1 KORINT 3:6 - NIEMNYAN Naga NT (BSI)

⁶ Ngama bãngpa khiet ekang, phumma Apolo ma ere bãngko jo koheka, rohkomin ere bãngpa Joban ma hinthuk eka.

1 KORINT 3:6 Iomraidhean Croise

MOATLEM 11:18

Chenthu thinma are nginpa tatphumma, chhiakmîn pa jeklahma Joban nâng rôwakwah, “Eroh medang ako Jews ledangte hehnângmin Joban ma hunglitthuk lahma roandông koheka!”

MOATLEM 14:27

Chenthu thin Antiok nâng hokko, thinma Asâthem heh khôansiet lahma Joban ma thin demnâng chentô motah a erengin heh phangtang thôkoh wah, ngale Jews ledangte hehma putedâlem rãng Joban ma chenroh lemlaang kotah a erengin hehmin thôkoh wah.

MOATLEM 16:14

Thinkhuchhang wah ni nginkepte pa Thiatira hahwah Lidia dângwah, atea khetchek sengte dângwah. Atea Joban linlin nâng soam atôte dângwah, ngale Pol ma thôeka nginpa jetatrãng ate hung Teso ma laangkohwah.

MOATLEM 18:24

Ere sanpoatko Alexendra nâng chhatwah Jews wathe atemin pa Apolo Ifisus nâng katwah. Atea ngin ariet jab nâng asen ngale atema Joban nyapraangmin nyahrãng jet dângwah.

MOATLEM 19:1

Apolo Korint nâng dângthuko, Pol ma Ifisus nâng katlem wah chentô hahdaang hehnâng khoamthien lahma Ifisus nâng hokwah. Enângmin atema dijunte khuthe hôngsiet thienwah

MOATLEM 21:19

Pol ma thinnâng rânjab lahma Joban ma ate moatlem junma Jews ledangte hehnâng chenni motah a ereheh phangtang thôkoh wah.

ROMAN HEHNÂNG POLMA RAANGWAH SITI 15:18

Nga junma Jisu Krista ma Jews ledangte hehma Joban ngin jienkeprãng chenni motah a ereheh lolo lechei thangma ethô ang. Arepa atema Jabkhab ngale moatlem junma moatwah,

1 KORINT 1:12

Ngama thôkohtan a: Nekhu anga ngama mâmâ ngingin thôeken. Wathema, “Ngama Pol dijun ekang”; ahan wathema, “Ngama Apolo dijun ekang”; ngale ahan wathema, “Ngama Piter dijun ekang”; ngale ahan wathe memin, “Ngama Krista dijun ekang” ngaeken.

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

1 KORINT 3:22

Pol, Apolo, ngale Piter; are hahtokkhoh pa, rit ahin, athângheh ngale khedi wah hehmin - are chentôpa phangtang nerãng tuta,

1 KORINT 3:7

Bãngkhiette ngale bãngko jo kohtenii chenjô dangmah. Joban ba adongthôan, chenrãngma ngako, atema bãngpa hin thukeka.

1 KORINT 9:1

Nga a hen haajô dangmek! Nga a moattat chhoante ledangne? Ngama nãng Teso Jisu lekhe wahne? Ngale ngama Teso rãng moatjunko nekhu hong eken ledangne?

IFISIEN 3:17

ngale putedâlem junma nehung khennâng Krista chentonghèn ngama rangsoam ekang. Erediko ne roandôngko hun achet mînpa rongtêngtêng chenhun chenchhâmîn en ngama soam ekang,

1 THISALONIKA 1:5

Chenrãngma ngako nima nenâng Nginkongsen pa jabkhab melolo ledang, ere toangtang nginpa senthemthem lepjet lihma Joban chaan ngale Asâthôanju demnâng kephû koheka. Ni nedemnâng dângpoatko chenroh dangtih a erepa nemajet; erepa nekhurãng sênrãngma moatwah.