1 KORINT 8:1 - NIEMNYAN Naga NT (BSI)

¹ Ade dangeka nema moangachaang nâng phhekchhah kohrãngma chhienthapa. Thinma ngatah rãngrãng, arepa nginlinlin jôba, “Nãngkhu chentôma ajet.” Rohkomin arerãngrãng jet ajien eka pumma mihnyan pa ngamritthuk reka; rohkomin hun achetmîn pumma nângkhu rongsiet ehi.

1 KORINT 8:1 Iomraidhean Croise

MOATLEM 15:10

Ephumma nema Jews ledangte putedâlemte hehnâng nãngte nãngwa hehmemin ngale nãngdede memin letahenli hênlihpa henthuk letma Joban nâng chenrãngma thatsu eken a?

MOATLEM 15:29

Moangachaang nâng kohwah phhekchhah nekchhah en; hei nekphhek en; bohko replahma ritphewah ngem nekphhek en; dihiak dela kaamchhih nekmo en. Nema arerãngrãng heh lemo medang enko nerãngma asen edanga. Asen tuta chendangen.”

MOATLEM 21:25

Phumma Jews ledangte wah putedâlemte rãng dangeka hehnâng nima moangachaang nâng kohwah phhekchhah heh nekphhek chhah en, hei nekphhek en, erediko bohkorep lahma ritphewah ngem nekphhek en ngale dihiak dela kaamchhih nekmo en ngama nginpat hôan lihma sitiraang lihma matkattih.”

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 12:16

Anga nga demnâng asen tuta dangen. Ngam poapoa nekdangen, noapnene dangen. Ngale nedede jet ajien ngama nekthong hunrii en.

ROMAN HEHNÂNG POLMA RAANGWAH SITI 14:10

Erohwah nemin, henhen pharu lolo phhek eken a erehehma - mihhan heh khohnâng chenrãngma athe ngaeken a? Ngale rongrup phhekchhahte heh memin - ne lemru putedâlemte ahan hehnâng achhih ngama chenrãngma ngaeken a? Nangkhu anga ngajô Joban mathahko atema rênrãng chepmin.

ROMAN HEHNÂNG POLMA RAANGWAH SITI 14:14

Ngama Teso Jisu demnâng roamlekma jet ekang, chenni phhekchhahjô niemarang junko atedede angek aho; rohkomin nema wanwanthe phhekchhah pa niemarang junko angek methonghun enko, erepa nerãngma angek dângmin.

ROMAN HEHNÂNG POLMA RAANGWAH SITI 14:19

Erohwah, roantangma nãngkhu mongthem pa chenrohma mêmo jiendângmin a ngama thônghunmin ngale eroh mêmo danglihma jôba wathema wathe târongsiet mînmin.

ROMAN HEHNÂNG POLMA RAANGWAH SITI 14:22

Arekowah nema chennipa pute eken a erepa Joban nechhe tungko lolo jetletma thien en. Chenthu thinma asen ngama jetlahma moeka moatlem junko thinmîn lechhih medang ako, erehehma rang ekep a!

ROMAN HEHNÂNG POLMA RAANGWAH SITI 14:3

Rongrup tâphhek tâchhahte mihnyan hehma chenjô lephhek lechhahte komin achhih lengamin; ngale pharu wahra lolo phhekchhahte pummemin rongrup phhekchhate komin athe lengamin; chenrãngma ngako Joban ma ere mihnyan pemin kepeka.

ROMAN HEHNÂNG POLMA RAANGWAH SITI 15:14

Ngalemruchha heh: Nga dedema nekhua asen tuta jôba edangthem en ngama thonghun ekang, chenrãngma ngako, nekhuma chentôpa ajet, ngale nekhu dedemin wathema wathe nâng tajien hethômin en.

1 KORINT 1:5

Chenrãngma ngako Krista demnâng roamletma chentô nâng techhu lâdangtet, jab ajâ nângmin, ngale jet ajien nângmin techhu lâdangtet.

1 KORINT 10:15

Ngama nenâng hungchit rinchhem mihnyan ngama thonghun lahma thôkoh eka; ngama chenni ngin thôekanga erepa nededema jetlo en.

