1 KORINT 1:30 - NIEMNYAN Naga NT (BSI)

³⁰ Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

1 KORINT 1:30 Iomraidhean Croise

MATHIU 1:21

Atema delachha echha a, ngale nangma ate mînpa Jisu ngama mînmin - Chenrãngma ngako atema ate mihnyan heh papwah pepângmin.”

LUK MA RAANGWAH NGINKONGSEN 11:49

Erohwah Joban buthi mongthem ma ngatwah, ‘Ngama thin tânâng mõng ngale nginmatte heh echienkat ang; phumma thinma wawathe pa aritphe erewak a, ngale wawatheko chêmthuk erea.’

LUK MA RAANGWAH NGINKONGSEN 21:15

chenrãngma ngako neran hehma ne nginko lejien dakli ngale lejien dânthangtuli nema jiendânthâng rãng ngama nenâng jabkhab ngale buthi mongthem ekoh a.

JON MA RAANGWAH NGINKONGSEN 1:18

Henmemin Joban mathatkhe eka. Rohkomin Joban danglahma Joban Wa demko tôngte wathelolo ate Chha pumma Joban pa jetthuk ehi.

JON MA RAANGWAH NGINKONGSEN 14:6

Jisu ma atenâng dânthâng wah, “Nga a Lemkhô, toangtang, ngale roandông; Wa tânâng henjô leta wãngmin, ngajunma lolojôba Wa tânâng tâwâng min.

JON MA RAANGWAH NGINKONGSEN 17:26

Ngama nang thinnâng jetthuk eki, ngale Ngama roantangma nang jetthukjû edangang, erohkoba, nangma nganâng hun pa thinnângmin etonga, ngale ngamin thinnâng edangang.”

JON MA RAANGWAH NGINKONGSEN 17:8

Nangma nganâng thôkohthang ngin heh ngama thinnâng lâthô kotek, ngale thinma erengin heh kep eka; ngale nga a linlinjô nang tâwah kaerâng ngama thinma lâjettah, ngale nga a nangma chienkat ehang ngama thinma putedâlem wakeka.

JON MA RAANGWAH NGINKONGSEN 8:12

Jisu ma Farasi hehnâng wîenthe ngatwah. “Nga a hahtokkhoh rãngma wenphiak,” “Henhenma ngadiko junkhoam ehanga erehehma roandông wenphiak pa echoh a ngale thin chenthumin rangnyek nâng lekhoammin.”

MOATLEM 26:18

Nangma thinmit kânsiet kohmin ngale rangnyek khenwah rangwo nâng loatsietmin, ngale joak ajo khenwah Joban tânâng loatsietmin, erohkoba thinma nganâng putedâlem junko thinpap heh map chohlahma Joban mihnyan heh chhangnâng thinthe echoh a.’

ROMAN HEHNÂNG POLMA RAANGWAH SITI 1:17

Joban ma mihnyan heh ate demnâng chenroh toangtang dangthuk eka erepa Nginkongsen pumma khesok eka: erepa abengma athôan kotuk putedâlem junma dângmin. Joban nyapraangma ngaeka, “Hen Joban demnâng toangtang dangeka ereheh Putedâlem junma hînmin.”

ROMAN HEHNÂNG POLMA RAANGWAH SITI 11:36

Chenrãngma ngako chentôpa atema hôanwah, ngale chentôpa ate junma hin ajoeka ngale aterãng tuta hin ajoeki. Joban mîn roantang roanjêng adong chendanga! Amen.

ROMAN HEHNÂNG POLMA RAANGWAH SITI 12:5

Ererãngrãng, nãngmin ajahjô medang ekomin, Krista junko nãnga phoangthe, ngale phoang wantheko mâmâ jatjat sek asa roam eka rãngrãng nãngmin wathema watheko roam eki.

ROMAN HEHNÂNG POLMA RAANGWAH SITI 16:11

Ngalemru Jews Hirodion nângmin salem matkat erang, ngale Narsisus heh hum wah Kristan hehnângmin salem matkat erang.

