1 KORINT 15:1 - NIEMNYAN Naga NT (BSI)

¹ Ngalemruchha heh, ade dangeka, ngama nenâng Nginkongsen thôko tahpa nema kepletma ere khohko ne putedâlem pa rongtêngtêng dangeken junma chhêmthôkoh huneka.

1 KORINT 15:1 Iomraidhean Croise

JON MA RAANGWAH NGINKONGSEN 12:48

Henhenma nganâng lepute dâlemte ngale nga nginlekep dangeka ereheh nâng achhih ngate tonga. Ngama jabekang jabkhab pumma athôan jâko thinnâng achhih engawak a!

MOATLEM 11:1

Moattat chhoante ngale chentô Judia diakwah putedâlemte hehma ngale Jews ledangte hehmemin Joban jabkhab pa kep eka ngama chohtatwah.

MOATLEM 2:41

Jahmõang mihnyan hehma ate nginko putedâlem lahma baptijem kepwah, ngale ere jâko hahjatrem mihnyan ma baptijem keplahma thin demnâng johdângwah

ROMAN HEHNÂNG POLMA RAANGWAH SITI 11:20

Arepa toangtang. Thinma lepute dâlemdi phakjâeka, ngale nemin putedâlem junkoba ere bãngko choatkhhek ehèn. Rohkomin ererãngma nekngamrii en; erenoma Joban ranchei letma tongen.

ROMAN HEHNÂNG POLMA RAANGWAH SITI 2:16

Ngale, Ngama thôekãng Nginkongsen junko, chenthu Jisu Krista junma Joban ma mihnyan hungkhen nâng huhthonghun eka heh rênjâ Rangwo ko eroh dângmin.

ROMAN HEHNÂNG POLMA RAANGWAH SITI 5:2

Atema putedâlem junko nãngnâng are Joban mînchenchaan pa kephukoh ehi, ngale athângheh nãnga ere khohko hin eki. Ngale erohwah nima rângthôeki nãngmin Joban mîndôngko ejohroam e ngama dâlem eki!

1 KORINT 16:13

Jetletma dangen, putedâlem nâng rongtêngtêng, hungdongdong, ngale lechei thangma dangen.

1 KORINT 3:6

Ngama bãngpa khiet ekang, phumma Apolo ma ere bãngko jo koheka, rohkomin ere bãngpa Joban ma hinthuk eka.

1 KORINT 4:15

Chenrãngma ngako nekhu nâng Kristan roandôngko hahjat echhi mihnyan hethôtejô metong hèn komin, nerãngma Wa pa wathelolo jôba etonghèn. Chenrãngma ngako nekhu roandôngpa Jisu Krista demnâng roamletma ngama nekhu nâng Nginkongsen pa kephû kolahma nga nekhu Wa rãngrãng lâdangtek.

2 KORINT 1:24

Nima nenâng metkepkep putedâlem min jôba ngama khetlomah; Nima ajet nea putedâlem nâng rongtêngtêng dangletma tongeken. Rohkomin nekhu dede khuhah nâhah dângrãngma jôba nekhu demnâng johroam moeka.

1 THISALONIKA 1:6

Nekhuma niwah ngale Teso wah he eken; ngale nekhu nyahrãngjô mechêm enkomin, nema nginkongsen pa Asâthôanju ngewah chaanchoh letma khuhah nâhah kep eken.

1 THISALONIKA 2:13

Ngale lihân junmemin nima Joban nâng roantangma dangkoh a ngaeki. Erepa chenthu nima nenâng Joban nginpa kephok kohko, nema erepa tatletma mihnyan nyuchha ngin ngama ledang alinlin Joban nginkong ngama kep eken. Chenrãngma ngako Joban nâng putedâlemte hehnâng Joban Juma moeka.

1 THISALONIKA 4:1

Lemruchha heh, Chenrohma Joban rinhung sênli roandông jiendôngmin a erepa nema niwah lâhethi. Adângte nea erohjô songtong letma dângwah. Ngale athâng hehmin nima nãng Teso Jisu Krista mînko nenâng erohjô ajahjah Joban rinhun sênli songtongen ngama rosep eka.

2 THISALONIKA 3:6

Lemruchha heh, Teso Jisu Krista mînko nima nenâng thôkoh eka, putedâlemte danglahma ajõ, ngale nima thinnâng rîn akhah tihheh junko ledangte heh demwah ataang re en.

1 PITER 5:12

Ngama nenâng are siti athoanchha raang ekapa Silas ma chohsû lahma raangkat eka, Ngama jet Silas pa Kristansen. Ngama nekhu hung dôngsiet huneka, ngale Ngama nenâng arepa Joban mînchenchaan linlin ngama thôkoh huneka. Ere mînchenchaan junko Joban nâng rongtêngtêng putedâlem letma tongen.