1 KORINT 4:5 - NIEMNYAN Naga NT (BSI)

⁵ Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

1 KORINT 4:5 Iomraidhean Croise

MATHIU 10:26

“Erohwah mihnyan ran nekchei en. Athângheh chentô huhthien eka heh phangtang laangjâ rêmin, ngale athângheh chentô riem eka ereheh loatjâ rêmin.

MATHIU 24:30

Erediko Mihnyan Chha ngakkat sanpoat pa jetrãng rangkho nâng ajatjat hong lahma ekhe e; ngale Mihnyan Chhapa rangkho wah phoam khohko tonglahma chaan ahâng ngale phiakto phiakja katpa khelahma hah khohwah mihnyan heh phangtang esepwak a.

MATHIU 24:46

Chenthu tângtewa pa humnâng hokko, atema chenroh chientah a eroh molahma metongla ako haapa chentô khuhah dângmin a!

MATHIU 25:21

Tângtewa pumma haako ngatwah, ‘lâsenmotoh, nanga asen ngale dâlemli!’ ‘nangma are amãnchha ngun pumma senthemthem jienmo eko, erohwah ngama nangnâng ngun jahmõang ethienthuk e. Wãngro nga demnâng khu johhah wãnghang!’

MATHIU 25:23

Tângte pumma haako ngatwah, ‘lâsenmotoh, nanga asen ngale toangtang, nangma amãnchha ngun pumma senthemthem jienmo eko, ngama nangnâng jahmõang ngun ethienthuk e. Wãngro nga demnâng khu johhah wãnghang!’

LUK MA RAANGWAH NGINKONGSEN 6:37

“Mihnâng athe neklo en, erohkoba Joban memin nenâng athe lomahhèn; mihnâng chhih neknga en, erohkoba Joban memin nenâng achhih ngamahhèn; mihnâng mapkoh en, erohkoba Joban memin nenâng map ekohhèn.

JON MA RAANGWAH NGINKONGSEN 21:22

Jisu ma atenâng dânthâng wah, “Atea Nga mangak ngakka ahînma tôngthuk mehun angko, Nangjã tanga chenroh dângmin a? Ngadijun hang!”

JON MA RAANGWAH NGINKONGSEN 21:23

Ephumma Jisu dijunte heh chhangko are dijunte wathepa lerii tumin ngama thôlahma ngin hôngwah. Rohkomin Jisu ma ate leriimin ngama ngaho; Jisu ma, “Ngama atea Nga mangak ngakka ahînma tôngthuk mehun angko, Nangjã tanga chenroh dângmin a?” ngamaba ngatwah.

JON MA RAANGWAH NGINKONGSEN 5:44

Nema wathema wathe rângthômin hun eken, rohkomin nema wanthe lolo Joban pumma rângthô pa hunmet; eroh medang enko nema nganâng chenroh ejien putedâlem ha?

ROMAN HEHNÂNG POLMA RAANGWAH SITI 14:4

Mihhaa hehnâng athe loatte nea hen a? Thinma tawak ekale tawakmah a ere sokte pa thin Tângtewa etonga. Ngale thinma etawak a, chenrãngma ngako Teso ma thinnâng chohsû lahma etathukwak a.

ROMAN HEHNÂNG POLMA RAANGWAH SITI 2:1

Ngalemruchha, nema mihnâng athe ngaeken a? henjô medang enkomin, mihnâng eroh ngatte nangmin pemoh. Chenrãngma ngako mihnâng athe ngama ngaletma nememin thinrãngrãng memo enko, nedede nângba athe ngarii eken.

ROMAN HEHNÂNG POLMA RAANGWAH SITI 2:16

Ngale, Ngama thôekãng Nginkongsen junko, chenthu Jisu Krista junma Joban ma mihnyan hungkhen nâng huhthonghun eka heh rênjâ Rangwo ko eroh dângmin.

ROMAN HEHNÂNG POLMA RAANGWAH SITI 2:29

Erenoma, rinken khennâng Jews dângte peba Jews linlin, erehehma, hungkhen nâng khoankhen niem linlinpa hôan eka, ngale erepa Joban Juma hôan eka, dekma raang wah Niemarang junko hôan dangmah. Ererãngrãng hôante hehma mihnyan wah ledangma Joban wah rô choh eka.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

1 KORINT 1:7

Nema nãng Teso Jisu Krista loathông katpa bempoatko, wanthemin rang lekep thangma lienphemet.

1 KORINT 11:16

Rohkomin are ngin khohko henma komin chhiakmîn mehun enko, ngama thôkoh eka, ninângmin ngale Joban nâng putedâlemte Asâthem hehnângmin are lêko lihân rangsoam niemarang ahotu.

1 KORINT 11:26

Are ngaeka pa nema are bankên pa phhek roakweih ngale are bâti kowah jokroakweih Teso mangak ngakka nema Teso rit nginpa phoangthômin.

1 KORINT 15:23

Rohkomin chentôpa mâmâ khô alemko ngakhînmin: Chentô noma khebeng thôan ko Krista ngakhînmin; erediko ate ngakkat sanpoatko henhen aterãng dangeka ereheh ngakhînmin.

