1 KORINT 14:3 - NIEMNYAN Naga NT (BSI)

³ Rohkomin henma Joban ngin phoangthô eka erehehma mihnyan hehnâng thôkoh eka ngale thinnâng chohsû eka, hung arin dongthuk eka ngale hung arinpa senthuk re eka.

1 KORINT 14:3 Iomraidhean Croise

LUK MA RAANGWAH NGINKONGSEN 3:18

Jatrup ngema Jon ma Joban nginpa mihnyan hehnâng thôkoh wah, ngale thinnâng hunglit rãng rîn akhahwah.

MOATLEM 13:15

Mosa Niemarang ngale mõng hehma raangwah hehwah loatweih diko, Sanagog wah Sahhabwa pumma thinnâng chhienkat thukwah: “Lemruchha heh, nememin mihnyan hehnâng chenni komin rîn akhahthin metong hènko tarîn en.”

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

MOATLEM 15:32

Juda le Silas niimin mõng dângwah, phumma thin demnâng nyahrãng lekjabmîn lahma rîn akhah wah.

MOATLEM 4:36

Ngale Sipras diaknâng chhatwah Livi wathe, ate mînpa Josep dângwah, phumma moattat chhoante hehma atenâng Barnabas ngama roowah (Are ngaeka pa, “Hungdông thukte ngaeka”),

MOATLEM 9:31

Ngale ere sanpoatko Judia, Galili ngale Samaria wah Asâthem heh mêmoma dângwah. Ngale Asâthôan Juma chohsû lahma thin a putedâlem nâng rongtêngtêng dângwah, ngale Joban ranchei nungma sôngtôngdi putedâlemte heh jêngjah jêngjah rewah.

ROMAN HEHNÂNG POLMA RAANGWAH SITI 12:8

mihhung dongsiet rãng mekoh hiko, nãngma mihhung dongsietmin. Ngale hen akomin mihnâng kohthin medang ako chhahme dângmin; Hen akomin thôajabte khhepho medang ako, hungkoh lihma chaanmoatmin; hen akomin mihnâng mînchenrãng mekoh ako, hungsi rinme ma moatmin.

ROMAN HEHNÂNG POLMA RAANGWAH SITI 14:19

Erohwah, roantangma nãngkhu mongthem pa chenrohma mêmo jiendângmin a ngama thônghunmin ngale eroh mêmo danglihma jôba wathema wathe târongsiet mînmin.

ROMAN HEHNÂNG POLMA RAANGWAH SITI 15:2

Erenoma, thinrãng sênrãngma putedâlemte ahan heh rinba methukmin, erohkoba putedâlem nâng thinmin asen edanga.

1 KORINT 10:23

Erohwah thinma ngaeka, “Nima chentôpa tamoe.” Erepa linlin jôba, rohkomin chentôpa asen dangmah. “Nãngma chentôpa tamoe” - rohkomin chentôpa nãng toatchohte dangmah.

1 KORINT 14:12

Phumma nema Ju wah Hînhô chohhun dâng phumma, nema abengthôanko chenre pumma Asâthem hehrãng ajahthôan asen dângmin a erepa chohrãngma mo en.

1 KORINT 14:17

Nema Joban nâng dangkoh a ngaeken rangsoam pa nyahrãng asenjô medang akomin, epa mihhan hehrãngma chenjô asen dangmah.

1 KORINT 14:26

Ngalemruchha heh, Ngama are junma jabekang. Chenthu nekhu rangsoam rãng khôanko, wathema rangsoamsê pese, ahan wathema hethô, ngale ahan wathe pumma Joban ma khesokwah nginpa thôkoh, ngale ahan ma ajatjat jabma jab, ngale ahan wathema erejabpa litthô. Chentô pejô Asâthem hehrãngma asenli tuta chendanga.

1 KORINT 14:31

Nekhu phangtangma Joban nginpa tâthô en, rohkomin wathe diko wathema thô en, eroh medang akoba chentôma jienhemin ngale hung arin dôngmin.

1 KORINT 8:1

Ade dangeka nema moangachaang nâng phhekchhah kohrãngma chhienthapa. Thinma ngatah rãngrãng, arepa nginlinlin jôba, “Nãngkhu chentôma ajet.” Rohkomin arerãngrãng jet ajien eka pumma mihnyan pa ngamritthuk reka; rohkomin hun achetmîn pumma nângkhu rongsiet ehi.

2 KORINT 1:4

Atema nãng chentô chêmchei nângmin chohsûehi, erohwah, nãngnâng Joban ma chenroh chohsûthia, ererãngrãnjô nãngmemin rongrup nâng chêmcheite mihnyan hehnâng chohsokmin.

2 KORINT 2:7

Rohkomin ade phumma nekhuma atenâng mapkoh en, ngale ate hung dongsiet en, chenrãngma ngako hung pa lulu chhihlahma roantangrãng môangchhihjâa.

IFISIEN 4:29

Jabkhabchhih heh nekjaben, mihrãngma senli jabkhab heh lolo jaben. Ne jabkhab junma mihrãngma asenli chendanga, erohkoba nema jabeken jabkhab pa henma tateka ereheh rãngma asen edanga.