1 KORINT 10:28

Rohkomin nangnâng, “Arepa moangachaang nâng kohwah phhekchhah,” ngama wathema methôkoh hoko, nangnâng thôkohte rãng sênrãngma erediko nanghung sênrãngma, ere phhekchhah pa nangma nekchhah-

1 KORINT 14:20

Ngalemruchha heh, nema letachha heh hung arin rãngrãng nekphoang thonghun en; chhihli nângba letachha heh rãngrãng dangen, rohkomin mihlin phannang heh hung arin rãngrãng dangen.

1 KORINT 15:34

Hungpun rinpun ngakdang en ngale papmoat pa jek en. Ngama nekhu chenrêsê en ngama nekhuwah khaka hehma Joban jetmet ngama loatjab ekang.

1 KORINT 4:10

Chenrãngma ngako Krista rãng sênrãngma nia aba rãngrãng dangeki; rohkomin nekhua Krista demnâng roamletma jet ajien dangeken! Nia loboan dangeki, rohkomin nekhua lochaan! Nia thãjõ lembe hôanehi, rohkomin nea dôngsiet re ehèn!

1 KORINT 4:18

Nga nekhu demnâng bâmchohmîn hutumah hiba edangthem a ngama thonghun letma nekhuwah melâng mihnyan nyahrãng ngamritte lâhongtet.

1 KORINT 4:6

Ngalemruchha heh, nekhu rãngma asen dângrãngma, are chentôpa ngama Apolo cheniimîn thakthô lekma ngaekang, erohkoba ngama arepa chenni junma jab ekanga erepa nema eta jetlo en, “Niemarang pa senthemthem kepen.” Ngale nekhuma wathepa rângthô ngale ahan wathepa chhihthô nekre en.

1 KORINT 5:2

Eroh medang enko chenroh jienngamrii eken a? Erenoma hungchhih ngale rêsê thinba metongen a, ngale arerãngrãng moatte mihwa pa nekhu demwah junloat rêmin.

1 KORINT 5:6

Nekhu ngamrit nekre en! Nema are nginthakthô pa jet en, “Wichhi phathe pumma pheban phangtang rângbietjâ thuk a.”

1 KORINT 8:2

Henma komin ngama jôba jet ekang ngama thonghun eka erepumma chentô jetthin a erepa takhem jetmah.

1 KORINT 8:4

Erohwah, moangachaang nâng kohwah phhekchhah chhahjunko dangeka: Nãngma ajet linlinko moangachaang pa ahînte dangmah; Nãngma ajet Joban pa wathe lanlan jôba tonga.

1 KORINT 8:7

Rohkomin chentôma are toangtang nginpa khêmjetmah. Khaka mihnyan hehma moangachaang nâng nyahrãng soamtô eka, thenep thejâ tumin thinma chhah eka phhekchhah pa moangachaang nâng kohwah phhekchhah ngama thonghun eka; Arepa thinhung arinma letajet dâng phumma, thinma phhekchhah pumma ngeksiet ehi ngama thonghunwak eka.

IFISIEN 4:16

Ate khenko nãngphoang kowah chentô jat pa roapeka, ngale chentô rokchi rãchî chohmîn eka junko nãngphoang phangtang roapsiet eka. Erohwah chenthu nãngphoang wah hehma mâmâ moatlempa memoako, nãng phoangpa phangtang edonga, ngale erepa hun achetmîn junma edonga.

KOLOSIEN 2:18

Athânkhe junko adong ngama thônghunritte, ngale ahôanma diapnumritte, erediko Joban ngintatte hehnâng soamtô rãng chiente hehnâng nekmokwânrii en. Chenrãngma ngako, ererãngrãng mihnyan heh thin hei angem hung arin junma thonghun lahma chhihsietrii eka

LOATKHESOK 2:14

Rohkomin Ngama are roanche reknâng chhihchoh eka: Nekhu chhangnâng Balam ma hethôeka ngin kepte tongen, Balam ma Balak nâng Joban nâng joapsoap wah phhekchhah heh Isrial mihnyan hehnâng chhahthuk lahma chenroh papnâng dângthukmin a ereheh hethô wah, ngale dihiak dela tungko kaamchhih moatpa hethô wah. Phumma nekhu chhangnângmin erengin kepte etongen.

LOATKHESOK 2:20

Rohkomin arepa Ngama nekhu nâng senchohmah: Nekhuma dihiaknyu Jizibil ma ate dedema Joban nginmatte ngariieka ngin kep eken. Atema hethô lahma Ngahaa hehnâng dihiak dela tungko kaamchhih mothuk re eka ngale moangachaang nâng joapsoap wah phhekchhah heh chhahthuk re eka.