1 KORINT 4:6 - NIEMNYAN Naga NT (BSI)

⁶ Ngalemruchha heh, nekhu rãngma asen dângrãngma, are chentôpa ngama Apolo cheniimîn thakthô lekma ngaekang, erohkoba ngama arepa chenni junma jab ekanga erepa nema eta jetlo en, “Niemarang pa senthemthem kepen.” Ngale nekhuma wathepa rângthô ngale ahan wathepa chhihthô nekre en.

1 KORINT 4:6 Iomraidhean Croise

MOATLEM 18:24

Ere sanpoatko Alexendra nâng chhatwah Jews wathe atemin pa Apolo Ifisus nâng katwah. Atea ngin ariet jab nâng asen ngale atema Joban nyapraangmin nyahrãng jet dângwah.

MOATLEM 19:1

Apolo Korint nâng dângthuko, Pol ma Ifisus nâng katlem wah chentô hahdaang hehnâng khoamthien lahma Ifisus nâng hokwah. Enângmin atema dijunte khuthe hôngsiet thienwah

ROMAN HEHNÂNG POLMA RAANGWAH SITI 12:3

Ngale Joban ma nganâng mînchenchaan kohjunko ngama nekhu anga nganâng thôkoh eka: Ne chentô thenga erekowah nededema ajah nekbâm dong thonghunrii en. Erenoma, sâpoangpoang thonghun en, ngale Joban ma nenâng putedâlem pa chentô koh ehèn a erejunko nedede thonghunrii en.

1 KORINT 1:12

Ngama thôkohtan a: Nekhu anga ngama mâmâ ngingin thôeken. Wathema, “Ngama Pol dijun ekang”; ahan wathema, “Ngama Apolo dijun ekang”; ngale ahan wathema, “Ngama Piter dijun ekang”; ngale ahan wathe memin, “Ngama Krista dijun ekang” ngaeken.

1 KORINT 1:19

Joban nyapraangma ngaeka, “Ngama jet ajien buthi mongthem heh chhihsiet ere ang ngale nyapweih nyapraang dong dângte hehma jet ajien eka heh emah sietkoh ang.”

1 KORINT 1:31

Erohwah, Joban nyapraangma ngaeka, “Henma komin rângthôrit mehun ako, Teso ma chenni moeka erepa chenrângthôa.”

1 KORINT 13:4

Hun achet pa hungmông rinmông ngale mînchênwin; mihnâng phetwânmah, ngale atedede rângthôrii mah, erediko ngamrii mah;

1 KORINT 3:19

Chenrãngma ngako, are hahtokkhoh pumma chenpa buthi mongthem ngama thonghun eka erepa Joban rãngma aba ata rãngrãng dangeka. Joban nyapraangma ngaeka, “Joban ma jet ajien heh thin buthi mongthem junko benâng mânritwah rãngrãng manrii thuk eka”;

1 KORINT 3:21

Erohwah mihnyan nyuchha ma chenni tamoekia erepa henmemin lerângthômin. Linlinjô chentôpa ne thiak:

1 KORINT 5:2

Eroh medang enko chenroh jienngamrii eken a? Erenoma hungchhih ngale rêsê thinba metongen a, ngale arerãngrãng moatte mihwa pa nekhu demwah junloat rêmin.

1 KORINT 5:6

Nekhu ngamrit nekre en! Nema are nginthakthô pa jet en, “Wichhi phathe pumma pheban phangtang rângbietjâ thuk a.”

1 KORINT 8:1

Ade dangeka nema moangachaang nâng phhekchhah kohrãngma chhienthapa. Thinma ngatah rãngrãng, arepa nginlinlin jôba, “Nãngkhu chentôma ajet.” Rohkomin arerãngrãng jet ajien eka pumma mihnyan pa ngamritthuk reka; rohkomin hun achetmîn pumma nângkhu rongsiet ehi.

