1 KORINT 3:13 - NIEMNYAN Naga NT (BSI)

¹³ Ngale moatlempa henma chenroh moeka erepa chenthu Krista ma loatkhesokjâ rangwo pa mehû theko ekhe e. Chenrãngma ngako, erejâ rangwo ko anga nga moatlempa wenma thatkham lahma eloatsiet katra; phumma erewen pumma thatkhâm junko alinlin ale amõanga erepa ekhesok a.

1 KORINT 3:13 Iomraidhean Croise

MATHIU 10:15

Ngama nenâng linlin thôkoh eka, Joban ma metloat rangwo jâko erehah kowah mihnyan hehnâng mînchen noma Sodom ngale Gomora wah mihnyan hehnâng ba ajah emînchèn a!

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

LUK MA RAANGWAH NGINKONGSEN 2:35

ngale thin hungkhen nâng huhthonghun eka heh eloatthôkoh a. Ngale dangnahma nedede mongtoh pumma liensuhwah rãngrãng ere rekwah nehung elien chhihhèn.”

ROMAN HEHNÂNG POLMA RAANGWAH SITI 2:16

Ngale, Ngama thôekãng Nginkongsen junko, chenthu Jisu Krista junma Joban ma mihnyan hungkhen nâng huhthonghun eka heh rênjâ Rangwo ko eroh dângmin.

ROMAN HEHNÂNG POLMA RAANGWAH SITI 2:5

Rohkomin nehung pa nyahrãng hungcheh, erohwah nema Joban rinkhah ngale toangtangma ren Rangwo hongkat jâko nema chohmin nechêm pa jêngjah jahsiet reken.

1 KORINT 1:8

Atema athôanjâ tôkotuk rongtêngtêng edangthuk hèn, ere junkowah, nãng Teso Jisu Krista loathôngkat Rangwo jâko chenni nângjô lethe edangen.

1 KORINT 3:12

Khaka hehma kem, ba thãchaanjat jan aman, thãchaanjat longchek longhin heh keplahma humpa ebânghôan a; khaka hehma pen awah, ngale lengchha erediko chhahko heh keplahma min ehoan a.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 1:18

Teso ma ate ngakkatjâ Rangwo ko Onisiforus nâng chenmînchen a! Ngale atema Ngarãng Ifisus nâng chentô mokoh thanga ereheh nangmemin senthemthem jet o.

2 TIMOTHI 3:9

Rohkomin thinma eroh ajah talek momah, chenrãngma ngako, anga ngama thinma aba kaam moeka pa ekhea. Eroh jôba Janis le Jambris niimin dângwah.

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

HIBRU 10:25

Wanwanthe mihhan heh jek eka rãngrãng nãngkhu chohmîn nekjek eki. Erenoma, wathema wathe nâng ajah jahba hungdong sietmîn e, chenrãngma ngako, nemajet, Teso ngakkat Rangwo pa lânam hûtha.

1 PITER 1:7

Nema chêmchoh eken junkoba ne putedâlem pa linlin dangale dangmah a erepa jienjetmin. Achhihjâli kem pemin chhih ale asen a ngama jetrãng wennâng rângthatsõa; erohwah kem nomemin abâmbâm adong ne putedâlem pemin linlin dang ale dangmah a ngama metkep thatsokmin, erohko ne putedâlem pumma chenmam tadôa. Erediko chenthu Jisu Krista hongkat Rangwo ko nema rô, ngale mîndông choangpe echoh en.

1 PITER 4:12

Ngama nyahrãng ahun Ngalemruchha heh, nema nyahrãng chhâwawa chêmchohko, arerãngrãng chêmte mathatchoh ekang ngama nekpatrii en.

2 PITER 3:10

Rohkomin Teso ngakkatjâ Rangwo pa ahuhte hokwah rãngrãng ehûra. Erejâ Rangwo ko rangkho pemin nyahrãng linlahma emahjâa, ngale rangkho wah chentô heh wenma etthôan jemkham a, ngale hahtokkhoh demko hah khohwah chentô hehmin echhihjâa

2 PITER 3:7

Phumma athâng hehwah rangkhethung le hahtokkhoh pemin ere mãnthe jabkhab pumma jôba wennâng rokpherãng thieneka. Ngale rangkhethung le hahtokkhoh nii chenthu Joban lejette mihnyan heh Joban ma chhihngatjâ rangwo ko chhihsietrãng thieneka.

LOATKHESOK 20:12

Ngale Ngama riichoante heh adong arin khoakthema phangtang tôngthin mathahko cheplahma khewah. Eko titab heh lakwah, ngale erediko titab ahan hehmin lakwah, ahîn titab pa lakwah. Riichoante mihnyan heh thinma chenroh molahma titab nâng raangthientah a erejunko rênwah.