1 KORINT 6:11 - NIEMNYAN Naga NT (BSI)

¹¹ Nekhumin ereheh rãngrãng dângwah. Rohkomin nea ererãngrãng pap kowah lâsâsietthen; nea Joban rãnglolo lâdangtet; Nãng Teso Jisu Krista ngale Joban Ju junma nea Joban demnâng toangtang lâdang thukthen.

1 KORINT 6:11 Iomraidhean Croise

MATHIU 20:4

Phumma atema thinnâng ngatwah, ‘nemin nga angurthong ko kaletma moka en, ngama dekbi thãpa senthem themjô koh a.’

LUK MA RAANGWAH NGINKONGSEN 18:14

Jisu ma ngatwah, “Ngama nenâng thôkoh eka, Farasi noma thãkho thâte pa Joban wah rangkep lahma ate humnâng ngakchhoanwah. Chenrãngma ngako henhen atedede dong sietrii eka erepa arînsiet rêmin, ngale henhen atedede arin dangrii eka erepa dôngsiet rêmin.”

JON MA RAANGWAH NGINKONGSEN 13:10

Jisu ma ngatwah “Henhen josoanchoan a ereheh senthemthem lâsâtah, athê depsôanthin dangtumah, thinma dalolo ba soantumin. Nekhu phangtang lâsâtet wathe loloba ngek etonga.”

JON MA RAANGWAH NGINKONGSEN 13:8

Piter ma ngatwah, “Nangma chenthumin ngada lesoan kohmin!” Jisu ma dânthâng wah, “Ngama nangda lesoankoh medang eko,” “Nanga ngadijunte leta dângmin.”

MOATLEM 22:16

Phumma chenni lekbemtu ekoa? toanchep lohma baptijem kep o, ngale atenâng rangsoam lohma nang pap heh sâsiet o.’

MOATLEM 26:18

Nangma thinmit kânsiet kohmin ngale rangnyek khenwah rangwo nâng loatsietmin, ngale joak ajo khenwah Joban tânâng loatsietmin, erohkoba thinma nganâng putedâlem junko thinpap heh map chohlahma Joban mihnyan heh chhangnâng thinthe echoh a.’

ROMAN HEHNÂNG POLMA RAANGWAH SITI 3:24

Rohkomin Joban ma atewah mînchenchaan pa nãng pesiette Krista Jisu junma thahoma kohlahma nãng ate demnâng phangtang toangtang dangthuk ehi.

ROMAN HEHNÂNG POLMA RAANGWAH SITI 4:5

Rohkomin henhenma moatlem moatjunko ledang, putedâlem nâng lolo tok anaa eka, ngale athe pa letherãng lithôante Joban nâng putedâlem eka, ere putedâlem peba Joban ma ate demnâng toangtang dângthukrãng lemeka.

ROMAN HEHNÂNG POLMA RAANGWAH SITI 5:1

Ade phumma nãng wah putedâlem junko nãnga Joban demnâng toangtang dangeki ngale Teso Jisu Krista junma Joban demnâng mêmo dangeki.

ROMAN HEHNÂNG POLMA RAANGWAH SITI 5:9

Ate hei pumma ade phumma nãnga Joban demnâng toangtang dangthuk ehi; erediko nãnga Joban rinkhah thunwah min Krista junma pe eki!

ROMAN HEHNÂNG POLMA RAANGWAH SITI 8:30

Ngale henhen pa Joban ma araangraang reethientah a, ereheh atema rooeka; ngale henhen pa atema rooeka, ereheh ate demnâng toangtang dangthuk eka, ngale erehehnâng Joban ma ate mîndôngko johroamthuk eka.

ROMAN HEHNÂNG POLMA RAANGWAH SITI 8:33

Joban ma reneka mihnyan hehnâng henma tâsêkhâm min a? Joban ate dedema ere mihnyan hehnâng themah ngaeka!

1 KORINT 1:2

Korint hahwah Joban nâng putedâlemte Asâthem heh, ngale Chentô Joban nâng Asâma putedâlem rãng rooeka heh, erediko Jisu Krista demnâng roamlahma Joban rãng dangeka heh, ngale therupwah mihnyan nâng Teso Jisu Krista nâng soam atôte hehnâng raangeka. Jisu Krista pa thinrãng memin ngale nãngrãng memin Teso:

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

1 KORINT 12:2

Nema ajet chenthu nema Joban lejet dangtet poatko, nema roandông ahote moangachaang hehnâng soamtô letma Joban tâwah lemke nâng taangchhoan letma dângwah.

