1 KORINT 8:6 - NIEMNYAN Naga NT (BSI)

⁶ Joban pa wathelolo jôba, erepa nãngkhu Wa, atea chentôpa têm atiakte, ngale ate junma nãngkhu hin joeki; ngale Teso min wathelolo jôba tonga, erepa Jisu Krista, ate junma jôba chentôpa têm atiekwah, ngale ate junma jôba nãngkhu hin joeki.

1 KORINT 8:6 Iomraidhean Croise

MATHIU 11:27

“Ewa ma nganâng chentôpa lâkoh thang. Chhapa henmemin jetmah, Wa maloloba jeteka, ngale Wa min henmejô jetmah, Chha maloloba jeteka, ngale henhen nâng Chhama khesok rãng ren eka erehehnâng ekhesok a.”

MATHIU 28:18

Jisu thintâko hehka lahma thinnâng ngatwah, “Nganâng Rangkhethung le hahtokkhoh kowah chentô Chaanpa lâkoh thang.

JON MA RAANGWAH NGINKONGSEN 1:10

Jabkhab pa hahtokkhoh ko dângwah, ngale ate junma Joban ma hahtokkhoh hôanwah, rohkomin hahtokkhoh ma ate jetlomah.

JON MA RAANGWAH NGINKONGSEN 1:3

Joban ma chentôpa jabkhab junma hôanwah; ate aho thangma lithemin hôanho.

JON MA RAANGWAH NGINKONGSEN 10:30

Ewa chenii a wanthe.”

JON MA RAANGWAH NGINKONGSEN 13:13

“Nema nganâng Hethôte ngale Teso ngama rooeha, erepa nema lâpun rootha, chenrãngma ngako nga dangang jôba.

JON MA RAANGWAH NGINKONGSEN 14:20

Chenthu ere rangwo pa mehû theko, nema nga a Ewa demnâng ngale nea nga demnâng, erediko Ngamin nedemnâng dangekang pa ejet en.

JON MA RAANGWAH NGINKONGSEN 17:3

Ngale roangtang roanjêng lethôan roandông ngaeka pa nanglolo jôba toangtang Joban ngama jetpa, ngale nangma chienkattho Jisu Krista jet ekipa.

JON MA RAANGWAH NGINKONGSEN 20:17

Jisu ma atenâng ngatwah, “Nganâng neksahlo hang,” “Chenrãngma ngako, Nga a Ewa tânâng mangak wãngekang. Rohkomin wãnglohma nganaa hehnâng thôkoh, nga a Ewa, ngale thin Wa min danga, erediko nga Joban, ngale thin Joban min danga, ate tânâng ngakwãng ekang.”

MOATLEM 17:28

mihnyan wathema aroh jabwah, ‘Ate junma nãngkhu hin ajo lihma songtong eki, ngale moaka lihma nyanki.’ Nesê nângmin aroh ngaeka, ‘Nãngkhu min ate chhuchha jôba.’

MOATLEM 2:36

“Isrial wah mihnyan heh chentôma are Jisu nema rittektet pa, Joban ma Teso ngale Misaia rãng hôaneka ngama metkep ejet en!”

MOATLEM 5:31

Joban ma ritwah ngakhinsiet lahma, Isrial mihnyan hehnâng hunglit sanpoat kohlahma thinpap heh map kohrãng ngama ate dekchahko lemsênte ngale Pângte rãng dangthuk lahma tongthuk eka.

ROMAN HEHNÂNG POLMA RAANGWAH SITI 11:36

Chenrãngma ngako chentôpa atema hôanwah, ngale chentôpa ate junma hin ajoeka ngale aterãng tuta hin ajoeki. Joban mîn roantang roanjêng adong chendanga! Amen.

1 KORINT 1:2

Korint hahwah Joban nâng putedâlemte Asâthem heh, ngale Chentô Joban nâng Asâma putedâlem rãng rooeka heh, erediko Jisu Krista demnâng roamlahma Joban rãng dangeka heh, ngale therupwah mihnyan nâng Teso Jisu Krista nâng soam atôte hehnâng raangeka. Jisu Krista pa thinrãng memin ngale nãngrãng memin Teso:

1 KORINT 12:3

Ngama nenâng arepa jetthuk huneka, henpa Joban Juma senlahma tongeka erehehma chenthumin “Jisu nâng têm athoak mah!” ngale chenthu Asâthôanju ma lechohsû kako henmemin “Jisu pa Teso,” ngama leta loatjabmin.

1 KORINT 6:13

Ahan hehmemin, “Phhekchhah pa wokrãng, ngale wokpa phhekchhah rãng” ngama engathem a. Edangthem a; rohkomin Joban ma wanniinii ethôansiet a. Nãng phoangpa mihdihiak dela kaamchhih moatrãng dangmah, Teso nâng soamtô hôan rãngba; ngale phoang komin Teso ma chohkohmin.

1 KORINT 8:4

Erohwah, moangachaang nâng kohwah phhekchhah chhahjunko dangeka: Nãngma ajet linlinko moangachaang pa ahînte dangmah; Nãngma ajet Joban pa wathe lanlan jôba tonga.

IFISIEN 1:3

Joban ngale nãng Teso Jisu Krista Wa nâng dangkoh a ngae! Chenrãngma ngako Krista junma rangkhethung nâng atema nãngnâng rang kohehi.

IFISIEN 3:14

Are rãngma Ngama Wa mathahko nga dakuhtho lekma kunjup ekang,

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

1 PITER 1:21

Ate junma nekhuma ate ritwah ngakhinsiet lahma atenâng mîndongthôan kohte nâng putedâlem eken; ngale erohwah nema Joban nâng putedâlem ngale tok anâ re eken.

LOATKHESOK 1:18

Nga a ahînte pa! Nga a ritrewah, rohkomin Nga ade phumma roantang roangjêng rãng hinekang. Ngale Nganâng arit ngale hahtokkhoh wah arit amahthin heh khohnâng chaan tonghang.