1 KORINT 12:2 - NIEMNYAN Naga NT (BSI)

² Nema ajet chenthu nema Joban lejet dangtet poatko, nema roandông ahote moangachaang hehnâng soamtô letma Joban tâwah lemke nâng taangchhoan letma dângwah.

1 KORINT 12:2 Iomraidhean Croise

MATHIU 15:14

“Thinrãngma neksekmah en! thin a mitdoak, ngale mitdoak heh lemsênte; ngale chenthu mitdoak wathema ahan mitdoak lem mesen ako waniinii jongnâng ejâriiwak a.”

1 KORINT 6:11

Nekhumin ereheh rãngrãng dângwah. Rohkomin nea ererãngrãng pap kowah lâsâsietthen; nea Joban rãnglolo lâdangtet; Nãng Teso Jisu Krista ngale Joban Ju junma nea Joban demnâng toangtang lâdang thukthen.

GALATIEN 4:8

Amako nema Joban lejet dângwah, ngale chenpa Joban ledanga ere haarãng dangletma tôngwah.

1 THISALONIKA 1:9

Enâng wah mihnyan heh phangtangma ni netânâng hûthiko nema chenroh tãngroo thia erengin heh thôwak eka, ngale nema moangachaang nâng soamtô letma dangtet pa Joban tânâng hûletma chenroh ahîn Joban nâng soamtô eken a ereheh thôlahma tongwak eka

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

1 PITER 1:18

Chen-rãngma ngako, nete newa hehma nenâng roandông ko chhih akhahli moatlam thienla kohthen kowah nekhu pesietrãng chennithã thumtah a erepa nema jet. Erepa ngun akem rãngrãng chhihjâ lima thumwah dangmah;

1 PITER 4:3

Nema amako ajahthem sanpoat Joban lejette mihnyan hehma chenroh moeka eroh moletma lâlienthuktet. Ne roandôngko pong apa rãngrãng dangletma, dihiak nâng phetwân, khemmok, kuhhôan, jokphhek chhah, ngale ahôanwah moangachaang hehnâng soamtô letma dângwah.