1 KORINT 6:9 - NIEMNYAN Naga NT (BSI)

⁹ Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

1 KORINT 6:9 Iomraidhean Croise

MATHIU 19:29

Ngale henhenma ngarãngma ate hum ahah, pho nya, nyong awa, chhuchha, ngale pitthin jolem heh thînphe eka, erehehma châthe nomemin depjah engakchoh a, ngale roantang roanjêng roandôngmin echohwak a.

MATHIU 25:34

Erediko Lowang pumma ate dekchahwah mihnyan hehnâng enga a, ‘wãngrên, nenâng nga Wama rang lâkohthen! rangbâng hahbâng thuwah nerãng khoakhem kohthen Hahsông pa kepwãngrên.

LUK MA RAANGWAH NGINKONGSEN 21:8

Jisu ma ngatwah, “Jetletma dangen; mihnâng nekdiep chhahrii en. Ajahthem mihnyan hehma ngamîn keplahma ehûra, thinma ‘nga a ate!’ ngama engawak a, ngale ‘Sanpoat pa lâhûtha!’ ngamemin engawak a, rohkomin thindi nekjun en.

MOATLEM 20:32

“Ngale ngama ade phumma nekhua Joban deknâng, ate mînchenchaan nginkong junko chendangen ngama lâkohtah, Ere pumma nekhu eta rongsiet hèn ngale Joban ma ate mihnyan hehrãng thienkotah rangpa ekepen.

MOATLEM 24:25

Phumma Pol ma toangtangma song ngin, mâmâ dedema hung môngsiet ngin, erediko ahokmin Rangwo ko Joban ma hen mihnyan ma chhih asen motah a ereheh ren ngin thôkoh phumma, Filex chei lahma ngatwah, “Nang athângheh tachhoan o. Ngama chenthu sanpoatchoh ekanga eko thengakrooe.”

ROMAN HEHNÂNG POLMA RAANGWAH SITI 1:18

Joban rinkhah pa rangkhethung wah chentô mihnyan pap ngale achhih erediko mihnyan hehma moatlem chhih moatjunko toangtang pa lejetthuk thangma dangeka heh lelatnâng kaera.

1 KORINT 15:33

Nekba en. “Lemruchha chhih pumma nãng jat apatsen heh chhihsiet eka.”

1 KORINT 15:50

Ngalemruchha heh, ngama ngaekang pa dangeka, hei angem junma Joban Hahsông pa leta chohmin, ngale amahritthin phoang pumma lemah riithin phoangpa tachohmah.

1 KORINT 3:16

Linlin nemajet, nea Joban rangsoamhum ngale Joban Jupa nekhen nâng tongeka!

1 KORINT 5:1

Athângheh, nekhu chhangnâng dihiak dela kaamchhih molahma tonga ngama chohtat ekang, arepa nyahrãng cheili, ngale arerãngrãng pa Joban lejette hehma tumin chhihmomah. Ngama chohtat junko mihwa pa ate nyongpien demnâng roamjup eka ngamatat ekang!

1 KORINT 5:10

Rohkomin, ngama Joban nâng lesoam letôte mihnyan hehma chhihmo ekale, chhahnyoak, ahuh, ngale moangachaang nâng soam atôte hehwah taangen ngat dangmek. Thin tâwah taangrãng menga eko are hahtokkhoh wah metaangchhoan ekoba tâdângmin.

1 KORINT 5:11

Ngama nenâng thôkoh ekapa henma atemin Joban nâng putedâlemte ngalahma dihiak dela kaamchhih moeka heh, chhahnyoak, ngale moangachaang nâng soamtô eka, ngale mih sethôte, khemmok chempa dângte, ngale ahuhte heh demnâng nekjohroam en ngamaba thôkoh eka. Ererãngrãng mihnyan heh demnâng phhekchhah roamchhah rãng tumin nekjoh tongen.

1 KORINT 6:10

ngale ahuhte, chhahnyoak, khemmok chempa, mihphoang chhihthô, ahuh heh - arerãngrãng mihnyan hehma henmemin Joban Hahsông pa leta chohmin.

1 KORINT 6:18

Mihdihiak dela kaamchhih nekmo en. Lihân papkaam mihnyan ma memo ako erepumma ate phoangpa chhihsietmah; rohkomin henma mihdihiak dela kaamchhih molahma pap dangeka erepumma atedede phoangrãngma chhihmo eka.

1 KORINT 6:19

Nema ne phoangpa Asâthôanju rangsoamhum ngama jetmetne, ere Asâthôanju pa nesekkhen ko tongeka, ngale erepa Joban ma nenâng kohwah? Ne phoangpa nedede rãng dangmah, erepa Joban rãng;

1 KORINT 9:24

Linlinjô nemajet, toatchhoan mînte heh jahmõang rângtoat chhoanmîn a, rohkomin khekhothôan thãpa wathelolo meba rângchoh a. Erohwah, khekhothôan thãpa tâchoh rãng chhoan en.

2 KORINT 12:21

Nga netânâng thengak hokko Joban ma ne mathahko numnene madangthuk hango ngama chei rekang, ngale ama kowah chentôma pap molahma thin kaamchhih hehwah hung lengaklit thangma tôngte hehrãngma esep ang - thinma athâng hehmin kaamchhih ngale dihiak dela tungko kaamchhih heh molahma tongeka.

GALATIEN 6:7

Nedede nekdiap chhahrii en; henmemin Joban tadiap chhahmah. Nema chenni bãng khiet eken a ere bãngri pejôba echohpun en.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

HIBRU 12:14

Chentô demnâng mêmo dângrãng thonghun en, ngale roandôngko Asâma dângrãng thonghun en, chenrãngma ngako, eroh ledang kako henmemin Teso leta chohkhemin.

HIBRU 12:16

Ngale Isau rãngrãng dihiak dela kaamchhih moatte erediko Joban nâng lepute dâlemte nekchen hongeken, atema phhekchhah hatthe nâng atea khhepho chha dengpa sengchhahwah.

HIBRU 13:4

Anga ngama nemnyansiet pa sâpoangpoang danglihma sietmin, ngale tangnyu tangwanii wathema wathe nâng toangtang tuta dângmin. Janchhô paangmih poatko kaamchhih moatte le mihdihiak dela tungnâng kaamchhih moatte hehnâng Joban ma achhih ngatmin.

JEMS 1:16

Ngapho nganya heh, nekdiap chhahrii en!

1 JON 3:7

Ngachhu Ngachha heh, nekhu hennângjô nekdiap chhahrii en! Henhenma kaamsen moeka ereheh Krista rãngrãng thinmin toangtang mihnyan.

LOATKHESOK 21:8

Rohkomin chephoat, mihchen sengte, kaamchhih moatte, mihritphete, dihiak dela kaamchhih moatte, jâdu hôante, moang nâng soam atôte, ngale chentô mothô khoanglep heh - thin tôngthin thepa salfar demnâng wendô ekako tôngmin, erepa thinrãng depnii rãng ngakrit pa dângmin.”

LOATKHESOK 22:15

Rohkomin hahdaang khenko ledangte heh kaamchhih moatte ngale jâdu hôante mihnyan heh, dihiak dela kaamchhih moatte, mihritphete, moangachaang nâng soam atôte, ngale jab ajâ erediko moatlem nâng mothô khoanglep dângte heh hahdaang kowah panlien nâng etonga.