1 KORINT 12:10 - NIEMNYAN Naga NT (BSI)

¹⁰ Ju pumma ahan watheko patritli moatlem moat chaan koheka; ahan watheko, Joban ngin phoangthô hînhô koheka; ngale han wathe komin, chenre hînhô pa Joban ngewah kaera, ngale chenrepa Joban ngewah dangmah a erepa jetloatchaan koheka. Ngale han watheko patritli jabkhab nyan jienjab chaan koheka, ngale han watheko erepa chenni nâng ngaeka erepa jienlit thôkoh chaan koheka.

1 KORINT 12:10 Iomraidhean Croise

MAK MA RAANGWAH NGINKONGSEN 16:17

Putedâlemte hehnâng patritli moatlem moatrãng chaan kohmin: thinma ngamînko juchhihmin junloatmin; ngale thinma ajatjat jabmemin ejabwak a;

MAK MA RAANGWAH NGINKONGSEN 16:20

Dijunte heh chhoan lahma chentô thenâng Joban nginkongsen pa phoangthô chhoanwah, ngale thin demnâng Teso Juma johmoatwah, ngale thinma patritli moatlem moeka junko thinma phoangthô eka Nginkongsen pa toangtang nginkong ngama putewah.

LUK MA RAANGWAH NGINKONGSEN 24:49

Ngale nga Wama chenni toamsem tah a ereheh Nga dedema nekhoh nâng echien katrâng. Rohkomin rangkhethung wah Joban chaanpa nekhu khohnâng makaka hènko nema hahdaangko bemtongen.”

JON MA RAANGWAH NGINKONGSEN 14:12

Ngama toangtang thôkoh eka: henhenma nganâng putedâlem ehanga erehehma ngama chenni moatlem moekanga ereheh emowak a, ngale erenoma moatlem dongmin eta mowak a, chenrãngma ngako Nga a Wa tânâng wãngekang.

JON MA RAANGWAH NGINKONGSEN 16:13

Ephumma chenthu toangtang Ju pa meka theko, atema Joban toangtang pa ekhesokkat hèn, ngale atema nemin toangtang lemnâng esenhèn. Atema atedede hungwah lehong jabmin, rohkomin atema chenni chohtat eka erepa ethôa, ngale khediko chenni dângmin a erehehmin ethôkoh hèn.

MOATLEM 1:8

Rohkomin chenthu Asâthôanju nekhoh nâng meka theko, nema chaan echoh en, ngale nema Jeroselem nâng, Judia phangtang nâng, ngale Samaria, erediko hahtokkhoh phangtang nâng phoangchhoan letma ngangin ephoang thôkoh en.”

MOATLEM 11:27

Ere sanpoatko Jeroselem wah Antiok nâng mõng khuthe katwah.

MOATLEM 11:28

Mõng heh chhangwah wathe ate mînpa Agabas, Joban Ju chaanma toanchep lahma hahtokkhoh phangtang nâng rêmchhih hok lâthangtah ngama thôwah. (Erepa Kladias pa Chofa dâng sanpoatko hokwah.)

MOATLEM 19:6

Pol ma thinkhoko ate dekma sahloatkoh phumma thin khohnâng Asâthôanju katwah; erediko thinma ajatjat jabma jienjab wah ngale Joban nginkongpa phoangthô wah.

MOATLEM 5:3

Phumma Piter ma atenâng ngatwah, “Anania, joak nâng chenrãngma pênrii ekoa, nangma chhahkhem sengtoh ngun kowah khaka huhtoan lohma Asâthôanju nâng chenrãngma diapchhah ekoa?

ROMAN HEHNÂNG POLMA RAANGWAH SITI 12:6

Erohwah nãngma Joban wah mâmâ jatjat hînhô choheki heh chenroh Joban ma nãngnâng ate mînchenchaan pa kohehia erejunko kepmin. Nãngnâng Joban ma ate Nginkongsen pa phoangthô rãng mekoh hiko, erepa nãngma putedâlem junko phoangthômin;

ROMAN HEHNÂNG POLMA RAANGWAH SITI 15:19

patritli ngale bâritli, erediko Joban Juchaan junma moatwah. Ngale Jeroselem wah Ilirikum nâng lanhuroh khoamka lekma Krista Nginkongsen pa senthemthem phoangthôtek.

1 KORINT 11:4

Erohwah delawa ma nok atang heh chhangnâng ate kho buklahma rangmesoam ako, ngale nok atang rangsoam thintheko Joban ngin khobuk lahma methôako, atema Krista rêsêthuk eka.

1 KORINT 13:8

Hun achet pa roantang roanjêng rãngma dângmin. Joban nginpa mihhung lânlitjâroh ethôthem a, rohkomin erepa amahjâ erea; ajatjat jabma patritli jienjab lahma tonga, rohkomin erehehmin thôan erea; ngale jet ajien tadangthem a, rohkomin erepemin thôan erea.

1 KORINT 14:13

Erohwah, henma ajatjat jabma jabeka erepumma atema chenrãngma jabeka erepa tâjien litthô rãng Hînhô chohrãng rangsoam min.

1 KORINT 14:39

Erohwah ngalemruchha heh, nehung nerin pa Joban ngin phoangthô rãng koh en, rohkomin ajatjat jabma hongjab pemin nekjek tãngen.

GALATIEN 3:5

Nema Niemarang ma chenni huneka erepa moatdi Joban ma ate Jupa lekohthen a, ngale patritli moatlempa nekhu tânâng lemo kohthen a, roh akole, nema Nginkongsen pa chohtat letma putedâlemdi kohthen a?

1 THISALONIKA 5:20

Profisi hôan ekapa lekep nekdangen.

HIBRU 2:4

Ere demdemko Joban ma thinnâng rongrup patritli ngale bâritli moatlem heh moko lahma ate hung junko thinnâng Asâthôanju hînhô heh kohlahma erepa toangtang ngama khesok eka.

1 JON 4:1

Ngalemruchha heh, ninâng Ju tonghi ngatte chentô nâng nekputedâlem en, rohkomin thin ngewah Jupa Joban wah dangale dangmah a ngama thaksokre en. Chenrãngma ngako mõngmõang heh chentô thenâng jahmõang lâphan chhoantah.

LOATKHESOK 2:2

Nema chenni motet a ereheh Ngama ajet; Nema chentô chaanmotet a ereheh Ngama ajet, ngale nehung arin chentô mônglo letma tongtet a erehehmin Ngama ajet. Ngama ajet nema mihnyan chhih heh hunmet, ngale Joban moattat chhoante ledangma nia Joban moattat chhoante ngalahma netânâng hokte hehmin nema thatsû letma thin a mothô khoanglep ngama jetlotet.