1 KORINT 1:4 - NIEMNYAN Naga NT (BSI)

⁴ Ngama roantangma Nga Joban nâng nekhu rãngma dangkoh a ngaekang, chenrãngma ngako Jisu Krista junma atema nekhu nâng mînchenchaan pa koh ehèn.

1 KORINT 1:4 Iomraidhean Croise

MATHIU 19:11

Jisu ma dânthâng wah, “Are hethô ekapa anga ngama takepmah, Joban ma henhen nâng koh eka erehehma loloba takep eka.

JON MA RAANGWAH NGINKONGSEN 10:30

Ewa chenii a wanthe.”

JON MA RAANGWAH NGINKONGSEN 14:14

Nema ngamînko chenjô metha enkomin, erepa ngama emo ang.

JON MA RAANGWAH NGINKONGSEN 14:16

Ngama Wa wah etha ang, ngale atema nenâng chohsokte ahan ekohhèn, erepa nedemnâng roantang roangjêng rãng ejohtonghen.

JON MA RAANGWAH NGINKONGSEN 14:26

Wama ngamînko nenâng chohsokrãng Asâthôanju echien katra, ngale atema nenâng chentôpa ehethô hèn, ngale ngama nenâng chentô thôkotah a, ereheh phangtang ethonghun thuk hèn.

JON MA RAANGWAH NGINKONGSEN 15:26

“Achohsokte Ju ekara, atema Wa tâwah kalahma Joban toangtang pa ekhesok kahèn. Ngale atea ngama Wa tâwah nekhu tânâng echienkat râng, ngale atema nenâng ngangin ethôkoh hèn.

MOATLEM 11:23

Chenthu ate kalahma mihnyan hehnâng Joban ma rangkoh pa kheka lahma ate nyahrãng khuhahwah, ngale Teso nâng thinhung arin phangtang kohlahma putedâlem rãng roatsep wah.

MOATLEM 21:20

Thinma Pol ngin chohtat diko, chentôma Joban nâng rôwah. Erediko thinma ngatwah, “Pol, nangma akhe chentô hahjat Jews hehma Joban nâng putedâlem eka, ngale thinma Mosa Niemarang hehmin nyahrãng kepeka.

ROMAN HEHNÂNG POLMA RAANGWAH SITI 1:8

Khebeng thôanko, Ngama nga Joban nâng Jisu Krista junma nekhu chentôrãng dangkoh a ngaekang, chenrãngma ngako rangkhen phangtangma ne putedâlem nginpa tateka.

ROMAN HEHNÂNG POLMA RAANGWAH SITI 6:17

Rohkomin Joban nâng dangkoh a ngama ngaekang! Chenrãngma ngako rekthe nekhu paphaa dângwahjô medang enkomin, nehung phangtang kohletma nenâng hethô ehèn toangtang nginpa kep eken.

1 KORINT 1:3

Nãng Wa Joban ngale Teso Jisu Krista ma nenâng mînchenchaan ngale mêmo chenkohhèn.

1 TIMOTHI 1:14

Ngale nãng Teso ma ate ngewah ajahthem mînchenchaan pa Nga khohnâng kohkat ehang, ngale Jisu Krista ngewah nãngkhu putedâlem ngale hun achet pemin kohkat ehang.