1 KORINT 13:13 - NIEMNYAN Naga NT (BSI)

¹³ Rohkomin are wanrem kowah: Putedâlem, akhâ, ngale hun achet; phumma are wanrem kowah adongthôanpa hun achetmîn pa.

1 KORINT 13:13 Iomraidhean Croise

LUK MA RAANGWAH NGINKONGSEN 10:27

Mihwa pumma dânthâng wah, “ ‘Nang Teso Joban nâng nanghung nangrin phangtang kohlohma hun, ngale nangju phangtang koh o, erediko nangchaan phangtang kohlohma hun o’; ngale ‘Nang tok akhung wah mihnyan hehnângmin nang dedeko hunriieko rãngrãng hun o.’ ”

LUK MA RAANGWAH NGINKONGSEN 22:32

Simon, rohkomin ne putedâlem pa nekchen chhihjâ eken ngama rangsoam koh eka. Ngale chenthu nanga ngatânâng mengak huthoko nangpho anaa heh hung dongsiet o.”

ROMAN HEHNÂNG POLMA RAANGWAH SITI 15:13

Dâlem kohte Joban pumma khuhah nâhah chendangthuk hen ngale nema atenâng putedâlem junko mêmo chendangthuk hèn, erohkoba nema thonghun letma dâlem ekenpa Asâthôanju chaanma jêngdong dongwãng erea.

1 KORINT 14:1

Erohwah Hun achetmîn rãngma nekhu anga ngama moatmin. Ngale nehungma Juwah Hînhô chohrãngma thonghun en, ajahthôan pa Joban ngin phoangthô Hînhô chohrãng thonghun en.

1 KORINT 16:14

Ne moatlem chentôpa hunmin letma mo en.

1 KORINT 3:14

Humhôanrãng khoakhemtah theko hôaneka humpa wenma thatkhâmko lechhihkham medang ako, humhôante pumma thã echoh a.

1 KORINT 8:1

Ade dangeka nema moangachaang nâng phhekchhah kohrãngma chhienthapa. Thinma ngatah rãngrãng, arepa nginlinlin jôba, “Nãngkhu chentôma ajet.” Rohkomin arerãngrãng jet ajien eka pumma mihnyan pa ngamritthuk reka; rohkomin hun achetmîn pumma nângkhu rongsiet ehi.

1 KORINT 8:3

Rohkomin henma Joban nâng huneka, atenâng Joban ma jeteka.

2 KORINT 5:10

Chenrãngma ngako nãngkhu phangtang Krista mathahko atema rênrãngma chepmin. Nãng hei angem roandông poatko henma chenroh motih a erejunko chohmin, asen medang akomin, achhih medang akomin, erejunko anga ngama chohmin.

2 KORINT 5:15

Atea anga nga rãngma ritwah, erohwah ahînte hehmin henjô mâmâ dede rãngma lehinmin, rohkomin thinrãngma hen riilahma ngakhintah a ere rãng loloba hînmin.

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

FILIPIEN 1:9

Nga rangsoam pa nekhu hun achet mînpa ajahjah chendangen, ngale ere hunmîn nginpa linlin jetletma rongtêngtêng chenhunmîn en ngama soam ekang.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

KOLOSIEN 1:5

Chenthu toangtang nginkong, Nginkongsen pa netânâng khebengrãng benghûtha poatko, ere Nginkongsen pumma koheka dâlem nginpa nema chohtattet. Erohwah, nema erengin khohko dâlem eken, ngale hun achhâmîn eken, erepa nekhurãng rangkhethung nâng senthemthem thienkoh ehèn.

KOLOSIEN 3:14

Ngale areheh demko hun achetmîn min chentonga, hun achetmîn pumma jôba nekhu chentôpa jutjut jaangjaang senthemthem roamkhhek ehèn.

1 THISALONIKA 1:3

Chenrãngma ngako nima nãng Wa Joban nâng rangsoamko, nekhuma putedâlem junko moeken heh, ngale nema hun achetmîn junko chaanrii letma moeken heh, ngale nema nãng Teso Jisu Krista nâng putedâlem letma tok anaa eken heh rângchhemhun e.

1 THISALONIKA 5:8

Rohkomin nãnga rangwonãng tôngte mihnyan, ngale nãnga met hin dângmin. Nãngma putedâlem le hun achetmîn pa lakkha rãngrãng keplihma tôngmin, ngale khope pa nãng khoko jankhophok rãngrãng phokmin.

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

2 TIMOTHI 1:7

Chenrãngma ngako, Joban ma nãngnâng kohehi Ju pumma nãng chephoat dangthuk mahhi; Erenoma, ate Ju pumma nãngnâng chaankoh ehi, ngale hun achet, erediko mâmâ dede tâdôrit chaankoh ehi.

HIBRU 10:35

Erohwah nehung nekchha en, chenrãngma ngako, erepumma nenâng nyahrãng thãchaan khope pa ekephukoh hèn.

HIBRU 10:39

Nãnga Joban tâwah ngakchhoan lahma mahritte mihnyan heh dangmih. Erenoma, nãnga Joban nâng putedâlem lihma khopete mihnyan.

HIBRU 6:11

Nima ajahthem huneki pa nekhuma athôan kotuk Joban moatlempa rokhun rahhun dangletma chenmo en ngama huneka, erohkoba nekhuma dâlem letma bemla ekenpa linlin echoh en.

HIBRU 6:19

Nãng roandôngko ere dâlem pa tângbenthin phak rãngrãng kepeki. Ere putedâlem junma nãngkhu khope eki, ngale erepumma rangkhethung wah rangsoamhum kowah khet tângtin eka lienwah rangsoam thin asâthôan theko tãngbenwên eka.

1 PITER 1:21

Ate junma nekhuma ate ritwah ngakhinsiet lahma atenâng mîndongthôan kohte nâng putedâlem eken; ngale erohwah nema Joban nâng putedâlem ngale tok anâ re eken.

1 JON 2:10

Nãngma nãngpho anaa hehnâng mehun eko, nãnga wenphiak nâng tongeki, ngale nãngnâng mihhan heh pap dângthukthin chenjô aho.

1 JON 2:14

Ngachhu Ngachha heh, Ngama nenâng raangeka, chenrãngma ngako nema Wa Joban pa ajet. Wa heh Ngama nenâng raangeka, chenrãngma ngako rangbeng hahbeng thuma henpa dangtah a erepa nemajet. Roandông pho nya heh Ngama nenâng raangeka, chenrãngma ngako nea lochaan poat; ngale Joban Jabkhab pa nekhen nâng tongehèn, ngale nema Achhih pa tajien eken.

1 JON 2:24

Erohwah, nema nehung nâng khebengwah chenni chohtattet a ere nginkongpa senthemthem thien en. Nema ere nginkongpa senthemthem methien enko, nea roantangma Wa Achhanii demnâng aroamma edangen.

1 JON 3:3

Henhenma Krista nâng aroh dâlem eka, erehehma thin dedemin Krista asâ dangeka rãngrãng asâ danglahma tongeka.

1 JON 3:9

Phumma Joban chha hehma papkaam thammo tumah, chenrãngma ngako, Joban ma koheka roandông nyan pa thinnâng tongeka; ngale Joban pa thin Wa dâng phumma, thinma papkaam thammo tumah.