1 KORINT 15:2 - NIEMNYAN Naga NT (BSI)

² Ere ngama nenâng thôkotah nginpa Joban Nginkongsen pa thôkoh wah. Nema Joban Nginkongsen ko rongtêngtêng loletma metong enko erejunma nekho epe en - eroh ledang kenko nema putedâlem eken pemin mahto nâng dângmin.

1 KORINT 15:2 Iomraidhean Croise

LUK MA RAANGWAH NGINKONGSEN 8:13

Longrã khohko chatjâte chhah rãngrãng heh dangeka, thinma Joban ngin chohtat rienrien khuhah nâhah kepeka. Rohkomin erepa thinhung khennâng lulitlit kepmah; thinma poatthe rãng lolo kepeka, phumma chenthu chêmchei sanpoat hokko jârit rewak eka.

MOATLEM 2:47

Joban nâng rô rewakwah, erediko chentô mihnyan hehma thinnâng senchoh lahma dângwah. Ngale rangwo roakweih khopete mihnyan heh Teso ma thin demnâng chîjoh roamsiet hokwah.

MOATLEM 8:13

Simon memin ere nginko putedâlem wah; ngale baptijem kepdiko, Filip kêkêko namhokwah, ngale chenthu Filip ma nyahrãng patritli le bâritli heh moat khelahma atemin bâritwah.

ROMAN HEHNÂNG POLMA RAANGWAH SITI 1:16

Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

ROMAN HEHNÂNG POLMA RAANGWAH SITI 11:22

Are junko nãngma Joban pa nyahrãng mînchênte ngale nyahrãng rinkhahchaan ngama khe eki. Atea achhih nâng jâritte heh demnâng nyahrãng rinkhah lahma kheki, rohkomin nenâng mînchen ehèn - roantangma ate mînchen demkojû metong enko. Rohkomin ate mînchen demko ledang medang enko, nemin echhihjâ en.

1 KORINT 1:18

Chenrãngma ngako henhen mahritte a ereheh rãngma Krista bãngphak khoko riitah nginkongpa aba ata ngin rãngrãng; rohkomin nãngkhu henhen khopete a ereheh rãngma arepa Joban chaan.

1 KORINT 1:21

Chenrãngma ngako, mihnyan heh thin buthi mongthem junma ate leta jetlorãng Joban ma hôaneka. Erenoma, are nima phoangthô eki nginko thinma “aba” ngaeka ko henhenma putedâlem eka ere mihnyan heh kho chenpe a ngama Joban ma ate buthi mongthem junko hôaneka.

1 KORINT 11:2

Ngama nenâng rôeka, chenrãngma ngako nema nga roantangma thonghun eha, ngale ngama nenâng hethô tahpa senthemthem kepdi rôeka.

1 KORINT 15:14

ngale Krista pa ritwah lengakhin dângnomeko, nima phoangthô thinmin aho dângmin wah ngale nema putedâlem thinmin aho dângmin wah.

2 KORINT 2:15

Chenrãngma ngako nãngkhua Krista ma Joban nâng tum amêngli koheka tûmpa khopete ngale kho lepete mihnyan chentôma tateka rãngrãng jôba, erohwah nãng memin Krista tûmpa khopete ngale kho lepete chentô nâng tatthukmin.

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

GALATIEN 3:4

Nginkongsen rãngma nema atô chêmchoh tetpa mahto nâng lechêm eken a? Mahtonâng chinchin chêm dangmah!

IFISIEN 2:8

Chenrãngma ngako, Joban mînchenchaan ngale nema putedâlem junma ne khope eken. Erepa nedede chaanma moatjunma dangmah, Joban ma hînhô koh ehèn, erohwah ererãngma henmin tarângthôrii met.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

2 THISALONIKA 2:15

Lemruchha heh, erohwah, nima nenâng toangtang ngin hethôtah hehnâng rongtêngtêng putedâlem letma tongen. Ere toangtang nginpa nima Joban ngin thôkohpoat komin hethôtah ngale siti nâng raanglihma min hethôtah.

2 TIMOTHI 1:9

Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

HIBRU 10:23

Ngale nãngma thôeki dâlem ko rongtêngtêng putedâlem e, chenrãngma ngako, Joban toamsêm pa Joban ma emoa ngama putedâlem eki.

HIBRU 2:1

Erohwah nãngma chohtat eki toangtang nginpa rongtêngtêng keplihma tôngmin, eroh medang ekoba lekesietrii edange.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

HIBRU 4:14

Erohwah, nãngkhuma thôeki putedâlem ko rongtêngtêng lolihma putedâlem e. Chenrãngma ngako, Joban tâko tongwãng lahma nãngkhurãng Soam aroakte adongthânpa tonga erepa Joban Chha Jisu.

JEMS 2:14

Ngalemruchha heh, nema putedâlem eki ngaletma nemoatlem pa putedâlem junko ledang medang enko ereko chenni asen etonga? Ererãngrãng putedâlem pumma nekho tapesiet hèn a?

JEMS 2:17

Erohwah koh amien pemin putedâlem demko aroamma dângmin: Putedâlem lolo danglahma moatlem aho medang ako, ere pemin aritthã jôba.

JEMS 2:26

Erohwah, phoangko Ju aho medang ako phoangpa aritre eka rãngrãng, moatlem aho thangma putedâlem lolo pemin riichoanthã jôba.