1 KORINT 2:8 - NIEMNYAN Naga NT (BSI)

⁸ Are hahtokkhoh pênte heh henmemin ere buthi mongthem pa jetmah. Thinma erepa jetnomako, nãng Teso adongthôan pa lerittek minwah.

1 KORINT 2:8 Iomraidhean Croise

MATHIU 11:25

Ere sanpoatko Jisu ma ngatwah, “Ewa, nanga rangkhethung ngale hahtokkhoh Teso! ngama nangnâng dangkoh a ngaeki, chenrãngma ngako, jet ajien hehnâng lekhesok thangma huhriem lohma nokba hehnâng khesok eko.

MATHIU 13:22

Suhbuk mongnâng chatjâte chhah rãngrãng heh dangeka, Joban nginpa chohtat lahma hei angem roandông rãng sekmah patritte mihnyan heh, thin hungko chhu alu dânghun pumma Joban nginpa tangbuk eka, erohwah thinma ari hongrimah.

LUK MA RAANGWAH NGINKONGSEN 23:34

Jisu ma ngatwah, “Ewa thinnâng mapkoh o! chenrãngma ngako thinma chenni moeka erepa jetmah.” Thinma thintungko Jisu khetpa longkendoh nâng tanlahma phenkep wah.

JON MA RAANGWAH NGINKONGSEN 16:3

Mihnyan hehma Wa min lejet ngale Nga min lejet dâng phumma ne eritphe hèn.

JON MA RAANGWAH NGINKONGSEN 7:48

“Jews thôte jabtema komin ba Farasi ma komin wathemejô atenâng putedâlem lahma nema thatjettet a?

JON MA RAANGWAH NGINKONGSEN 8:19

Phumma thinma, “Nang Wa pa chenkoa?” ngama thôngphâ wah. Jisu ma dânthâng wah, “Nema nga jetmahha, ngale nga Wa min jetmet,” “Nema nga jetngako, nga Wa min chenjettet.”

MOATLEM 13:27

Chenrãngma ngako Jeroselem wah sôngte mihnyan, ngale thin khhepho phannang hehma atea nãng Pângte ngama jetmah, ngale Joban pientôngjâ roakweih mõngheh jabkhab weihwak eka hehmin jetmah. Rohkomin thinma Jisu ritphe lahma mõngheh jabkhab pa toangtang dangthuk eka.

MOATLEM 7:2

Stifen ma dânthâng wah, “Pho awa heh, ngangin jetat tanha! Nãngte nãngwa Abraham Haran hahnâng sôngwâng mako, ate tânâng Misopotomia hahko Joban adongthôanpa hôngkatwah

1 KORINT 1:20

Eroh medang ako, jet ajien heh chenkoa? ngale nyapweih nyapraang adong dângte heh chenkoa? ngale hahtokkhoh wah nginjet ngin jienthôan heh chenkoa? Joban ma are hahtokkhoh wah jet ajien eki heh aba ngama khesok eka!

1 KORINT 2:6

Rohkomin Junâng hungchit phannang hehnâng ngama buthi mongthem ngin heh thôkoh ekang. Rohkomin erepa are hahtokkhoh buthi mongthem pa dangmah, ngale are hahtokkhoh pên eka chaan pemin dangmah - ere chaanpa mahjâli chaan.

2 KORINT 3:14

Linlinjô thinhung pemin tanghep eka; ngale thenep thejâmin thinma Niempã titab pa meweih ako, amawah thinhung tangheptah mãnmãn pummejô athâng hehmin tanghep eka. Chenthu mihnyan pa Krista demnâng meroam akoba ere tânghep thinpa rephe eka.

IFISIEN 1:17

ngale nãng Teso Jisu Krista Wa adongthôan Joban ma nenâng ate Ju chenkohhèn ngama rosep ekang, Juma nekhu jet ajien edangthuk hèn, ngale nenâng Joban ekhesok hèn, erohkoba nema ate ejet en.

IFISIEN 4:18

thinhung pemin rangnyek khennâng. Joban ma koheka roandôngko thin johroam mah, chenrãngma ngako thin a aba ngale hungcheh rincheh.

1 TIMOTHI 1:13

khema nângjô Ngama aterãng mechhih jabtek komin, ba atenâng chêmsiet lekma mejõjêm tek komin. Rohkomin Joban ma nganâng nyahrãng mînchen ehang, chenrãngma ngako, Ngama leputedâlem poatko Ngama chenni moekanga erepa lejet thangma moatwah.

JEMS 2:1

Ngalemruchha heh, Nãng Teso Jisu Krista mîndongthôan chohte nâng putedâlemte dangletma, nema chenthumin mihnâng rangkhoh thhenphãng sûletma achhih asen pa lengamin.