1 KORINT 3:5 - NIEMNYAN Naga NT (BSI)

⁵ Linlin medang ako, Apolo pa hen a? ngale Pol min hen a? Nikhua Joban haa ba, ngale nekhu Joban nâng putedâlem thukte. Nikhuma Teso ma hennâng chenni mothuk ehia ere peba moeki:

1 KORINT 3:5 Iomraidhean Croise

MATHIU 25:15

Atema haa chentô nâng mâmâ tôtô moatlem kohthien wah: Wathenâng hahjat bangâ ngun kohthien wah, ahan watheko hahjatnii ngun kohthien wah, ngale ahan watheko hahjatthe ngun kohthien wah. Erediko tângte pa chhoanwah.

LUK MA RAANGWAH NGINKONGSEN 1:2

Khebâng thuma areheh khelahma Joban nginkongsen pa phoangthôte hehma ninâng thôkohthi ngin heh jôba thinma raangthien eka.

JON MA RAANGWAH NGINKONGSEN 3:27

Jon ma dânthâng wah, “Joban ma lekoh kako, mihnyan ma chenmin leta chohmin.

MOATLEM 18:24

Ere sanpoatko Alexendra nâng chhatwah Jews wathe atemin pa Apolo Ifisus nâng katwah. Atea ngin ariet jab nâng asen ngale atema Joban nyapraangmin nyahrãng jet dângwah.

MOATLEM 19:1

Apolo Korint nâng dângthuko, Pol ma Ifisus nâng katlem wah chentô hahdaang hehnâng khoamthien lahma Ifisus nâng hokwah. Enângmin atema dijunte khuthe hôngsiet thienwah

ROMAN HEHNÂNG POLMA RAANGWAH SITI 15:16

erepa Jews ledangte heh demnâng moatrãng nga a Jisu Krista haarãng dangthuk ehang. Ngale ngama soam aroakte rãngrãng danglekma Joban wah Nginkongsen pa phoangthô ekang, erepa Jews ledangte hehmin Joban rinmeli joapsoap wah rãngrãng chendanga, ngale Asâthôanju junma Joban moatlem nâng lolo chenkepwak a ngama moekang.

1 KORINT 12:28

Joban ma Asâthem hehnângmin mâmâ moatlem mothuk eka: Abengthôanko moattat chhoante, erediko mõngama, erediko hethôte; erediko patritli moatlem moatte, erediko khoanchet mesietchaan chohte, mihnâng chohsokte, moatlem jienmoatte, ngale patritli jabma jienjabte.

1 KORINT 16:12

Ade dangeka, nãngpho Apolo rãngma dangeka. Ngama roantangma atenâng putedâlemte heh sietlahma netânâng hokrãngma rângthôkoh ang, rohkomin are sanpoatko atema netânâng hokrãng senthemthem mehun eka. Rohkomin chenthu atema sanpoat pa mechoh tahko nekhu tânâng ehûra.

1 KORINT 3:10

Joban ma nganâng humhôan thakwa dângthuk junko, nga a thakwa rãngrãng danglekma humhôan bângchep ekang, ngale ere mãnko mihhanma hôaneka. Rohkomin nekhu chentôma erepa chenroh hôanmin a ngama senthemthem thonghun letma hôanmin.

1 KORINT 3:22

Pol, Apolo, ngale Piter; are hahtokkhoh pa, rit ahin, athângheh ngale khedi wah hehmin - are chentôpa phangtang nerãng tuta,

1 KORINT 3:7

Bãngkhiette ngale bãngko jo kohtenii chenjô dangmah. Joban ba adongthôan, chenrãngma ngako, atema bãngpa hin thukeka.

1 KORINT 9:17

Ngama nga moatlempa ngadede mejô renlekma memo angko, ngama erethã chohmin ngama edâlemthem ang; rohkomin ngama erepa metkaptô moatthin moatlem ngama moekang, chenrãngma ngako, ere moatlempa Joban ma nganâng mothuk ehang.

2 KORINT 11:23

Thin a Krista haa ne? Ngama aba ma jab arãngrãng jab ekang - Nga thin noma haasen! Ngama nyahrãng chaanmotek, Nga phâtek nângmin melângdep thattongtek, Nganâng awatmin jahmõang watthang, ngale riinemnem wahmin ajahthem lâpetek.

2 KORINT 3:3

Are sitipa Krista dedema raangwah ngale erepa nijunma matchhoan eki. Are sitipa sehima raangwah dangmah, ahîn Joban Juma raangeka, ngale erepa longkhanâng raangmin dangmah, mihnyan nyuchha hungkhen nâng raangeka.

2 KORINT 3:6

Atema jôba dekma raangwah ledang, Juma raangwah toamsem nyan haa tâdângrãng ninâng chaankoh ehi. Dekma raangwah niemarang pumma arit kephûera, rohkomin Juma roandông kohehi.

2 KORINT 4:1

Joban ma mînchen junko nãngnâng are moatlempa mothuk ehi, ngale erohwah nãngma hungchha arinchha ledang thangma moe.

2 KORINT 4:5

Chenrãngma ngako arepa nidede ngin phoangthô dangmih; Nima Jisu Krista pa nãng Teso ngama phoangthôeki, ngale nikhua Krista mînko nekhu haa ngama phoangthôeki.

2 KORINT 4:7

Rohkomin chentô noma adongthôan chaanpa nãngnâng dangmahhi, erepa Joban ngenâng ngama khesokrãng, nãngma Jupa hahtit nâng sekwah rãngrãng thien eki.

2 KORINT 5:18

Are chentôpa Joban ma moeka, nãngkhua ate ran dangtihpa Krista junma ate lemruchha rãng lâlitsietthi, ngale mihhan hehmin ate lemruchha rãng hôanrãng moatlem pa nãngnâng kohehi.

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

2 KORINT 6:4

Erohwah, nima chenjô memo ekomin, rongrup lemma nia Joban haa ngama khesokrãng chêmchei, patrit sekmah, ngale boanrit nâchhâ komin hungmong sietrii lihma thaeki.

IFISIEN 3:7

Joban ma nganâng nyahrãng mînchen junko nga a nginkongsen haarãng Joban ma hôanwah, erepa Joban ma ate chaan junma kohwah.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

KOLOSIEN 1:25

Ngale Joban ma Nga Asâthem heh haarãng dangthuk ehang, ngale atema are moatlempa nekhurãng chensen a ngama mothuk ehang. Are moatlempa ate nginkongsen pa lolo phoangthô moatlem.

1 TIMOTHI 1:12

Ngama nãng Teso Jisu krista nâng dangkoh a ngaekang, chenrãngma ngako atema nganâng are moatlem heh moatrãng chaankoh ehang. Atema Nganâng asen ngama renlahma atenâng soam atôte dângthukdi dangkoh ngaekang,

1 PITER 4:10

Anga ngama, Joban ma mâmâ jatjat hînhô koh ehèn heh senthemthem jienkepte rãngrãng dangletma, nema Joban ngewah chohtet hînhô heh mihhan hehrãng asen dângrãngma kepmin.