1 KORINT 1:8 - NIEMNYAN Naga NT (BSI)

⁸ Atema athôanjâ tôkotuk rongtêngtêng edangthuk hèn, ere junkowah, nãng Teso Jisu Krista loathôngkat Rangwo jâko chenni nângjô lethe edangen.

1 KORINT 1:8 Iomraidhean Croise

LUK MA RAANGWAH NGINKONGSEN 17:24

Rangdeng khiapda ma rangkho nâng sukka ma sukka nâng rângdanliap arãngrãng, Mihnyan Chha katjâ rangwo pemin eroh edanga.

LUK MA RAANGWAH NGINKONGSEN 17:30

Ererãngrãng jôba Mihnyan Chha katjâ komin edanga.

ROMAN HEHNÂNG POLMA RAANGWAH SITI 14:4

Mihhaa hehnâng athe loatte nea hen a? Thinma tawak ekale tawakmah a ere sokte pa thin Tângtewa etonga. Ngale thinma etawak a, chenrãngma ngako Teso ma thinnâng chohsû lahma etathukwak a.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 8:19

Hahtokkhoh wah chentô hînjebjeb pumma Joban ma ate chha heh chenthu khesokkatmin a ngama nyahrãng ngiaklahma bemeka.

1 KORINT 3:13

Ngale moatlempa henma chenroh moeka erepa chenthu Krista ma loatkhesokjâ rangwo pa mehû theko ekhe e. Chenrãngma ngako, erejâ rangwo ko anga nga moatlempa wenma thatkham lahma eloatsiet katra; phumma erewen pumma thatkhâm junko alinlin ale amõanga erepa ekhesok a.

1 KORINT 5:5

Ate phoangpa chhihsiet rãng are mihwa pa nema joaknâng koh en, erohkoba Teso katjâ rangwo ko ate jupa etapea.

2 KORINT 1:13

Nema chenni pa weih letma tâjetthin a erepa jôba nima nenâng raangkat eka. Rohkomin athângheh nekhuma nijunma chhupthechha lolo mejet hikomin, lele nema phangtang ejet hi ngama thonghun ekang, erohkoba nãngkhu Teso Jisu ngakkatjâ rangwo ko nekhuma ni erângthôhi, ngale nimemin nekhu erângthôa.

2 KORINT 1:21

Ngale Joban ma nãngkhu roandôngpa Jisu Krista demnâng roamsiet lahma rongtêngtêng dangthuk ehi; ngale Joban dedema nãngkhu nâng renlahma rangkoh ehi,

IFISIEN 5:27

Atema are moeka pa Asâthem heh atedede nâng phangsên jebjeb - sâpoangpoang ngale achhih aho, ngek atek, ngale lihân chenjô achhih aho thangma kohritrãng moeka.

FILIPIEN 1:10

Erohkoba nekhuma chenpa asen a erepa ejienren en. Eroh koba chentô angek atek hehwah sâletma Krista ngakkat jâko chhih ngatthin aho edangen.

FILIPIEN 1:6

Ngale Joban ma are moatlemsen nekhu demnâng bengmo ekapa Jisu Krista ngakkatjâ rangwo tôkotuk emothuk hèn ngama putedâlem ekang.

KOLOSIEN 1:22

Rohkomin ade phumma, ate Chhama roandông kohlahma ritjunma, Joban ma nekhumin ate tânâng Sâpoangpoang, khinbaangbaang, ngale chenjô lethe thangma siethokrãng nea ate lemruchha rãng hôan ehèn.

KOLOSIEN 2:7

Bãngrin luwakwak sut arãngrãng nema atenâng rongtêngtêng tok anaa letma tongen, ngale ne roandôngpa ate khohko hôan en, ngale nenâng hethôtah rãngrãng ne putedâlem nâng rongtêngtêng dangen. Ngale roantangma dangkoh a nga en.

1 THISALONIKA 3:13

Atema nehung aroh chendongsiet hèn, ngale chenthu nãng Teso Jisu Krista atenâng putedâlemte heh demnâng ngakkat jâko, nemin nãng Wa Joban tâko senthemthem ngale Sâpoangpoang chendangen.

1 THISALONIKA 5:2

Chenrãngma ngako nedede memin senthemthem jet en, Teso ngakkat pa rangpen nâng ahuhte hokwah rãngrãng dângmin.

2 THISALONIKA 2:2

nekhu nâng ere Rangwo pa râkatha ngamejô mathôhû kohhèn komin nehung nerin nâng sitsiak nekmokrii en ngale hung nekke en. Eroh nima profisi hôanpoatko, ba Joban nginkongsen thôkoh poatko lâthôtih dangthem a, ngale siti nângmin lâraangtih dangthem a.

2 THISALONIKA 3:3

Rohkomin Teso pa dâlemli, ngale atema nekhu nâng chaankoh lahma Juchhih dekwahmin epe pânghèn.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 1:18

Teso ma ate ngakkatjâ Rangwo ko Onisiforus nâng chenmînchen a! Ngale atema Ngarãng Ifisus nâng chentô mokoh thanga ereheh nangmemin senthemthem jet o.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

2 PITER 3:10

Rohkomin Teso ngakkatjâ Rangwo pa ahuhte hokwah rãngrãng ehûra. Erejâ Rangwo ko rangkho pemin nyahrãng linlahma emahjâa, ngale rangkho wah chentô heh wenma etthôan jemkham a, ngale hahtokkhoh demko hah khohwah chentô hehmin echhihjâa

2 PITER 3:14

Ngale Ngalemruchha heh, nema ere Rangwo pa bemlâ poatko, Joban demnâng sâpoangpoang ngale chenni nângjô lechhih thangma tongen, ngale ate demnâng mêmo dangletma tongen.