1 KORINT 15:3 - NIEMNYAN Naga NT (BSI)

³ Ngama nyahrãng alemli thôan ngin chohtat tekpa nenâng dienthôkoh eka: Joban nyapraang nâng raangeka rãngrãng, Krista nãngkhu paprãngma ritwah;

1 KORINT 15:3 Iomraidhean Croise

MATHIU 26:24

Joban nyapraang nâng chenroh raangeka eroh Mihnyan Chhapa eriia, rohkomin henma Mihnyan Chhapa chensãng eka ererãngma chentô chhih dângmin a! Ere mihnyan rãngma ate lechêm hongchha peba asen dângmin wah!”

MATHIU 26:28

“arepa ngahei, areko Joban wah toamsemwin, ngahei pa ajahthem mihnyan heh pap mapkoh rãng hongeka.

LUK MA RAANGWAH NGINKONGSEN 24:25

Erediko Jisu ma thinnâng ngatwah, “Ne meroh taba eken a, mõng hehma jabtah ngin komin lepute chenroh jiendang eken a!

JON MA RAANGWAH NGINKONGSEN 1:29

Eredijâko Jon ma Jisu ate tânâng wãng lahma khewah, ngale eko atema ngatwah, “Sû en, hahtokkhoh wah pap hênphete Joban Saak pa anã!

MOATLEM 17:2

Jâhan wah rãngrãng Pol Sanagog nâng katwah. Ere hahko Pientông rangwo jârem johtongthien lahma mihnyan heh demnâng Joban ngin heh thômîn thienwah,

MOATLEM 3:18

Misaia ma chêmchoh lahma ritmin ngama mõngheh junma Joban ma khemama loatjabtah; ngale erepa atema aroh toangtang dangthuk eka.

MOATLEM 8:32

Joban nyapraang kowah atema weih tahpa arepa weihwah: “Atea ajoatrãng sietchhoan eka saak rãngrãng, ngale saakchha ma ate baan khenpoatko lesep rângdanga rãngrãng. Atema khabthemin loatjabmah.

ROMAN HEHNÂNG POLMA RAANGWAH SITI 3:25

Joban ma Jisu Krista ritphe thukwah, erohwah ate hei junko ngale mihnyan hehma atenâng putedâlem junko mihnyan heh pap map choh eka. Joban ma aroh moeka pa atea toangtang ngama khesok rãng moeka. Amako atema hungmông sietrii lahma mihnyan hehnâng thinpap junko lechêmthuk dângwah; phumma athângheh sanpoat komin Joban ma ate toangtangpa jienkhesok rãngma thinpap heh mapkoh eka. Aroh Joban ma ate toangtang pa khesok eka, rohkomin henhenma Jisu nâng putedâlem eka heh loloba toangtang dangthuk eka.

ROMAN HEHNÂNG POLMA RAANGWAH SITI 4:25

Nãngkhu pap junko Jisu ritphethuk wah, ngale nãngkhu Joban demnâng toangtang jiendângthuk rãngma Jisu ritwah ngakhînwah.

1 KORINT 11:2

Ngama nenâng rôeka, chenrãngma ngako nema nga roantangma thonghun eha, ngale ngama nenâng hethô tahpa senthemthem kepdi rôeka.

1 KORINT 11:23

Chenrãngma ngako ngama nenâng hethô tahpa Ngama Teso wah chohtatwah: Teso Jisu ate chênsâng rangpen ko, atema bankên chhupthe toansemwah,

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

GALATIEN 1:12

Ngama arepa mihnyan nyuchha wah chohthâ wah dangmah, erediko arepa nganâng henmemin hethôho. Arepa Jisu Krista ate dedema nganâng khesokwah.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

GALATIEN 3:13

Rohkomin, Niemarang pumma têm athoak kephû erako, Krista ma nãngkhu litko tem athoakrii lahma nãngkhu pesiet ehi; Chenrãngma ngako Joban nyapraangma ngaeka, “Hen akomin bãngphak khoko rittek eka, erepumma Joban wah têm athoak choh eka.”

IFISIEN 1:7

Chenrãngma ngako Krista hei junma nãngpap khenwah loatsiet ehi, ngale nãngpap heh mapkoh ehi. Joban mînchenchaan pa chentô dônga,

IFISIEN 5:2

Ne roandôngko hun achhâmin letma songtongen, chenroh Krista ma nãngnâng hunlahma ate roandôngpa Joban rinmeli tum amengli heh rângkoh arãngrãng ate roangdong pa nãngrãngma kohwah, ererãngrãng nekhumin hun achhâmin en.

HIBRU 5:1

Chentô soam aroakte adongthôan pa mihnyan hehma thinlemru hehwah ren eka, ngale thin mînko Joban nâng soamtô, ngale joapsoap, erediko paprãngma joapsoap thuk eka.

HIBRU 5:3

Ngale atedede min achhih dâng phumma, atema mihnyan nyuchha heh pap rãnglolo lejoap lesoap kohmin, atedede pap rãngmemin joapsoap min.

1 PITER 1:11

Thinma erepa chenre sanpoatko dângmin a ngale erepa chenroh hokmin a ngama thatlemte wah. Ere sanpoatko thin khenwah Krista Ju tongeka pumma thinnâng Krista ma chêmchoh lahma atema ere chêmpa tadô lahma erediko atema mîndông rângthô choh eka heh jetthuk lahma loatthô thukwah.

1 PITER 2:24

Krista ma atedede phoangko nãngpap heh bãngphak khohko hènphetah, erohwah nãngma pap moatpa jeklihma toangtang danglihma sôngtôngmin. Ngale ate phoang wah mâmãn junko nekhu khoanchet sen eken.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

1 JON 2:2

Ngale Krista junma jôba nãngpap heh mapkoh ehi, ngale nãngkhu pap heh lolo mapkoh dangmah, chentô mihnyan heh pap mapkoh eka.

LOATKHESOK 1:5

ngale Jisu Krista, putedâlemli thôan hâkhi hôante, ritwah khebeng thôan ngaksatte, ngale hahtokkhoh wah lowang heh khoko pênte. Atema nãngnâng hun ehi, ngale atema roandông kohlahma pap khenwah pepâng ehi