1 KORINT 5:7 - NIEMNYAN Naga NT (BSI)

⁷ Wichhi apã patphewah rãngrãng newah pap pemin rephe re en, erohkoba phangtang asâ edangen. Erediko nemin wichhi aho pheban nyan rãngrãng edangen, linlinjô nea chenrãngrãnga erepa ngama lâjettah. Chenrãngma ngako, nãng Adankhoam lokuh pa lâthangtah, athângheh Adankhoam lokuh ko joatthin saakchha rãngrãng, Krista pa lâritphetah.

1 KORINT 5:7 Iomraidhean Croise

MATHIU 13:33

Jisu ma eredikomin thinnâng ahan nginthakthô thôkoh wah: “Rangkhethung Hahsông pa arerãngrãng. Dihiaknyu wathema wichhi pa toak roakbelii pheban demko sakmîn lahma pheban pa phangtang mabiet bietja thien eka rãngrãng.”

MAK MA RAANGWAH NGINKONGSEN 14:12

Wichhi lesak bankên phhek lokuh khebeng rangwojâ, ngale erejâpa Adankhoam lokuh rãng Saak joatjâ rangwo dângwah, phumma dijunte hehma Jisu nâng thôngphâ wah, “Nima nangrãng Adankhoam lokuh phhekchhah pa chenriang nâng khoakhemkoh ea?”

JON MA RAANGWAH NGINKONGSEN 1:29

Eredijâko Jon ma Jisu ate tânâng wãng lahma khewah, ngale eko atema ngatwah, “Sû en, hahtokkhoh wah pap hênphete Joban Saak pa anã!

JON MA RAANGWAH NGINKONGSEN 1:36

Phumma chenthu atema Jisu loatkhoam lahma kheko, “Joban Saak pa anã!” ngama ngatwah.

JON MA RAANGWAH NGINKONGSEN 19:14

Erepa Adankhoam lokuh majâ rangngih mongko dângwah. Pilat ma mihnyan hehnâng ngatwah, “Ne Lowang pa anã!”

ROMAN HEHNÂNG POLMA RAANGWAH SITI 3:25

Joban ma Jisu Krista ritphe thukwah, erohwah ate hei junko ngale mihnyan hehma atenâng putedâlem junko mihnyan heh pap map choh eka. Joban ma aroh moeka pa atea toangtang ngama khesok rãng moeka. Amako atema hungmông sietrii lahma mihnyan hehnâng thinpap junko lechêmthuk dângwah; phumma athângheh sanpoat komin Joban ma ate toangtangpa jienkhesok rãngma thinpap heh mapkoh eka. Aroh Joban ma ate toangtang pa khesok eka, rohkomin henhenma Jisu nâng putedâlem eka heh loloba toangtang dangthuk eka.

1 KORINT 10:17

Chenrãngma ngako bankên pa wanthe dangeka rãngrãng, nãngkhumin ajahjô medang ekomin, phoangtherãng lâdangtih, chenrãngma ngako nãngkhu anga ngama bankên wanthe kowah roamphhek eki.

IFISIEN 4:22

Erohwah ne amako chenroh dangtet a ererãngrãng nekdangtu en, amako nang chenroh sôngtông hun eko eroh songtong lohma dângwah - amakowah apãpa hungngek rinngek pumma lâchhihsiet tah.

LOATKHESOK 5:12

ngale sê nyahrãng raksê wakwah: “Aritphe retah Saakchha ma jôba chaan ahang, ngun akem, buthi mongthem, chaan amân, toak asân, mîndông, ngale rô choh eka!”