1 KORINT 3:23 - NIEMNYAN Naga NT (BSI)

²³ ngale nekhua Krista rãng, ngale Krista pa Joban rãng.

1 KORINT 3:23 Iomraidhean Croise

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

JON MA RAANGWAH NGINKONGSEN 17:18

Nangma Nga hahtokkhoh ko chenroh chienkat thanga, ererãngrãng ngamemin thin a are hahtokkhoh ko chienchhoan ekang.

JON MA RAANGWAH NGINKONGSEN 17:21

Thinkhu phangtang wantherãng chendanga ngama soam ekang. Wa! thinmin nãngdemnâng chendanghi, chenroh nga nangnâng ngale nang nganâng dangeki rãngrãng thinmin wanthe chendanga. Eroh koba hahtokkhoh mihnyan nyuchha ma nga a nangma chienkatwah ngama eputedâlem hang.

ROMAN HEHNÂNG POLMA RAANGWAH SITI 14:8

Nãng ahîn medang eko, erepa Teso rãng hineki, ngale rit mere ekomin, nãnga Teso rãng riieki. Erohwah, nãnga ahîn medang ekomin, ngale rit medang ekomin, Teso rãng jôba.

1 KORINT 11:3

Rohkomin ngama nenâng arepa jetthuk huneka, dela pa ate dihiak khoko adong dangeka rãngrãng, Krista pa chentô mihnyan nyuchha khoko adong, ngale Joban pa Krista khoko adong.

1 KORINT 15:23

Rohkomin chentôpa mâmâ khô alemko ngakhînmin: Chentô noma khebeng thôan ko Krista ngakhînmin; erediko ate ngakkat sanpoatko henhen aterãng dangeka ereheh ngakhînmin.

1 KORINT 15:28

Rohkomin chenthu chentôpa Krista khennâng methien kotahko, erediko Krista ate dedema, Chhama, chentôpa ate khennâng thienkohte Joban khenko ethienriia; ngale Joban ma chentô khohko epen a.

1 KORINT 7:22

Chenrãngma ngako Teso ma mihhaa dângwah rooeka erepa Teso rãngma haa dangmah; ererãngrãng haa ledangte hehmin Krista ma rooeka heh Krista haa.

1 KORINT 8:6

Joban pa wathelolo jôba, erepa nãngkhu Wa, atea chentôpa têm atiakte, ngale ate junma nãngkhu hin joeki; ngale Teso min wathelolo jôba tonga, erepa Jisu Krista, ate junma jôba chentôpa têm atiekwah, ngale ate junma jôba nãngkhu hin joeki.

2 KORINT 10:7

Nekhuma rongrup nângjô tokkhohnâng lolo sûeken. Nekhuwah hen akomin atea Krista rãng ngama tâchâritte mihnyan tongen a? Sen a, rohkomin ade rekthe thindede chenthe ngakthong hunrii tan a, chenrãngma ngako, thin chenroh Krista rãng dangeka eroh jôba nimin Krista rãng dangeki.

GALATIEN 3:29

Nekhua Krista rãng medang enkoba, Abraham chhuchha edangen, ngale erohkoba Joban ma chenni toamsem tah a erepa echoh en.

GALATIEN 5:24

Ngale henhen Jisu Krista demnâng johdang eka erehehma mihnyan nyuchha hei angem jat apat, ngale atema huneka chentô heh ritphe rêmin.

IFISIEN 1:10

Ere themawa ekapa Joban ma sanpoat methang tahko emoa, erepa rangkhethung ngale hahtokkhoh wah atema tem atiak tahheh Krista khhepho khenko phangtang aroamma eroapsiet hûa.