnyan nyuchha ma hethô wah ngin, ngale are hahtokkhoh pênteju ngewah, ereheh Krista ngewah dangmah.

1 PITER 2:16

Ne hungsiko songtongen, rohkomin ne hungsiko songtong letma kaamchhih nekmo en, Joban haa rãngrãng dangletma songtongen.

2 PITER 2:19

Are nginmõang phoang hethôte mihnyan hehma thin dedejô kaamchhih haa danglahma mihhan hehnâng khope ekoh a ngama toamsem wakeka - chenrãngma ngako nãng chenni moatlem ma jien ehia ere moatlem rãngma nãnga haa lâdangtih.

LOATKHESOK 2:14

Rohkomin Ngama are roanche reknâng chhihchoh eka: Nekhu chhangnâng Balam ma hethôeka ngin kepte tongen, Balam ma Balak nâng Joban nâng joapsoap wah phhekchhah heh Isrial mihnyan hehnâng chhahthuk lahma chenroh papnâng dângthukmin a ereheh hethô wah, ngale dihiak dela tungko kaamchhih moatpa hethô wah. Phumma nekhu chhangnângmin erengin kepte etongen.