GALATIEN 2:16

Nãngma ajet mihnyan pa Jisu Krista nâng putedâlem junko lolo jôba Joban demnâng toangtang tadang eki, Niemarang ma chenni huneka erepa moatjunma toangtang tadangmih. Nimemin Jisu Krista junma Joban demnâng toangtang tâdângrãng Jisu Krista nâng putedâlem eki, ngale Niemarang ma chenni huneka erejunma toangtang dâng dangmih. Chenrãngma ngako Niemarang ma chenni huneka erepa molahma henmin Joban demnâng toangtang tadangmah.

GALATIEN 3:11

Ade phumma senthemthem lajettih henmin Niemarang junma Joban demnâng toangtang tadangmah, chenrãngma ngako, Joban nyapraangma ngaeka, “Henhen pa putedâlem junma Joban demnâng toangtang dangeka ereheh ba hînmin.”

GALATIEN 3:24

Ngale erohwah Krista katmako Niemarang pa nãngkhu Krista tânâng hoksênte dângwah, ere junkowah putedâlem junma nãngkhu Joban demnâng toangtang dangthuk ehi.

GALATIEN 3:8

Joban ma Jews ledangte heh ate demnâng putedâlem junko toangtang dângthukmin ngama Joban nyapraangma amathuma thôwah. Ngale Joban nyapraang pumma Abraham nâng Nginkongsen pa thôkoh wah: “Nang junma Joban ma chentô mihnyan nyuchha hehnâng rangkohmin ngama ngatwah.”

IFISIEN 5:26

Krista ma Asâthem heh ate jabkhab pumma sâsiet ngale erediko joma sâsoan lahma Joban nâng koh eka,

IFISIEN 5:8

Nekhu dedemin rangnyek khenâng dângwah, rohkomin nekhua Teso mihnyan rãng dâng phumma, nea wenphiak nâng lâdang tutet. Erohwah nekhumin wenphiak nâng sôngtôngte mihnyan rãngrãng dangletma songtongen,

2 THISALONIKA 2:13

Lemruchha heh, nima sanpoat roakweih nekhu rãngma Joban nâng dangkoh a ngaeki, nekhu nâng Teso ma hun ehèn. Chenrãngma ngako Joban ma nekhu khekhothôan ren ehèn ate Ju chaanma khope chohrãng, ngale nekhuma toangtangko putedâlem junma atenâng putedâlemte mihnyan asâthôan rãng hôan ehèn.

HIBRU 10:22

Erohwah nãnghung ma achhih thonghunki hehwah sâsietrii ngale nãng phoangpa josâma sâsoan wah rãngrãng danglihma hungsâ ngale senthemthem putedâlem lihma Joban tânâng namhûe.

HIBRU 10:29

Eroh medang ako, Joban Chha lekepte mihnyan heh jãtanga chenroh dângmin a? ngale Joban ma thinpap heh sâsietrãng hei hongsiet ekapa thãjõ rãng kepte heh chenroh dângmin a? Ngale thinnâng mînchenchaan kohte Ju thãsete heh chenroh dângmin a? Thatthong hun tan en, thinma chentô chhih chêmchohmin a!

HIBRU 2:11

Atema chentô mihnyan nyuchha heh thinpap wah sâsiet eka, ngale ate erediko henhen atema sâsiettah a ere chentô hehrãng Wa pa mãnthe. Erohwah Jisu ma thinnâng Ngapho anaa ngama roorãng rêsêmah.

1 PITER 1:2

Nea Joban Wa mongthem junko ren ehèn ngale Jisu Krista ngin kepte dângrãng ngale ate hei pumma sâsietrãng Joban ma ate Juma mihnyan Asârãng hôan ehèn. Nekhu khohnâng Joban mînchenchaan ngale mêmo ajahthem chentonghèn.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 3:21

Erepa dangeka, athâng hehwah ne pesietrãng baptijem kep eken thiakpa dângwah. Ngale erepa phoangwah ngek atek heh sâsôan dangmah, rohkomin hungsen rinsen danglihma Joban demnâng toamsem eki. Erepa Jisu Krista ritwah ngakhîn junma nekhu pepâng ehèn,

1 JON 2:12

Ngachhu Ngachha heh, Ngama nenâng raangeka, chenrãngma ngako, Krista junma nepap heh map lâchohtet.

LOATKHESOK 1:5

ngale Jisu Krista, putedâlemli thôan hâkhi hôante, ritwah khebeng thôan ngaksatte, ngale hahtokkhoh wah lowang heh khoko pênte. Atema nãngnâng hun ehi, ngale atema roandông kohlahma pap khenwah pepâng ehi

LOATKHESOK 7:14

Ngama dânthâng wah, “Hethôte, Ngama jetmek, nangma jet ole.” Atema Nganâng ngatwah, “Are mihnyan heh dangeka thinma nyahrãng cheli chêmchoh lahma khope lahma wângte mihnyan heh. Thinma thin khet pa Saakchha heinâng lâposettah.