1 KORINT 4:15 - NIEMNYAN Naga NT (BSI)

¹⁵ Chenrãngma ngako nekhu nâng Kristan roandôngko hahjat echhi mihnyan hethôtejô metong hèn komin, nerãngma Wa pa wathelolo jôba etonghèn. Chenrãngma ngako nekhu roandôngpa Jisu Krista demnâng roamletma ngama nekhu nâng Nginkongsen pa kephû kolahma nga nekhu Wa rãngrãng lâdangtek.

1 KORINT 4:15 Iomraidhean Croise

ROMAN HEHNÂNG POLMA RAANGWAH SITI 15:20

Ngama chenriangko Krista Nginkongsen pa mathat chohtat a, eretheko thôhok kohrãng roantang thonghun lekma tongekang, erepa mihma humhôanrãng cheptah dekchôangko ngama hôan hunmek.

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

1 KORINT 15:1

Ngalemruchha heh, ade dangeka, ngama nenâng Nginkongsen thôko tahpa nema kepletma ere khohko ne putedâlem pa rongtêngtêng dangeken junma chhêmthôkoh huneka.

1 KORINT 3:10

Joban ma nganâng humhôan thakwa dângthuk junko, nga a thakwa rãngrãng danglekma humhôan bângchep ekang, ngale ere mãnko mihhanma hôaneka. Rohkomin nekhu chentôma erepa chenroh hôanmin a ngama senthemthem thonghun letma hôanmin.

1 KORINT 3:6

Ngama bãngpa khiet ekang, phumma Apolo ma ere bãngko jo koheka, rohkomin ere bãngpa Joban ma hinthuk eka.

1 KORINT 3:8

Bãngkhiette ngale bãngko jo kohte nii mãnthe; Joban ma henma chenroh motah a eroh waniinii nâng ekoh ehi.

1 KORINT 9:12

Mihhan metumin newah metha hènko, nima jãtanga ereheh noma ajah lethaminne? Rohkomin nima nekhuwah thamah. Erenoma, nima newah thajunko Krista Nginkongsen nâng nema putedâlem pa tengbeng thuknoma roangrup pa nidedema tadô lihma tongeki.

1 KORINT 9:14

Ererãngrãngjô, Teso ma ngaeka, henhenma Nginkongsen pa phoangthô eka erehehma thin phhekchhah pa erekowah chohmin.

1 KORINT 9:16

Ngama Nginkongsen pa phoangthô rãngma tarângriimek. Chenrãngma ngako, erengin pa ngama metkep thômin jôba. Ngale ngama nginkongsen pa lephoangthô kangko ngarãngma chentô chhih dângmin a!

1 KORINT 9:18

Eroh medang ako, ngama chenthã chohmin a? Nginkongsen pa thãletha thangma phoangthôkoh, ngale ngama ere nginkongsen pa phoangthôkoh poatko henwahmin chenjô letha thangma phoangthôkoh pejôba nga moatlem.

1 KORINT 9:23

Are chentôpa ngama nginkongsen rãngma moekang, ngale ere nginkongsen demko rang chenjoh kep ang ngama moekang.

2 KORINT 4:5

Chenrãngma ngako arepa nidede ngin phoangthô dangmih; Nima Jisu Krista pa nãng Teso ngama phoangthôeki, ngale nikhua Krista mînko nekhu haa ngama phoangthôeki.

GALATIEN 3:24

Ngale erohwah Krista katmako Niemarang pa nãngkhu Krista tânâng hoksênte dângwah, ere junkowah putedâlem junma nãngkhu Joban demnâng toangtang dangthuk ehi.

GALATIEN 3:25

Ade phumma putedâlem sanpoat pa lâhûtha, nãngkhua Niemarang khennâng dangtumih.

GALATIEN 4:19

Echhu echha heh! Nyong nâng naachhat poatko rângchhâ arãngrãng, Krista hung arin jat apat pa nekhu nâng mahong honghènko, nganângmin nekhu rãngma ademin rekthe chhâ ehang.

2 TIMOTHI 4:3

Mihnyan hehma nginkongsen kowah toangtang ngin hethô ekako lenyoak jetat sanpoat ehûra, thin dede hung junko edangwak a, ngale thin nâma chenni jetat huneka erengin heh thinnâng hethôte lolo ajahjah ekhôansiet wak a.

TITAS 1:4

Titas, Ngama nangnâng raangeki, nanga Ngarãngma nãngkhuma aroamma putedâlem eki junko Ngachha linlin rãngrãng kepeki. Nãng Wa Joban ngale nãng Pângte Jisu Krista ma nangnâng mînchenchaan ngale mêmo chenkohho.

FILIMON 1:19

Arepa Ngadede dekma raang ekang: arepa, Nga Pol ma, engakthum e (Are rãngma Ngama nangnâng chêmthôkoh thin dangmah, nangdede roandông pa nangma Nganâng thãpê pêwah rãngrãng dangeka.)

JEMS 1:18

Ate hung junma ngale ate toangtang jabkhab junma nãngkhu nâng roandông kohehi, erohwah atema chentô tem atiektah hehwah nãngma khebeng thôan thepa choheki.

1 PITER 1:23

Chenrãng-ma ngako, roantang roanjêng ahîn Joban Jabkhab junma ne chenthujô leriite nyong awa chha rãngrãng lâthe ngakchhathen, aritte nyong awa rãngrãng heh chha rãngrãng dangtumet.