1 KORINT 5:8 - NIEMNYAN Naga NT (BSI)

⁸ Nãngkhuma Adankhoam lokuh pa wichhi pãma sakwah bankên demnâng ledang wichhi aho bankên nyan demnâng kuh e, wichhi pãpa nãngpap ngale chentô achhih heh, rohkomin asâ ngale toangtang danglihma wichhi lesak bankên rãngrãng dange.

1 KORINT 5:8 Iomraidhean Croise

MATHIU 16:12

Erediko dijunte hehma pheban nâng rêmthin wichhi kowah taang ngat dangmahhi, rohkomin Farasi ngale Saduki hehma hethôeka niemarang chhih hehwah taangrãng ngaehi ngama jetloat wah.

MATHIU 16:6

Jisu ma thinnâng ngatwah, “Jetletma dangen, Farasi ngale Saduki heh wichhi wah ataangnâng dangen.”

MAK MA RAANGWAH NGINKONGSEN 8:15

Jisu ma thinnâng ngatwah, “Jetletma dangen” “Farasi ngale Hirot wichhi wah jetletma dangen.”

LUK MA RAANGWAH NGINKONGSEN 12:1

Mihnyan heh hahjat bijatma khôan lahma, thindede tupnekmîn wah, ngale Jisu ma ate dijunte hehnâng bângngatwah, “Farasi heh wichhi hehwah jetletma dangen - ngama are ngaeka pa thin ahukhoanglep hehwah jetletma dangen ngaeka.

JON MA RAANGWAH NGINKONGSEN 1:47

Chenthu Jisu ma Nathaniel ate tânâng wâng khelahma ngatwah, “Isrial jat linlinpa anã; atenâng chenmin achhih aho!”

1 KORINT 3:3

Chenrãng-ma ngako, nea athâng hehmin are hahtokkhoh wah mihnyan heh rãngrãng tong eken. Chenthu nekhu tungko phetwânmîn, mere enko, ngale wathema wathe tungko mênmîn mere enko, erejunko nea are hahtokkhoh wah hei angem mihnyan ngale hahtokkhoh hung arin junko songtong eken ngama khesok eka.

1 KORINT 5:1

Athângheh, nekhu chhangnâng dihiak dela kaamchhih molahma tonga ngama chohtat ekang, arepa nyahrãng cheili, ngale arerãngrãng pa Joban lejette hehma tumin chhihmomah. Ngama chohtat junko mihwa pa ate nyongpien demnâng roamjup eka ngamatat ekang!

1 KORINT 5:6

Nekhu ngamrit nekre en! Nema are nginthakthô pa jet en, “Wichhi phathe pumma pheban phangtang rângbietjâ thuk a.”

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 2:17

Nia mihhan heh rãngrãng Joban nginpa ni tongsek rãngma thãnien nâng phoangseng chhahte dangmih; rohkomin nia Joban ma chienchhoan ehi, erohwah nia Krista haarãng danglihma Joban mathahko toangtangma thôeki.

2 KORINT 8:8

Ngama moatmin jôba ngama khetlomah. Rohkomin ahan hehma mihnâng chohsok atô huneka ngamaba khesok lahma, ne hun achet pemin chenroh a ngama jetrãng khesok eka.

IFISIEN 6:24

Joban wah mînchenchaan pa henhenma nãng Teso Jisu Krista nâng leta mahli hunma huneka ereheh nâng chentonga.

1 PITER 4:2

Erohwah ade phumma, are hahtokkhoh wah ne roandôngko mihnyan nyuchha hung arin junko ledang Joban hung junko songtongtu en.