1 KORINT 13:5 - NIEMNYAN Naga NT (BSI)

⁵ Hun achet pa mihpoakliak dangmah, chhahnyoak min dangmah, erediko rinkhahla min dangmah; erediko hun achet pumma chhih akhahli heh hungnâng lekthienmah;

1 KORINT 13:5 Iomraidhean Croise

MATHIU 5:22

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MATHIU 9:4

Jisu ma thinhung khennâng chenni thonghun eka arepa jetlo lahma, thinnâng ngatwah, “Nema arerãngrãng achhih heh chenrãngma thonghun eken a?

MAK MA RAANGWAH NGINKONGSEN 3:5

Jisu ma rinkhah lahma thinnâng tumlit phoangsok wah, ngale thinnâng mînchenmin rewah, chenrãngma ngako thinhungpa chehjâ ngale bâjâ rewah. Erediko atema mihwako ngatwah, “Nangdek pa chen o.” Ephumma atema chênsietko dekpa ngaksênwah.

LUK MA RAANGWAH NGINKONGSEN 7:39

Chenthu Farasi pumma erepa kheko, ate dedema thônghunwah, “Are mihnyan pa linlinjô mõng danglahma ko are atenâng sahloate dihiaknyu pa hen a erepa chenjettah; ngale ate chenroh papi roandông dongeka erepa chenjettah!”

1 KORINT 10:24

Nekhu henmemin mâmâ dede rãnglolo asen pa lethonghun min, rohkomin mihhan rãngmemin asenli pa thônghunte dângmin.

1 KORINT 10:33

Ngama chenroh moekanga eroh mo en; Ngama chentô moatlem moatroakweih anga nga hungsênthuk rãngma rângmo ang, ngale ngama ngadede rãngma sênrãngma rângthong hunmek, anga nga rãngma chensen a ngama rângthonghun ang, eroh medang akoba thin khomin eta pewak a.

1 KORINT 11:18

Abengthôanko ngama tattek nekhu rangsoam rãng chohmîn ko nekhuchhang nâng hung lejut dangeken; ngale arepa nginlinlin ngama pute ekang.

1 KORINT 12:25

Ngale erohwah phoang wanthe khenko mâmâ khukhu dangmah, rohkomin phoang kowah chentôpa wanthe pumma wantherãng sekmahmîn wakeka.

1 KORINT 7:36

Janchhô paangmih kepmînrãng kahkhetmîn lahma kepmîn lehuntu medang ako: Phumma paangmihpho pumma janchhônya mitsokko senthemthem dangmek lele mejetrii ako, ngale ate hei angem ko nyahrãng wenrii lahma kepmîn jôba asen ngama methonghun ako, thinma huneka rãngrãng, kepmîn chenrea. Eroh medang ako ereko pap aho.

2 KORINT 5:19

Nima thôki nginkongpa dangeka, Joban ma chentô mihnyan nyuchha heh Krista junma ate lemruchha rãng hôanehi. Joban ma mihnyan hehnâng thin papthã sekham tumah, ngale atema thin a ate lemruchha rãng chenroh hôanehia ere nginkong peba thôkoh ehi.

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

FILIPIEN 2:21

Ahan hehma mâmâ dede rãng sekmah patrii eka, Jisu Krista moatlem rãngma henjô sekmahmah.

FILIPIEN 4:8

Ngalemruchha heh, athôanko, nehung nerin ko asenli ngale arôli heh thien en: ereheh dangeka, toangtang, asâli, apunli, ahunli, ngale kep aloatli heh.

2 THISALONIKA 3:7

Nededema senthemthem ajet, nima chenroh moekia ererãngrãng nememin moatmin. Nima nekhu demnâng dângpoatko lejõrii thangma moatwah.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

2 TIMOTHI 4:16

Khebengko Ngaru henjô rumahthang, Nga dedeba pesietritwah; chentôma Nga phethien lahma chhoanwah. Joban ma erejunko thin khohnâng nekchen chhihchoh eka!

JEMS 1:19

Ngama nyahrãng ahun lemruchha heh! arepa thonghun en, Atat pa anga ngama senthemthem tat en, rohkomin jab pa ane jab en, ngale rin lemlienma nekkhah en.