1 KORINT 15:10 - NIEMNYAN Naga NT (BSI)

¹⁰ Rohkomin nga a athângheh chenroh dangekanga erepa Joban mînchenchaan junma tadang ekang, ngale atema nganâng mînchenchaan kohthangpa mahto nâng dangmah. Erohwah, ngama moattat chhoante ahanheh noma ajah bâmchaan moekang, rohkomin erepa ngadede chaanma lolomoat dangmek, Joban mînchenchaan pa nganâng tonglahma johmo ehang.

1 KORINT 15:10 Iomraidhean Croise

MATHIU 10:20

Chenrãngma ngako nema loatjabmin jabkhab pa newah ledangmin; ere jabkhab heh ne Wa Joban Ju ngewah kalahma nema ehongjab en.

MATHIU 25:16

Hahjat bangâ kohtah haapa lemlienma chhoan lahma ahan hahjat bangâ ngun chohbi wah.

ROMAN HEHNÂNG POLMA RAANGWAH SITI 11:1

Erediko ngama thôngphâ wah: Joban ma ate mihnyan heh phere eka? Phemah! Ngadede min Isrial mihnyan, Abraham chhuchha, ngale Benjamin jatwah.

ROMAN HEHNÂNG POLMA RAANGWAH SITI 12:3

Ngale Joban ma nganâng mînchenchaan kohjunko ngama nekhu anga nganâng thôkoh eka: Ne chentô thenga erekowah nededema ajah nekbâm dong thonghunrii en. Erenoma, sâpoangpoang thonghun en, ngale Joban ma nenâng putedâlem pa chentô koh ehèn a erejunko nedede thonghunrii en.

1 KORINT 15:11

Erohwah, ngamejô methôkoh akomin, ba thinmejô methôkoh hèn komin, nikhuma mãnthe pa phoangthôkoh eki, ngale nema areko putedâlem eken.

1 KORINT 15:2

Ere ngama nenâng thôkotah nginpa Joban Nginkongsen pa thôkoh wah. Nema Joban Nginkongsen ko rongtêngtêng loletma metong enko erejunma nekho epe en - eroh ledang kenko nema putedâlem eken pemin mahto nâng dângmin.

1 KORINT 3:10

Joban ma nganâng humhôan thakwa dângthuk junko, nga a thakwa rãngrãng danglekma humhôan bângchep ekang, ngale ere mãnko mihhanma hôaneka. Rohkomin nekhu chentôma erepa chenroh hôanmin a ngama senthemthem thonghun letma hôanmin.

1 KORINT 3:6

Ngama bãngpa khiet ekang, phumma Apolo ma ere bãngko jo koheka, rohkomin ere bãngpa Joban ma hinthuk eka.

1 KORINT 4:7

Henma mihhân noma adong dangthuk ehèn a? Nema chentô cheiken heh Joban ma kohwah ledangne? Sen a, eroh medang ako, nema cheiken heh, hînhô ledang rãngrãng chenroh jienrângthô eken a?

2 KORINT 12:11

Nga aba rãngrãng dang ekang - roh akomin erepa ne junma dangekang. Nekhuma jôba ngarãngma nginsen jabletma khesokmin, chenrãngma ngako, nga chenjô ledang kangkomin, nema “moattat chhoante adong” ngaeken heh noma arin dangmek.

2 KORINT 3:5

Are moatlempa nidedema tamoeki ngama ngatrãng ninâng chenni chaanjô aho. Nima ere moatlem tamoeki pa Joban chaan meba tamoeki;

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

GALATIEN 2:8

Chenroh Piter Jews hehrãngma moattat chhoante rãng hôantah a, ererãngrãng ngamin Joban chaanma Jews ledangte hehrãngma moattat choante rãng hôan ehang.

FILIPIEN 2:13

chenrãngma ngako, nekhennâng Joban ma roantangma mo ehèn, ngale ate nginkepkep dangletma ate rinmeli moatlem chenmo en ngama Joban ma chohsû ehèn.

FILIPIEN 4:13

Jisu Krista ma Nganâng chaankoh junko chentô sanpoat roakweih Ngama asenli tamo ang.

1 THISALONIKA 5:12

Lemruchha heh, nima nenâng rosep eka, nekhu Kristan roandôngpa asen dângrângma ne lemsênte ngale nenâng rîn akhah lahma nedemnâng moatte mihnyan hehnâng thonghun letma hun achhâ en.

1 TIMOTHI 4:10

Nima latrii lihma chaanrii moeki, chenrãngma ngako, nãngma ahin Joban nâng tok anaa eki, ate jôba chentô Pângte, ngale ajahthem pejô henhenma atenâng putedâlem eka ereheh Pângte.