1 KORINT 15:4 - NIEMNYAN Naga NT (BSI)

⁴ Joban nyapraang nâng raangeka rãngrãng, atea mangrukko binkat lahma jârem diko ngaksat rewah;

1 KORINT 15:4 Iomraidhean Croise

MATHIU 12:40

Chenroh Mõng Jona ngahdong wokkhen nâng ngihrem penrem tongtah a, ererãngrãng jôba, Mihnyan Chha pemin ngihrem penrem hahken khennâng etonga.

MATHIU 16:21

Ere sanpoat phumma Jisu ma ate dijunte hehnâng laangthôkoh wah, “Nga Jeroselem nâng metkep katmin, phumma khhepho phannang, soam aroakte adong, ngale Niemarang hethôte hehma echêmsiet hang. Nga ritphe ere hang, rohkomin, jârem diko ngakhîn ereang.”

MATHIU 20:19

ngale erediko Jews ledangjat heh deknâng ekoh a, phumma thinma atenâng jôjêm, buh awat, ngale bãngphakko etek a; rohkomin, jârem diko ate ngakhîn erea.”

MAK MA RAANGWAH NGINKONGSEN 9:31

Chenrãngma ngako atema ate dijunte hehnâng hethô sanpoat dângwah: “Mihnyan Chhapa ate ritphete heh deknâng ekoh a. Rohkomin, atea jârem diko ngakhîn rêmin.”

LUK MA RAANGWAH NGINKONGSEN 24:26

Misaia ma ere chêm heh chohlahma atema mîndông chohmin ngama nema lejetwah ne?”

LUK MA RAANGWAH NGINKONGSEN 24:46

ngale thinnâng ngatwah, “Aroh raanglahma tonga: Misaia pa metkep echêm a ngale jârem diko ritwah engakhin a,

LUK MA RAANGWAH NGINKONGSEN 9:22

Jisu ma thinnâng thôkoh wah, “Mihnyan Chhama nyahrãng chêmchohmin, ngale khhepho phannang, soam aroakte adong, erediko Niemarang hethôte hehma ate roak atoak leweihmin. Atea ritphe erea, rohkomin jârem diko ngakhîn erea.”

JON MA RAANGWAH NGINKONGSEN 19:38

Erediko, Arimatha hahwah Josep ma Jisu mangpa tajâtoan angle ngama Pilat nâng chhienwah. (Josep pa Jisu dijunte dângwah, rohkomin atea huhhuhchha dângwah, chenrãngma ngako, atemin Jews heh thôte jabte heh ranchei dângwah.)

MOATLEM 1:3

Ate ritdi jâroak belii khenko thin demnâng depdep chohmînwah, ngale atea ahîn ngama jien putedâlem rãng thinnâng rongrup moatlem heh molahma khesokwah. Thinma ate khetah, ngale thinnâng atema Joban Hahsông ngin hehmin thôkotah.

MOATLEM 17:31

Ade phumma atema renlahma thieneka mihnyan pumma hahtokkhoh pa toangtangma rênrãngma rangwo kahtok lahma thieneka. Are nginpa linlin ngama chentô nâng jetthuk rãng atema ere mihnyan pa ritwah ngakhinthuk lahma khesok eka!”

ROMAN HEHNÂNG POLMA RAANGWAH SITI 6:4

Nãngma baptijem kepeki pa, nãng ate ritko roamlihma ate demnâng johbin ehi, erohwah, chenroh Jisu Krista ma ate Wa mîndôngchaan keplahma ritwah ngakhintah a ererãngrãng, nãngmin roandông nyan danglihma sôngtôngmin.

KOLOSIEN 2:12

Chenrãngma ngako chenthu nema baptijem kepko, nea Krista demnâng johrit re eken, ngale baptijem kepko Krista ritwah ngaksatsiette Joban chaanko nema putedâlemdi nemin Krista demnâng johngaksat eken.

HIBRU 13:20

Joban ma nãng Teso Jisu Krista ritwah ngakhinsiettah, ngale ate hei junma atea Saaksokte Adongthôan dangeka, ngale erejunma roantang roangjêng rãng toamsem eka. Ate hung junko moatrãng mêmo kohte Joban ma chentô asenli heh chenchoh kohhi, ngale Jisu Krista junma atema nãngnângmin ate hungsênli moatlem moatrãng chenmam hôanhi. Erediko Krista mîn roantang roangjêng rãng chendonga! Amen.

1 PITER 1:11

Thinma erepa chenre sanpoatko dângmin a ngale erepa chenroh hokmin a ngama thatlemte wah. Ere sanpoatko thin khenwah Krista Ju tongeka pumma thinnâng Krista ma chêmchoh lahma atema ere chêmpa tadô lahma erediko atema mîndông rângthô choh eka heh jetthuk lahma loatthô thukwah.