1 KORINT 5:11 - NIEMNYAN Naga NT (BSI)

¹¹ Ngama nenâng thôkoh ekapa henma atemin Joban nâng putedâlemte ngalahma dihiak dela kaamchhih moeka heh, chhahnyoak, ngale moangachaang nâng soamtô eka, ngale mih sethôte, khemmok chempa dângte, ngale ahuhte heh demnâng nekjohroam en ngamaba thôkoh eka. Ererãngrãng mihnyan heh demnâng phhekchhah roamchhah rãng tumin nekjoh tongen.

1 KORINT 5:11 Iomraidhean Croise

MATHIU 18:17

Ngale atema thin nginmin lekep medang ako, chentôpa Asâthem hehnâng thôkoh en, ngale atema Asâthem heh nginmin lekep medang ako, Joban lejette mihnyan ngale thãkho thâte mihnyan heh rãngrãng thinphe en.

MATHIU 23:25

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema ne wankhoang ngale bâti heh tokkhoh pa sâpa eken, phumma, akhenpa nema mihnâng phetwan letma nyenkep wahheh lolo.

LUK MA RAANGWAH NGINKONGSEN 18:11

Farasi pumma ataangnâng ate araangraang cheplahma rangsoam wah, ‘Joban, ngama dangkoh a ngaeki, chenrãngma ngako mihnyan ahan heh rãngrãng nga chhahnyoak dangmek, mothô khoanglepmin dangmek, ba mih tangnyu demnâng kaamchhih moatte min dangmek. Ngama nangnâng dangkoh a ngaeki chenrãngma ngako are thãkho thâte rãngrãngmin dangmek.

LUK MA RAANGWAH NGINKONGSEN 21:34

“Jetletma dangen, ngale jokphhek chhah, erediko are hahtokkhoh roandông rãng sekmah patritjû nekdangen, eroh medang enko ere rangwo pumma lemlienma

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 9:17

Ephumma Anania kalahma Sol tongeka humko luphokwah, ngale dekma atenâng sahloatwah. Atema ngatwah, “Enaa, Sol,” “Teso ma nga chienkat ehang - erepa Jisu ate dedema chienkat ehang, nang anâng katko lemko nangdemnâng ate chohmîntho. Nangmit pumma ngakjienkhe ngale nangma Asâthôanju chohrãng nga chienkat ehang.”

ROMAN HEHNÂNG POLMA RAANGWAH SITI 13:13

Rangwo sanphiak nâng sôngte mihnyan heh rãngrãng senthemthem dange - kuhhôan lihma bôang aloam, khemjok lihma mok alek, dihiak dela kaamchhih mo, achhihli heh, mên ahiet, ngale chhahnyoak, ngale phetwanmîn heh jekre e.

ROMAN HEHNÂNG POLMA RAANGWAH SITI 16:17

Ngalemruchha heh, ngama nenâng rosep eka: Mihnyan heh phansiette ngale nema niwah chohtattet ngin heh lelatnâng danglahma mihnyan heh putedâlem chhihsiette mihnyan hehwah jetletma dangen. Ngale thin tâwah ataang re en!

1 KORINT 10:14

Erohwah, ngalemruchha heh, moangachaang nâng soamwah ataang re en.

1 KORINT 11:21

Nekhu phhekchhah roamchhah poatko, khukama mihhânheh lebem thangma mâmâ dede thiakpa sitsiak chhah eka, erohwah khukapa rêmritma tong ngale khukapa lanmokroh jokphhek chhah eken.

1 KORINT 6:10

ngale ahuhte, chhahnyoak, khemmok chempa, mihphoang chhihthô, ahuh heh - arerãngrãng mihnyan hehma henmemin Joban Hahsông pa leta chohmin.

1 KORINT 6:6

Eroh ledang thangma, Kristan wathepa ahan Kristan wathe lelatnâng chenmîn letma Joban nâng lepute dâlemte mihnyan hehnâng phenthôthuk eken!

1 KORINT 6:9

Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

1 KORINT 7:12

Ahan hehnângmin ngama thôkoh ekang (Teso ngewah ledang ngadede wah thôkoh eka): Kristan delawa tangnyu pa Joban nâng putedâlemte ledang danglahma ate tangwa demko aroam mejô sông mehun ako, tangwa pumma chenthumin lechiakphemin.