1 KORINT 9:23

Are chentôpa ngama nginkongsen rãngma moekang, ngale ere nginkongsen demko rang chenjoh kep ang ngama moekang.

2 KORINT 10:12

Ngale henma thin dedema nyahrãng adong ngama thonghun riieka ere mihnyan heh demnâng nidedema tathakmîn mih. Thin a chentô bâa! Thinma thindede dongsietrii lahma, Thin dede nâng thakrii eka!

2 KORINT 10:15

Erohwah Joban ma ninâng chentô mothuk ehia ere lietnâng mihhan hehma moeka heh nima moatwah lele rângthô riimih. Erenoma, nekhu putedâlem pa adong chendangen ngamaba nima thonghun eki, erohkoba nima nekhu tânâng moatlemdong eta moe, ngale roantangma Joban ma chentôko mothuk ehia eretôko emoe.

2 KORINT 10:7

Nekhuma rongrup nângjô tokkhohnâng lolo sûeken. Nekhuwah hen akomin atea Krista rãng ngama tâchâritte mihnyan tongen a? Sen a, rohkomin ade rekthe thindede chenthe ngakthong hunrii tan a, chenrãngma ngako, thin chenroh Krista rãng dangeka eroh jôba nimin Krista rãng dangeki.

2 KORINT 11:4

Chenrãngma ngako, nima nenâng Jisu nginkong thôkoh eka rãngrãng ledang Jisu nginkong ahan nenâng thôhok kohte heh nginmin nema khuhah nâhah kep eken; ngale nema niwah choh eken Ju ngale nginkongsen noma ajatjat ju ngale nginkongsen pa kep eken!

2 KORINT 12:19

Nema eta thonghunthem en sanpoat roakweih nia ne mathahko nidede lolo senthôrii eki ngama. Eroh dangmah! Nia Krista ma chenroh jabthuk hun ehia ererãngrãng jôba Joban mathahko jabeki, ngale lemruchha heh, nima chentô moeki pa nekhu nâng chohsokrãng moeki.

2 KORINT 12:20

Nga chei rekang, chenthu nga netânâng hokko ngama chenroh thonghun eka ererãngrãng lekhehû marelah o, erediko nekhu memin nganâng chenroh thonghun eha ererãngrãng lekhe mareho ngama. Ngale, mên ahietmîn, phatwânmîn, rinkhahchaan, chhahnyoak, mihnâng dûmmek, mihchhihthô, ngam apoa, ngale pong apa dangletma machoh khehûlah o ngama cheiba rekang.

2 KORINT 12:6

Ngama arângthô mehun angkomin, Nga aba dangmek, chenrãngma ngako ngama toangtang thôekang. Rohkomin ngama rângthômek, chenrãngma ngako nema nga moatlempa khe eha, ngale tat eken noma nganâng adong bâmthong hunpa hunmek.

2 KORINT 4:15

Are chentôpa nekhurãng sênrãngma dangeka; ngale Joban mînchenchaan pa mihnyan jahmõang nâng koheka, erohwah thinma Joban nâng ate mîndôngrãng dangkoh a ngat rangsoam pa ajah esoamwak a.

KOLOSIEN 2:18

Athânkhe junko adong ngama thônghunritte, ngale ahôanma diapnumritte, erediko Joban ngintatte hehnâng soamtô rãng chiente hehnâng nekmokwânrii en. Chenrãngma ngako, ererãngrãng mihnyan heh thin hei angem hung arin junma thonghun lahma chhihsietrii eka

1 THISALONIKA 1:5

Chenrãngma ngako nima nenâng Nginkongsen pa jabkhab melolo ledang, ere toangtang nginpa senthemthem lepjet lihma Joban chaan ngale Asâthôanju demnâng kephû koheka. Ni nedemnâng dângpoatko chenroh dangtih a erepa nemajet; erepa nekhurãng sênrãngma moatwah.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.