1 KORINT 16:10 - NIEMNYAN Naga NT (BSI)

¹⁰ Timothi netânâng mehûrako, nedemko senthemthem tãngroo en, chenrãngma ngako ate memin nga rãngrãngjô Teso rãngma moeka.

1 KORINT 16:10 Iomraidhean Croise

MOATLEM 16:1

Pol Dirbi le Listra ngenâng katwah, phumma ere ngenâng Kristan mihnyan wathe Timothi ngama songlahma dângwah. Ate nyong min Kristan dângwah, rohkomin atea Jews dângwah, phumma ate wapa Griik dângwah.

MOATLEM 19:22

Ephumma atenâng chohsokte Timothi ngale Irastas nii Mesidonia nâng chienkatwah, ngale ate ajahpa Asia diaknâng tôngwah.

ROMAN HEHNÂNG POLMA RAANGWAH SITI 16:21

Nga demnâng moatlem johmoatte Timothi memin ate salem matkat ehèn; ngale ngalemru Jews Lukius, Jason, ngale Sosipater hehmemin thin salem matkat ehèn.

1 KORINT 15:58

Erohwah, ngalemruchha heh, rongtêngtêng dangen, ngale nehung pa chenni mejô nekchen phongsiet ehèn. Roantangma Teso moatlem nâng hungkoh letma mo en, chenrãngma ngako nemajet, nema Teso moatlem moeken pa chenthumin mahto nâng dangmah.

1 KORINT 16:11

Henmemin atethã nekjõ en, erenoma ate ngakchhoan ko nema chohsû letma senthemthem mêmoma chienchhoan en, erohkoba atea ngatânâng engak hûra; chenrãngma ngako atema putedâlemte heh sietlahma ngatânâng ngakhok pa bemla ekang.

1 KORINT 4:17

Erohwah, ngama nekhu tânâng Kristan roandôngko ngachha linlin rãngrãng hôan lekma nyahrãng putedâlem ekang Timothi chienkat erang. Ngama Jisu Krista demnâng roam lekma nga roandông anyan dang lekma chenroh moekanga, ngale chentô thewah Asâthem hehnâng phoang hethô ekang niemarang heh atema nenâng ethôkohhèn.

2 KORINT 1:1

Joban hungsi junko Jisu Krista moattat chhoante Pol, ngale nãngnaa Timothi ma ngewah- Joban nâng putedâlemte Korint wah Asâthem, ngale Akaia diakwah chentô Joban nâng putedâlemte mihnyan hehnâng raangeka:

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

1 THISALONIKA 4:12

Eroh dangletma mesong metong enkoba Joban nâng lepute dâlemte mihnyan hehma nenâng edâlem hèn ngale neran echeiwak a, ngale nema chenni lemeken a ereheh rãngmemin mihnâng ledâlem etadangen.