1 KORINT 7:15

Ngale, Joban nâng lepute dâlemte pumma Kristan pa chiakphe mehun ako, chenchiakphe mîn a. Are nginko, dihiak memin ngale dela memin Kristan pumma ate hungsi junko tamoa. Chenrãngma ngako Joban ma nea mêmoma sôngtôngrãng rooehèn.

1 KORINT 8:11

Ngale nangpho anaa putedâlem nâng arinte rãngma Krista ritwah, phumma ere wapa nangma “Jet eko!” junma chhihjâ erea.

GALATIEN 2:12

Enâng Jems ma chienkatwah mihnyan heh hokkhoam mako, Jews ledangte heh demnâng Piter aroamma jokphhek chhah lahma dângwah. Rohkomin ere mihnyan heh hokkhoam diphumma, atema Jews ledangte heh demnâng roam jokphhek chhah tuho, chenrãngma ngako, atea khoankhen niem pa hôanmin jôba ngama hunte heh rancheiwah.

IFISIEN 5:18

Khemjok letma nekmok en, erepumma ne chhihsiet ba ere hèn; erenoma Joban Ju mênchong dangletma tongen.

IFISIEN 5:5

Nema senthemthem jet en, dihiak dela kaamchhih moatte, lihân achhihli moatte, chhahnyoak (chhahnyoak pa moangachaang hehnâng soamtô nâng ngaeka) hehma Krista ngale Joban Hahsông thepa lechohmin.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

2 THISALONIKA 3:14

Nima nenâng are sitiko matkat eka ngin heh lekepte min khuka etongthem a. Eroh metong ako, ere mihnyan heh jetletma thien en ngale thin demnâng chenjô nekmo nekka en, erohkoba thin arêsê erewak a.

2 THISALONIKA 3:6

Lemruchha heh, Teso Jisu Krista mînko nima nenâng thôkoh eka, putedâlemte danglahma ajõ, ngale nima thinnâng rîn akhah tihheh junko ledangte heh demwah ataang re en.

1 TIMOTHI 3:3

atea khemmok chempa ngale pong apa ledangmin, rohkomin numnene ngale mêmo mihnyan dângmin; ngale atea ngun nâng nyahrãng hunte ledangmin;

1 TIMOTHI 6:5

ngale kheri chhih erediko thinnâng toangtang pa aho dâng phumma roantangma achhiakmînli heh lolo hongsiet wakeka. Thinma rangsoam niem keppa techhu dângli ngama thonghun eka.

2 JON 1:10

Erohwah, hen akomin netânâng are ngin heh lekep thangma mehûreko, ere mihnyan heh ne humnâng nekhûthuk en; ngale, “arânjô nekrânjab en.”

LOATKHESOK 2:14

Rohkomin Ngama are roanche reknâng chhihchoh eka: Nekhu chhangnâng Balam ma hethôeka ngin kepte tongen, Balam ma Balak nâng Joban nâng joapsoap wah phhekchhah heh Isrial mihnyan hehnâng chhahthuk lahma chenroh papnâng dângthukmin a ereheh hethô wah, ngale dihiak dela tungko kaamchhih moatpa hethô wah. Phumma nekhu chhangnângmin erengin kepte etongen.

LOATKHESOK 2:20

Rohkomin arepa Ngama nekhu nâng senchohmah: Nekhuma dihiaknyu Jizibil ma ate dedema Joban nginmatte ngariieka ngin kep eken. Atema hethô lahma Ngahaa hehnâng dihiak dela tungko kaamchhih mothuk re eka ngale moangachaang nâng joapsoap wah phhekchhah heh chhahthuk re eka.

LOATKHESOK 21:8

Rohkomin chephoat, mihchen sengte, kaamchhih moatte, mihritphete, dihiak dela kaamchhih moatte, jâdu hôante, moang nâng soam atôte, ngale chentô mothô khoanglep heh - thin tôngthin thepa salfar demnâng wendô ekako tôngmin, erepa thinrãng depnii rãng ngakrit pa dângmin.”

LOATKHESOK 22:15

Rohkomin hahdaang khenko ledangte heh kaamchhih moatte ngale jâdu hôante mihnyan heh, dihiak dela kaamchhih moatte, mihritphete, moangachaang nâng soam atôte, ngale jab ajâ erediko moatlem nâng mothô khoanglep dângte heh hahdaang kowah panlien nâng etonga.