1 KORINT 13:3 - NIEMNYAN Naga NT (BSI)

³ Ngama nga ngewah chhahkhem heh phangtang mihnâng metakoh angkomin, ngale ngaphoangmin wennâng meta rokthhekthuk angkomin - nganâng hun achet aho medang hangko, erepemin ngarãngma sekhota.

1 KORINT 13:3 Iomraidhean Croise

MATHIU 23:5

Thinma chentô moatlem pa mihnyan hehma chenkhehi ngama hunlahma moeka. Thin khowah khhek eka khet ngale thin phhekthem wah khhek eka khet hehnâng sûtan en, Joban nyapraang pa raanglahma khhek eka, sûtan en chentôdông khhek eka, ngale thin khetsa wah sitkhhek eka riisa heh chentôloat thien eka!

LUK MA RAANGWAH NGINKONGSEN 18:22

Chenthu Jisu ma are nginpa tatphumma atenâng ngatwah, “Nangma moatthin ademin wanthe tonga. Nang chhahkhem heh phangtang senglohma ngunpa tangchhih hehnâng koh o, ngale erohkoba nanga rangkhethung nâng techhu thôan edango; erediko kalohma ngadijun hang.”

LUK MA RAANGWAH NGINKONGSEN 18:28

Erediko Piter ma ngatwah, “Sûtan! nima ni humte tangkâ heh phethien lihma nang dijun eki.”

LUK MA RAANGWAH NGINKONGSEN 19:8

Zakaria toanchep lahma Teso nâng ngatwah, “Teso tattan! Ngama nga chhahkhem hehwah khakapa tangchhih hehnâng ekoh ang, ngale ngama hennâng komin mediapchhah tekko, ngama erenoma thiakbelii ajah engakkoh ang.”

JON MA RAANGWAH NGINKONGSEN 12:43

Thinma Joban wah rô chohhun noma mihnyan hehwah rô chohba hunwah.

JON MA RAANGWAH NGINKONGSEN 13:37

Piter ma chhienwah, “Teso, chenrãngma ngama athângheh leta junchhoanmin a?” “Nga nangrãng ritmin tarii ang!”

JON MA RAANGWAH NGINKONGSEN 15:13

Nema ne lemruchha nâng hun achet kowah adongthôanpa thinrãngma ne roandông kohpa.

JON MA RAANGWAH NGINKONGSEN 6:63

Roandông pa Joban Juma kohehi; hei angem phoangpa chennijô dangmah. Nga nedemnâng jabmîn eka jabkhab pumma Joban ngewah roandông chohthin Ju kephûkoh ehèn.

MOATLEM 21:13

Rohkomin atema dânthâng wah, “Ne chenrãngma sep eken a, nema aroh sepletma ngahung chhâsiet hun eken a? Nga Jeroselem nâng khhekrit rãngmin cheimek, ngale Teso Jisu rãngma enãng ritmin tarii ang.”

GALATIEN 5:26

Nãnga ngam poapoa ledangmin, ngale wathema wathe rin lekhahsiet mînmin, erediko wathema wathe nâng lephatwân mînmin.

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.