1 KORINT 13:2 - NIEMNYAN Naga NT (BSI)

² Ngama Joban nginpa mihhung lanlitroh mejienthô angkomin; ngale roangrup metajet angkomin, erediko Joban junma chentô mejet angkomin; ngale hahkong pa lanta moatsietroh putedâlem metong hangkomin - nganâng hun achet pa aho medang hangko, nga a chenni rãngjô senmek.

1 KORINT 13:2 Iomraidhean Croise

MATHIU 13:11

Jisu ma dânthâng wah, “rangkhethung Hahsông nginpa thinnâng ledang nenâng jetthuk rãng kepekãng.

MATHIU 17:20

Jisu ma dânthâng wah, “Nenâng putedâlem pa ajah aho dângkowah nema letajunlo reken” “Ngama nenâng nginlinlin thôkoh eka, nenâng jokangken dôngtô putedâlem metong hènko, nema are hahkong komin, ‘arekowah ireko kao!’ ngama tanga en, eko are hahkong pa eka a. Nema chenmin tamo en!”

MATHIU 21:19

Tema lemkahko phukbãng khelahma phukri lêmsokrãng katwah, phumma phukri lechoh thangma adek lolo tônglâwah. Ephumma atema bãngko “nangma chenthumin penri leri tumin!” ngama ngatwah, ephumma lemlienma phukbãngpa choakjâwah.

MATHIU 21:21

Jisu ma dânthâng wah, “Ngama nenâng nginlinlin thôkoh eka, nememin meputedâlem enko, ngama are phukbãngpa chenroh jienchoaksiet ekanga ererãngrãng nememin tamo en. Atô lolo ledang, nema are hahkong komin, ‘josi ko rutjâkao’ ngama tanga en, eko hahkõngpa erutjâka a.

MOATLEM 13:1

Antiok wah Asâthem hehnâng mõng ngale hethôte heh roanche dângwah: Barnabas, Simon (ngale atenâng mangnyekjat ngamemin roowah), Lukius (atea Kren wah), Manan (atea Govono Hirot demnâng aroamma humthewah roamdông aloatwah), ngale Sol.

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 15:14

Ngalemruchha heh: Nga dedema nekhua asen tuta jôba edangthem en ngama thonghun ekang, chenrãngma ngako, nekhuma chentôpa ajet, ngale nekhu dedemin wathema wathe nâng tajien hethômin en.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

1 KORINT 11:4

Erohwah delawa ma nok atang heh chhangnâng ate kho buklahma rangmesoam ako, ngale nok atang rangsoam thintheko Joban ngin khobuk lahma methôako, atema Krista rêsêthuk eka.

1 KORINT 12:28

Joban ma Asâthem hehnângmin mâmâ moatlem mothuk eka: Abengthôanko moattat chhoante, erediko mõngama, erediko hethôte; erediko patritli moatlem moatte, erediko khoanchet mesietchaan chohte, mihnâng chohsokte, moatlem jienmoatte, ngale patritli jabma jienjabte.

1 KORINT 13:1

Ngama chentô mihnyan nyuchha jabkhab heh mejienjab angkomin, ngale rangkhethung wah Joban ngintatte jabkhabjô mejienjab angkomin, nganâng hun achet pa aho medang hangko, nga jabkhab pa tamtin rahwat wah rãngrãng, ba chaangsi rahdohwah rãngrãng dângmin.

1 KORINT 13:3

Ngama nga ngewah chhahkhem heh phangtang mihnâng metakoh angkomin, ngale ngaphoangmin wennâng meta rokthhekthuk angkomin - nganâng hun achet aho medang hangko, erepemin ngarãngma sekhota.

1 KORINT 13:8

Hun achet pa roantang roanjêng rãngma dângmin. Joban nginpa mihhung lânlitjâroh ethôthem a, rohkomin erepa amahjâ erea; ajatjat jabma patritli jienjab lahma tonga, rohkomin erehehmin thôan erea; ngale jet ajien tadangthem a, rohkomin erepemin thôan erea.

1 KORINT 14:29

Wanii ba warem tôma Joban nginpa chenthôa, ngale ahan hehma thinma chenni thôeka erepa chenjetat a.

1 KORINT 14:39

Erohwah ngalemruchha heh, nehung nerin pa Joban ngin phoangthô rãng koh en, rohkomin ajatjat jabma hongjab pemin nekjek tãngen.

1 KORINT 14:4

Henhenma ajatjat jabma patritli jienjab eka erehehma thindede chohsû re eka, rohkomin henhenma Joban nginpa phoangthô eka erehehma Asâthem heh phangtang nâng chohsû eka.

1 KORINT 15:51

Are patritli toangtang nginpa jetat tan en: Nãngkhu phangtang leriimin, rohkomin chenthu athôan kowah poakpopo pa merah mettahko, mitthupjep tungko nãngkhu phangtang lemlienma elitjâe. Chenrãngma ngako chenthu poakpopo pa merahmet tahko, riichoante heh chenthumin lengakrii turãng engakhin a, ngale nãngkhumin phangtang litjâ ere e.

1 KORINT 16:22

Henhenma Teso nâng hunmah a - ereheh khohnâng achhih ehûa! Maranatha -Teso karoo!

1 KORINT 4:1

Nema ninâng Krista haa, ngale Joban toangtang moatlempa molihma ate ngin heh phoangthô kohterãng thieneka ngama thonghunhi.

1 KORINT 7:19

Chenrãngma ngako, mihnyan pumma khoankhen niem lehôan medang akomin ba mehôan akomin erepa chenjô dangmah; Joban nginkep peba adongthôan.

1 KORINT 8:4

Erohwah, moangachaang nâng kohwah phhekchhah chhahjunko dangeka: Nãngma ajet linlinko moangachaang pa ahînte dangmah; Nãngma ajet Joban pa wathe lanlan jôba tonga.

2 KORINT 12:11

Nga aba rãngrãng dang ekang - roh akomin erepa ne junma dangekang. Nekhuma jôba ngarãngma nginsen jabletma khesokmin, chenrãngma ngako, nga chenjô ledang kangkomin, nema “moattat chhoante adong” ngaeken heh noma arin dangmek.

GALATIEN 5:16

Ngama jabekang pa dangeka: Ne roandôngpa Ju junko dongen, ngale erohkoba nema mihnyan nyuchha hei angem ma hun ekapa lemo etadangen.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

GALATIEN 6:3

Henma komin atea sekhota mihnyan danglahma, ngamin wathe alemli mihnyan jôba ngama thonghunrii eka, erepumma ate dedeba diapchhahrii eka.

IFISIEN 3:4

ngale ngama chenni raang ekanga erepa nema meweih enko, ngama Krista junma chenni jet ekanga erepa nema ejet en.)

IFISIEN 6:19

Ngama nginthôrãng chepko Joban ma Nganâng chenchoh thôkat kohhang ma ngarãngmin rangsoam kohha, erohkoba Ngama lechei thangma nginkongsen kowah patritli nginpa eta jetthukwak ang.

KOLOSIEN 1:26

Are patritli nginpa tewa rôanpa wah mihnyan hehnâng phangtang nâng lejetthuk thangma huhthienwah, rohkomin ade phumma erepa atenâng putedâlemte mihnyan hehnâng jetthuk eka.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

1 JON 4:8

Henhen nâng hun achet ahoa erehehma Joban jetmah, chenrãngma ngako Joban pa ahun.