ROMAN HEHNÂNG POLMA RAANGWAH SITI 16:7

Andronika ngale Junia nii nângmin matkat erang, ngale ngademko phâtek nâng johtongte ngalemru Jews hehnângmin matkat erang; thin a moattat chhoante hehma senthemthem jet a, ngale thin a nganoma Kristan khema kepwah.

ROMAN HEHNÂNG POLMA RAANGWAH SITI 4:25

Nãngkhu pap junko Jisu ritphethuk wah, ngale nãngkhu Joban demnâng toangtang jiendângthuk rãngma Jisu ritwah ngakhînwah.

ROMAN HEHNÂNG POLMA RAANGWAH SITI 4:6

Hen mihnyan nâng Joban ma ate moatlem junko ledangma toangtang ngama kepeka ere mihnyan khuhah junma Devit memin aroh jabwah:

ROMAN HEHNÂNG POLMA RAANGWAH SITI 5:19

Ngale wathe mihnyan ma Joban nginlekep dângdi chentô mihnyan nyuchha heh papi dangthuk eka, ererãngrãngjô wathe mihnyan erepa Jisu Krista ma Joban ngin kepdi chentô mihnyan nyuchha heh Joban demnâng toangtang dangthuk eka.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

ROMAN HEHNÂNG POLMA RAANGWAH SITI 8:1

Erohwah, ade phumma hen Jisu Krista demnâng dangeka ereheh nâng achhih lenga tumin.

ROMAN HEHNÂNG POLMA RAANGWAH SITI 8:23

Phumma are chêm nungma bemla ekapa Joban ma tem atiektah hehma lolo bemla dangmah; nãngkhumin Joban ma ate Jupa nãngnâng khebeng thôan hînhô rãng kohehi ereheh memin nãngdede hungkhen ko chêmlihma nãngmin Joban ma ate Chharãng hôanpa bemlaeki, ngale nãngphoang phangtang pesiet pa bemeki.

ROMAN HEHNÂNG POLMA RAANGWAH SITI 8:9

Rohkomin nea ne hei angem hung arinma thôkoh ehèn junko nekdangen; erenoma, Juma chenroh thôkoh ehèn a eroh dangen - eroh medang enko Joban Ju nehung khennâng linlin etonghèn. Henhen nâng Jisu Krista Ju aho dangeka ereheh Krista rãng tadangmah.

1 KORINT 1:2

Korint hahwah Joban nâng putedâlemte Asâthem heh, ngale Chentô Joban nâng Asâma putedâlem rãng rooeka heh, erediko Jisu Krista demnâng roamlahma Joban rãng dangeka heh, ngale therupwah mihnyan nâng Teso Jisu Krista nâng soam atôte hehnâng raangeka. Jisu Krista pa thinrãng memin ngale nãngrãng memin Teso:

1 KORINT 1:24

rohkomin henhen Joban ma rooeka, Jews dangkolah ngale Jews ledangte heh dangkolah, arepa Krista nginkong, ngale atea Joban chaan ngale Joban buthi mongthem.

1 KORINT 12:18

Erohwah, Joban ma phoangko atema chenroh huneka eroh mâmâ jatjat hôaneka.

1 KORINT 12:27

Nekhu phangtang Krista phoangtuta, ngale anga nga ere Krista phoangko johroap eken.

1 KORINT 12:8

Juma wathe mihnyanko Joban nginpa buthi moangthêm kohlahma thôthuk eka, ngale ahan wathe mihnyanko ere mãnthe Ju pummajô Joban nginpa nyapjet nyapjien dangthuk lahma thôthuk eka

1 KORINT 4:15

Chenrãngma ngako nekhu nâng Kristan roandôngko hahjat echhi mihnyan hethôtejô metong hèn komin, nerãngma Wa pa wathelolo jôba etonghèn. Chenrãngma ngako nekhu roandôngpa Jisu Krista demnâng roamletma ngama nekhu nâng Nginkongsen pa kephû kolahma nga nekhu Wa rãngrãng lâdangtek.

