1 KORINT 5:1 - NIEMNYAN Naga NT (BSI)

¹ Athângheh, nekhu chhangnâng dihiak dela kaamchhih molahma tonga ngama chohtat ekang, arepa nyahrãng cheili, ngale arerãngrãng pa Joban lejette hehma tumin chhihmomah. Ngama chohtat junko mihwa pa ate nyongpien demnâng roamjup eka ngamatat ekang!

1 KORINT 5:1 Iomraidhean Croise

MOATLEM 15:20

Erenoma, moangachang nâng kohwah phhekchhah, chenpa nãngniem junko achin ngaeki heh nekphhek chhah en ngama sitiwah raange; ngale dihiak dela tungnâng kaamchhih moatte, ngale bohkorep lahma ritphewah ngemheh lephhekrãng, erediko hei lephhekrãng sitiwah raange.

MOATLEM 15:29

Moangachaang nâng kohwah phhekchhah nekchhah en; hei nekphhek en; bohko replahma ritphewah ngem nekphhek en; dihiak dela kaamchhih nekmo en. Nema arerãngrãng heh lemo medang enko nerãngma asen edanga. Asen tuta chendangen.”

1 KORINT 1:11

Ngalemruchha heh, chenrãngma ngako, Kloe humte tangkâ hehma nekhu tungnâng mênmîn reletma tonga, ngama nganâng chentôpa senthemthem lathôkoh thang.

1 KORINT 5:11

Ngama nenâng thôkoh ekapa henma atemin Joban nâng putedâlemte ngalahma dihiak dela kaamchhih moeka heh, chhahnyoak, ngale moangachaang nâng soamtô eka, ngale mih sethôte, khemmok chempa dângte, ngale ahuhte heh demnâng nekjohroam en ngamaba thôkoh eka. Ererãngrãng mihnyan heh demnâng phhekchhah roamchhah rãng tumin nekjoh tongen.

1 KORINT 6:13

Ahan hehmemin, “Phhekchhah pa wokrãng, ngale wokpa phhekchhah rãng” ngama engathem a. Edangthem a; rohkomin Joban ma wanniinii ethôansiet a. Nãng phoangpa mihdihiak dela kaamchhih moatrãng dangmah, Teso nâng soamtô hôan rãngba; ngale phoang komin Teso ma chohkohmin.

1 KORINT 6:18

Mihdihiak dela kaamchhih nekmo en. Lihân papkaam mihnyan ma memo ako erepumma ate phoangpa chhihsietmah; rohkomin henma mihdihiak dela kaamchhih molahma pap dangeka erepumma atedede phoangrãngma chhihmo eka.

1 KORINT 6:9

Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

2 KORINT 12:21

Nga netânâng thengak hokko Joban ma ne mathahko numnene madangthuk hango ngama chei rekang, ngale ama kowah chentôma pap molahma thin kaamchhih hehwah hung lengaklit thangma tôngte hehrãngma esep ang - thinma athâng hehmin kaamchhih ngale dihiak dela tungko kaamchhih heh molahma tongeka.

2 KORINT 2:5

Ade dangeka, henma komin mihhung mechhihthuk tetko, erepa atema ngahung chhihthuk dangmah hang, nekhu phangtang hungba chhihthuk ehèn - chhupthe komin nehung chhihthuk ehèn. (Ngama are jabekang pa atenâng achhihlin ngat lehun junko jabekang.)

2 KORINT 7:12

Erohwah, Ngama ere sitipa nenâng raangwahjô medang angkomin, kaamchhih moatte wathe junko raang dangmek, ba henrãng chhihmo kotah a ere watherãng raangmin dangmek. Rohkomin, Joban junko nema ninâng linlin dangletma chentô hungkoh ehia erepa chenlepjet en ngama raangwah.

GALATIEN 5:19

Mihnyan hei angem ma chenni moeka erepa anga ngama ajet. Erepa dihiak dela kaamchhih moat, moatlem chin, ngale lapien.

IFISIEN 5:3

Nekhua Joban mihnyan, erohwah, nekhu chhangnâng dihiak dela kaamchhih moat, lihân achhihli heh moaka, chhahnyoak, ererãngrãng heh ledangmin. Ererãngrãng pa Joban mihnyan hehma moatli dangmah.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

1 THISALONIKA 4:7

Joban ma dihiak dela kaamchhih molihma sôngrãng roo dangmahhi, sâpoangpoang sôngrãng rooehi.

LOATKHESOK 2:21

Ngama atenâng ate pap wah hung ngaklitrãng sanpoat kohtek, rohkomin atema kaamchhih moatwah jekpa hunmah.

LOATKHESOK 21:8

Rohkomin chephoat, mihchen sengte, kaamchhih moatte, mihritphete, dihiak dela kaamchhih moatte, jâdu hôante, moang nâng soam atôte, ngale chentô mothô khoanglep heh - thin tôngthin thepa salfar demnâng wendô ekako tôngmin, erepa thinrãng depnii rãng ngakrit pa dângmin.”