1 KORINT 1:9 - NIEMNYAN Naga NT (BSI)

⁹ Joban nâng putedâlem min, ere Joban pumma ate Chha nãng Teso Jisu Krista demnâng aroamma dângrâng rooehèn.

1 KORINT 1:9 Iomraidhean Croise

MATHIU 24:35

Rangle hah eta chhihjâa, rohkomin Nga jabkhab pa chenthumin leta chhihjâmin.

JON MA RAANGWAH NGINKONGSEN 17:21

Thinkhu phangtang wantherãng chendanga ngama soam ekang. Wa! thinmin nãngdemnâng chendanghi, chenroh nga nangnâng ngale nang nganâng dangeki rãngrãng thinmin wanthe chendanga. Eroh koba hahtokkhoh mihnyan nyuchha ma nga a nangma chienkatwah ngama eputedâlem hang.

ROMAN HEHNÂNG POLMA RAANGWAH SITI 11:17

Humnâng khiet apân eka Oliv bãngkowah bãngphak phakjâchhoan eka, phumma phakjâ chhoan re ekako wunwah Oliv bãngphak kowah choatkhhek hûeka. Ne Jews ledangte heh ere wunwah Oliv bãng rãngrãng, ngale ade phumma nema Jews heh demnâng roamletma Joban wah khope pa choh eken.

ROMAN HEHNÂNG POLMA RAANGWAH SITI 8:28

Nãngma ajet Joban ma atenâng hunte hehrãngma chentôpa asenrãng moeka, ngale ere mihnyan heh atema themawa lahma ma rooeka.

ROMAN HEHNÂNG POLMA RAANGWAH SITI 8:30

Ngale henhen pa Joban ma araangraang reethientah a, ereheh atema rooeka; ngale henhen pa atema rooeka, ereheh ate demnâng toangtang dangthuk eka, ngale erehehnâng Joban ma ate mîndôngko johroamthuk eka.

ROMAN HEHNÂNG POLMA RAANGWAH SITI 9:24

Chenrãngma ngako nãnga atema roowah mihnyan, phumma arepa Jews hehwah lolo roo dangmahhi, Jews ledangte heh wahmin rooeka.

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

1 KORINT 10:13

Nehung toan ehèn pemin mihhan heh hung chenroh toan eka ererãngrãng jôba toan ehèn. Rohkomin Joban ma toamsem eka, ngale nema leta dôli toanthuk mahhèn; nehung tôanpoatko, nema tâdôrãng atema chaan ekohhèn, ngale erekowah loatchhoanthin lemkhômin ekhesok hèn.

1 KORINT 10:16

Nãngma Teso phhekchhah Niemko rângkep e bâti, ngale ere bâti rãngma nãngma Joban nâng dangkoh a rângngae: Chenthu nãngma ere bâti kowah jokko, nãnga Krista heiko johroam eki. Ngale nãngma bankên chhupsiet ekipa: Chenthu nãngma ere bankên kowah phhekko, nãngmin Krista phoang demko johroam eki.

2 KORINT 1:18

Joban ma toangtang jabeka rãngrãng, ngama nedemnâng toamsem eka pemin “Danga” le “Dangmah a” ngama dangmah.

GALATIEN 1:15

Rohkomin Joban ma ate mînchenchaan pumma ngachhat mama rênwah, ngale atenâng soamtô rãng rooehang. Ngale ngama

GALATIEN 2:20

erohwah athâng hehwah hin ekangpa Nga hîn dangtumek, rohkomin, arepa Krista nganâng tong ehang. Athâng hehwah, are nga roandông dong ekangpa, Ngama nganâng hunte, ngale ngarãng ate roandông kohte Joban Chha nâng putedâlem lekma tongekang.

IFISIEN 3:6

Apatritli nginpa dangeka, nginkongsen junma Jews ledangte hehmin Jews heh demnâng roamlahma Joban wah rang johkepmin; thinmin phoangthe kowah tuta jôba, ngale Jisu Krista junma Joban ma toamsem tahko thinmin johroam eka.