IFISIEN 6:22

Erohwah Ngama netânâng ate chienkat erâng-nikhuma chenni moekia ereheh atema nenâng thôko lahma nekhu hung chendongsiet hen ngama chienkat erâng.

KOLOSIEN 4:8

Erohwah atema nekhu nâng nia anâng chenroh tongekia erengin heh thôko lahma nekhu anga nga khu chenhah thukhèn ngama netânâng chienkat erâng.

1 THISALONIKA 2:11

Nema ajet, nyong awa hehma thin chhuchha hehnâng chenroh dangeka rãngrãng jôba nimin nekhu demnâng dangeki.

1 THISALONIKA 2:3

Nihung nâng mõang atoang ba hungngek rinngek danglihma nenâng roatsep dangmah, ngale nima henjô diapchhahmih.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

1 THISALONIKA 4:1

Lemruchha heh, Chenrohma Joban rinhung sênli roandông jiendôngmin a erepa nema niwah lâhethi. Adângte nea erohjô songtong letma dângwah. Ngale athâng hehmin nima nãng Teso Jisu Krista mînko nenâng erohjô ajahjah Joban rinhun sênli songtongen ngama rosep eka.

1 THISALONIKA 4:18

Erohwah, are jabkhab pumma wathema wathe hung dongsietmîn letma tongen.

2 THISALONIKA 3:12

Nima Teso Jisu Krista mînko arerãngrãng mihnyan hehnâng senthemthem songtong lahma thindede wok chenlem biphhek chhah a ngama chien eki.

1 TIMOTHI 1:4

Thinnâng tewa nginchha ngale te awi heh nginkong heh thômîn pa jek chenrewak a ngama thôkoh, ereheh metham thômîn eko chhiakmîn loloba ere e; erehehma Joban moatlem nâng chohsû mahhi, Joban moatlem pa putedâlem junma loloba tâmoatmin.

1 TIMOTHI 4:13

Nga makaka, nang sanpoat le chaan amân heh nok atang hehnâng Joban nyapraang heh weihko lohma tongo, ngale Joban ngin heh thôkoh, ngale hethô lohma tongo.

1 TIMOTHI 6:2

Kristan tângtewa haa dângte heh mâmâ tângtewa nginlekep ledangmin, chenrãngma ngako thinmin thinpho anaa jôba. Erenoma, thinnâng ajahba sênkhoakhêm min, chenrãngma ngako, thinma mokoh eka hehmin putedâlemte ngale thinma hun achhâ wakeka. Are ngin heh nema metkep hethô en ngale phoangthôkoh en.

2 TIMOTHI 4:2

Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

TITAS 1:9

Atenâng hethôeka nginkongsen kowah jabkhab heh senthemthem kepte dângmin. Eroh medang akoba ate memin mihhan hehnâng toangtangma hethô lahma thinhung eta dongsiet a, ngale toangtang lelatnâng dângte mihnyan hehnângmin thin a athe ngama eta khesok a.

TITAS 2:15

Are ngin heh hethôwak o, ngale nang nginko jetatte hehnâng nangma hungdông sietrãng ngale ritnga lohma rîn akhahrãng chaankoh eki. Ngale henmejô nangnâng thãjõ lembe nekchen thonghun eho.

TITAS 2:6

Ererãngrãngjô dela warõngpoat hehnângmin mâmâ dede hung tâmông sietritrãng hethôo.

TITAS 2:9

Haaheh memin thin tângtewa nginkepkep danglahma chentô nâng thin tângtewa rin chenme thukwak a. Thinma thin tângtewa ngin nekchen danwak eka

HIBRU 10:25

Wanwanthe mihhan heh jek eka rãngrãng nãngkhu chohmîn nekjek eki. Erenoma, wathema wathe nâng ajah jahba hungdong sietmîn e, chenrãngma ngako, nemajet, Teso ngakkat Rangwo pa lânam hûtha.

HIBRU 13:22

Ngalemruchha heh, Ngama nehung dôngthukrãng rîn akhah ngin thôkoh ekako nehung môngsiet letma mamjettat en ngama rosep eka; chenrãngma ngako Ngama nenâng are sitiraang ekapa nyahrãng alo nyong dangmah.

HIBRU 3:13

Erenoma, nekhuwah henmemin papkaam moletma nehung nekchen chehjâ ekenma, rangwo roakweih wathema wathe nâng chohsûmîn en, chenrãngma ngako, Joban nyapraangma “Thejâ” ngaeka pa nãngma moatrãng ngaehi.

1 PITER 5:12

Ngama nenâng are siti athoanchha raang ekapa Silas ma chohsû lahma raangkat eka, Ngama jet Silas pa Kristansen. Ngama nekhu hung dôngsiet huneka, ngale Ngama nenâng arepa Joban mînchenchaan linlin ngama thôkoh huneka. Ere mînchenchaan junko Joban nâng rongtêngtêng putedâlem letma tongen.

JUD MA RAANGWAH SITI 1:20

Rohkomin ngalemruchha heh nema ne putedâlem khohko ne roandôngpa rongtêngtêng hôan en. Ngale Asâthôanju chaan kepletma rangsoam en,