1 KORINT 2:13 - NIEMNYAN Naga NT (BSI)

¹³ Erohwah, nima mihnyan buthi mongthêmma hethô wah jabkhab junko jab dangmih, rohkomin Juma hethô wah jabkhab junko jabeki, ngale henhen nâng Joban Ju tongeka erehehnâng nima Ju ngale toangtang nginpa hethôeki.

1 KORINT 2:13 Iomraidhean Croise

LUK MA RAANGWAH NGINKONGSEN 12:12

Chenrãngma ngako, Asâthôanju ma ere sanpoatko nema chenni dânthâng min a erepa ethôkoh hèn.”

MOATLEM 2:4

Thin anga ngama Asâthôanju chohwah, ngale Juma thinnâng chenroh jabthuk eka eroh thinma mihhanjat jabma jabwah.

1 KORINT 1:17

Krista ma baptijem kohrãng chienkatwah dangmah hang. Atema nenâng Nginkongsen pa thôkoh rãngba chienkatwah, ngale ere Nginkongsen pa mihnyan nyuchha jet ajien jabkhab heh junma thôkohrãng dangmah. Mihnyan nyuchha jet ajien jabkhab heh jablekma methôkoh ako Krista bãngphak khoko riitah chaanpa ngama anyenwah rãngrãng dângmin.

1 KORINT 14:2

Henhenma ajatjat jabma jienjab eka erepumma mihrãng jab dangmah, Joban demnâng ba jabmîn eka, chenrãngma ngako, erepa mihma henmemin jetmah. Erepa thinma Juchaan junma Joban toangtang nginpa thôeka.

1 KORINT 2:1

Ngalemruchha heh, chenthu nga netânâng Joban toangtang nginpa thôkohrãng hokko, Ngama jabkhab dong ngale ngama jet ajien ekang heh chenjet hang ngama khesok lekma thôkohho.

1 KORINT 2:14

Henhen nâng Ju ahoa, erehehma Joban Ju ngewah kaera hînhô pa leta chohmin. Ererãngrãng mihnyan hehma areheh leta jetmin, ngale thinrãngma sekhota ngin rãngrãng ethonghun a, chenrãngma ngako, ere Ju chohte hehma lolo jôba tâjetmin.

1 KORINT 2:4

ngale Ngama hethôtah le thôkotah nginkong heh mihnyan nyuchha buthi mongthem junma hethô wah dangmah, rohkomin, Joban Ju chaanma erepa ngama nenâng thôkoh wah.

1 KORINT 9:11

Nima nekhu chhangko Ju chhah wên eki. Phumma nima newah ngun akem ngale chhahkhem ngema thaeka pa nema khupliet ngama thonghun eken a?

IFISIEN 5:19

Wathema wathe nâng Joban rangsoamsê, nginsensê, ngale Jobansê hehwah seletma rânjabmîn en; nehung nâng nginsensê ngale Joban rangsoamsê hehwah seletma Teso nâng rô en.

KOLOSIEN 3:16

Krista nginkongsen pa nehung nâng mênchong tongthuk en. Ere nginkongsen buthi mongthem junko wathema wathe nâng rîn akhahmîn letma hethômîn en. Rangsoamsê heh se en, Jobansê hehmin se en, ngale lihân rangsoamsê hehmin se en; nehung ma Joban nâng dangkoh a ngat nungma se en.

1 PITER 1:12

Joban ma ere mõng hehnâng thin moatlem pa thindede wokphoatrãng dangmah ngama loatjetthuk eka, rohkomin thinma nekhurãng moatwah, ngale rangkhethung wah chienkat era Asâthôanju chaan junma Nginkongsen phoangthôte mihnyan hehwah nema athângheh chohtat eken ngin heh thinma nekhurãng jabeka. Are heh rangkhethung wah Joban ngintatte hehmemin jet huneka.

2 PITER 1:16

Nima nenâng nãng Teso Jisu Krista chaan demnâng ngakkat nginkong thôko tahheh mihnyan nyuchha ma hôanwah ngin thôkoh dangmah. Nidede mitma Jisu Krista mîndông pa khelihma thôkoh eka.