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

1 THISALONIKA 2:12

Nima nehung dongsiet eka, ngale senthuk eka, ngale neroandôngko Joban rinmeli dangletma songtongen ngama rosep eka, chenrãngma ngako, Joban ma ate Hahsông theko ate mîndôngko johroamrãng nekhu nâng rooehèn.

2 THISALONIKA 2:14

Joban ma nekhu rooehèn pa nima nenâng Nginkongsen thôkoh eka junma rooehèn; atema nekhu rooehèn pa nãng Teso Jisu Krista demnâng mîn johdongrãng rooehèn.

2 THISALONIKA 3:3

Rohkomin Teso pa dâlemli, ngale atema nekhu nâng chaankoh lahma Juchhih dekwahmin epe pânghèn.

2 TIMOTHI 1:9

Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

2 TIMOTHI 2:13

Nãngma lepute dâlemjô medang ekomin, atea putedâlemli, chenrãngma ngako, atema atedede nâng jiendiap chhahriimah.”

TITAS 1:2

erepa roantang roanjêng roandông chohrãngma putedâlem eki. Are roantang roanjêng roandôngpa Joban ma rangbeng hahbeng thuma nãngnâng kohrãng toamsêm wah, ngale Joban ma mothô thômah,

HIBRU 10:23

Ngale nãngma thôeki dâlem ko rongtêngtêng putedâlem e, chenrãngma ngako, Joban toamsêm pa Joban ma emoa ngama putedâlem eki.

HIBRU 11:11

Abraham nyahrãng teka dangchoanjô medang akomin ngale Sara min chhaho jatjô medang akomin putedâlem junma Abraham a wa rãng tâdângwah. Ate ma Joban toamsem pa chenthujô themah ngama putedâlem demnâng dângwah.

HIBRU 2:17

Erohwah, Joban nâng soamtô lemkhôko thinma nyahrãng putedâlemli ngale thinnâng nyahrãng mînchênte Soam aroakte dongthôan dângrãngma rongrup ngenâng atea ate mihnyan heh rãngrãng dangeka, ngale ere junko mihnyan nyuchha heh pappa mapkoh eka.

HIBRU 3:1

Ngalemruchha Kristan mihnyan heh, Joban ma rooehèn heh! Nãngma thôeki putedâlem khohko Soam aroakte adongthôan dângrãng Joban ma chienkat era Jisu nâng thatthong hun tan en.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 6:18

Erohwah leta litjâthin jatnii tonga, ngale ere wannii rãngma Joban memin mothô thômah. Erohwah nãngkhu henhen ate demnâng khope choh ekia, erehehma hung dongdong danglihma nãng makowah thien kohehi dâlem ko rongtêngtêng lolihma tôngmin.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

1 JON 1:3

Nima chenni khetih a, ngale tattih a ereheh nenâng thôkoh eka, erohkoba nemin nidemnâng Wa Joban ngale ate Chha Jisu Krista demko aroamma ejoh danghi.

1 JON 1:7

Phumma ate chenroh wenphiak nâng tongeka-ererãngrãng nãngmin wenphiak nâng eroh metong eko wathema wathe demnâng aroamma tongeki, ngale ate Chha Jisu hei pumma nãngpap chentô hehwah lâsâsietthi.

1 JON 4:13

Nãngma linlin jeteki nãnga Joban demnâng aroamma songtong eki, ngale Joban min nãng demnâng aroamma tongehi, chenrãngma ngako atema nãngnâng ate Ju kohehi.

LOATKHESOK 19:11

Erediko Ngama rangkhethung pa laang lahma khewênwah, ngale ereko Mok po dângwah. Mok po khohko chhangte pa Putedâlemsen ngale Toangtang dângwah; atema toangtangko ren eka ngale toangtangko ranloatmîn eka.