1 KORINT 3:13

Ngale moatlempa henma chenroh moeka erepa chenthu Krista ma loatkhesokjâ rangwo pa mehû theko ekhe e. Chenrãngma ngako, erejâ rangwo ko anga nga moatlempa wenma thatkham lahma eloatsiet katra; phumma erewen pumma thatkhâm junko alinlin ale amõanga erepa ekhesok a.

1 KORINT 3:14

Humhôanrãng khoakhemtah theko hôaneka humpa wenma thatkhâmko lechhihkham medang ako, humhôante pumma thã echoh a.

1 KORINT 3:8

Bãngkhiette ngale bãngko jo kohte nii mãnthe; Joban ma henma chenroh motah a eroh waniinii nâng ekoh ehi.

2 KORINT 10:18

Chenrãngma ngako, chenthu Teso ma asen ngama menga hiko jôba nãnga linlin asen edange, nãng dedema asen ngatrit rãng dangmah.

2 KORINT 10:9

Ngama nenâng are sitiraang ekapa nekhu nâng cheithôrãng raang dangmek.

2 KORINT 4:2

Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.

2 KORINT 5:10

Chenrãngma ngako nãngkhu phangtang Krista mathahko atema rênrãngma chepmin. Nãng hei angem roandông poatko henma chenroh motih a erejunko chohmin, asen medang akomin, achhih medang akomin, erejunko anga ngama chohmin.

1 THISALONIKA 5:2

Chenrãngma ngako nedede memin senthemthem jet en, Teso ngakkat pa rangpen nâng ahuhte hokwah rãngrãng dângmin.

HIBRU 4:13

Joban nâng lejetthuk thangma chenjô tahuhriemmih; atema chentô hôantah heh ate mitkheko phangtang loatloat tuta. Ngale nãngkhuma chenni motih a ereheh phangtang nãngkhu dedema atenâng metkep khesokmin.

JEMS 4:11

Ngalemruchha heh, wathema wathe nâng nekchhih thômîn en. Nema nelemru Kristan ahan heh chhihthô, ngale thinnâng athe melo enko, nema Joban Niemarang ko achhih ngale athe ngaeken. Ngale nema Joban Niemarang nâng athe menga enko, nea Joban Niemarang kepte dangmet, rohkomin ere Niemarang ko athe loatteba.

JEMS 5:7

Ngalemruchha heh, Teso mangak ngaka hung arin môngmông tongen. Thatsû tan en, pitmoatte hehma thinpit wah chhah heh mamun munwãng chenroh rângbem a. Thinma rangcho chobengwah rangpat ngale chojekwah rangpat heh thin pitwah chhah hehrãngma hung arin môngmông danglahma rângbemla a.

JEMS 5:9

Ngalemruchha heh, wathema wathemîn nekchhih thômîn en, eroh medang enkoba Joban ma nenâng achhih ngama lenga edanghèn. Aren rangwopa lânam hutha, ngale lâhong eka.

1 PITER 1:7

Nema chêmchoh eken junkoba ne putedâlem pa linlin dangale dangmah a erepa jienjetmin. Achhihjâli kem pemin chhih ale asen a ngama jetrãng wennâng rângthatsõa; erohwah kem nomemin abâmbâm adong ne putedâlem pemin linlin dang ale dangmah a ngama metkep thatsokmin, erohko ne putedâlem pumma chenmam tadôa. Erediko chenthu Jisu Krista hongkat Rangwo ko nema rô, ngale mîndông choangpe echoh en.

1 PITER 5:4

Ngale chenthu Saaksokte adongthôanpa mehong tahko, nema aphiakthôan khophok echoh en, ngale ere khophok kowah phiak ekapa chenthumin leta mahmin.

2 PITER 3:12

nema Joban ngakkatjâ Rangwo bêmpoatko ere Rangwo pa sitsiak chenhûra ngama thonghun letma bem en - erejâ Rangwo ko rangkho pa wenma jemkham lahma echhihjâa, ngale rangkho wah chentô heh wenkhâm junko ajûmjâ erea.

2 PITER 3:4

ngale thinma nenâng engahèn, “Atema nenâng Nga ngakkat rêmin ngama toamsem then a? Eroh medang ako atea chenkoa? Nãngte nãngwa hehmin riitah, rohkomin chentôpa rang ahah hôanthuko chenroh dangtah a athâng hehmin phangtang ererãngrãng tuta jôba!”

JUD MA RAANGWAH SITI 1:14

Inok pa Adam chhuchha kowah roan engit ko dôngte pa dângwah, phumma atema ajahthem rangpâ mama thinjunma profisi hôanwah: “Teso ma ate ngintatte rangkhethung wah hahjat bijat sietlahma ekara

LOATKHESOK 1:7

Sûtan en, atea phoamkhoh nâng kaera! Anga ngama ate ekhe e, atenâng pahma suhtah hehmemin ekhea. Hahtokkhoh wah mihnyan nyuchha heh phangtang ate junma asep erewak a. Linlinjô eroh pa edanga!

LOATKHESOK 20:12

Ngale Ngama riichoante heh adong arin khoakthema phangtang tôngthin mathahko cheplahma khewah. Eko titab heh lakwah, ngale erediko titab ahan hehmin lakwah, ahîn titab pa lakwah. Riichoante mihnyan heh thinma chenroh molahma titab nâng raangthientah a erejunko rênwah.