1 KORINT 3:1 - NIEMNYAN Naga NT (BSI)

¹ Ngalemruchha heh, linlinko, Ngama Joban Ju chohte mihnyan heh demnâng jabmîn ekang rãngrãng nekhu demnâng jienjabmîn mahrâng; Nga nedemnâng jabmîn poatko, ngama nea are hahtokkhoh wah hei angem mihnyan heh rãngrãng, erediko Kristan putedâlem nâng letachha rãngrãng thonghun lahma jabmîn eka.

1 KORINT 3:1 Iomraidhean Croise

MATHIU 16:23

Jisu ma tokdi litphong lahma Piter nâng ngatwah, “joak! ngatâwah taangchhoan o nanga nga lemnâng tângbâng thukte, chenrãngma ngako nangma are thonghun ekopa Joban wah dangmah, mihnyan hei angem hungwah thonghun eko”

ROMAN HEHNÂNG POLMA RAANGWAH SITI 7:14

Nãngma ajet Niemarang pa Joban ngewah; rohkomin nga dangekang ritte mihnyan, ngale papnâng haarãng seng ehang.

1 KORINT 14:20

Ngalemruchha heh, nema letachha heh hung arin rãngrãng nekphoang thonghun en; chhihli nângba letachha heh rãngrãng dangen, rohkomin mihlin phannang heh hung arin rãngrãng dangen.

1 KORINT 14:37

Henma komin atea Joban ngintat chhoante, ba atenâng Ju wah chaanchohte ngama methonghun ako, ngama nenâng chenni raangeka erepa Teso ma chienlahma raangeka ngama atema chenjet a.

1 KORINT 2:6

Rohkomin Junâng hungchit phannang hehnâng ngama buthi mongthem ngin heh thôkoh ekang. Rohkomin erepa are hahtokkhoh buthi mongthem pa dangmah, ngale are hahtokkhoh pên eka chaan pemin dangmah - ere chaanpa mahjâli chaan.

GALATIEN 6:1

Ngalemruchha heh, hen akomin nema kaamchhih molahma mechohkhe enko, nekhuwah henhenma Joban senthemthem jette tongen a erehehma kaamchhih moatte pa punsiet en; rohkomin erepa nema hungnoap rinnoap dangletma mo en. Ngale nedede min jetletma dangen, erohkoba nemin achhih ma hung letoan edanghèn.

HIBRU 5:13

Henma akomin nyuhpoti jok eka erepa naajeng chhathu, chenpa chhih a ngale chenpa asen a erepemin jetmah.

1 JON 2:12

Ngachhu Ngachha heh, Ngama nenâng raangeka, chenrãngma ngako, Krista junma nepap heh map lâchohtet.