1 KORINT 6:11

Nekhumin ereheh rãngrãng dângwah. Rohkomin nea ererãngrãng pap kowah lâsâsietthen; nea Joban rãnglolo lâdangtet; Nãng Teso Jisu Krista ngale Joban Ju junma nea Joban demnâng toangtang lâdang thukthen.

2 KORINT 12:2

Ngama Kristan mihnyan wathe echhi pabelii mako rangkhethung choangthôan ko toansietwên lahma jet ang (Arepa atema athânkhe retah ale linlinjô dangtah a erepa ngama jetmek - Joban ma loloba ejet a).

2 KORINT 4:6

Joban ma, “Rangnyek khenwah wenphiak ehong phiakkatra!” ngama ngatwah, phumma ere Joban kowah phiak pa jôba Krista thhenphãng ko phiak eka ngama nãngnâng jetthukrãng ate wenphiak pa nãnghung khenko phiakkat thuk era.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

GALATIEN 3:13

Rohkomin, Niemarang pumma têm athoak kephû erako, Krista ma nãngkhu litko tem athoakrii lahma nãngkhu pesiet ehi; Chenrãngma ngako Joban nyapraangma ngaeka, “Hen akomin bãngphak khoko rittek eka, erepumma Joban wah têm athoak choh eka.”

IFISIEN 1:10

Ere themawa ekapa Joban ma sanpoat methang tahko emoa, erepa rangkhethung ngale hahtokkhoh wah atema tem atiak tahheh Krista khhepho khenko phangtang aroamma eroapsiet hûa.

IFISIEN 1:14

Ju junma Joban ma atenâng putedâlemte mihnyan hehnâng kohrãng toamsem tahpa nãng memin echoh e, ngale erejunko Joban ma ate mihnyan heh linlinjô epesiet a ngama jeteka. Erohwah, nãngma atenâng rôlihma mîndong thuk e!

IFISIEN 1:7

Chenrãngma ngako Krista hei junma nãngpap khenwah loatsiet ehi, ngale nãngpap heh mapkoh ehi. Joban mînchenchaan pa chentô dônga,

IFISIEN 2:10

Nãng chenroh dangekia erepa Joban ma hôanehi, ngale atema nãngmin Jisu Krista demko moatlemsen heh moatrãng hôanehi, ere moatlem heh nãngma moatrãng atema lâkhoakhem kohthi.

IFISIEN 4:30

Ngale Joban Asâthôanju hung nekke thuk en; chenrãngma ngako Joban Jupa ne Tângte ngama jetrãng nenâng koh ehèn, ngale sanpoat pa methang tahko Joban ma nekhu pêsietmin ngama khesokrãng ere Jupa koh ehèn.

IFISIEN 5:26

Krista ma Asâthem heh ate jabkhab pumma sâsiet ngale erediko joma sâsoan lahma Joban nâng koh eka,

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.

KOLOSIEN 1:14

ngale atema nãngkhu pesiet ehi, ngale ate junma nãngpap heh map choheki.

KOLOSIEN 3:16

Krista nginkongsen pa nehung nâng mênchong tongthuk en. Ere nginkongsen buthi mongthem junko wathema wathe nâng rîn akhahmîn letma hethômîn en. Rangsoamsê heh se en, Jobansê hehmin se en, ngale lihân rangsoamsê hehmin se en; nehung ma Joban nâng dangkoh a ngat nungma se en.

1 THISALONIKA 5:23

Nãngnâng mêmo kohte Joban pumma nekhumin chentô nâng sâpoangpoang chendang thukhèn, ngale nãng Teso Jisu Krista ngakkat jâko nekhu - Ju amoang, hung arin, ngale phoang aroang heh phangtang - chennijô ngek atek ngale theabe aho chendang thukhèn.

TITAS 2:14

Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.

HIBRU 9:12

Chenthu Krista ma rangsoam thepa dãnkhoam lahma Nyahrang Asâthôan Theko roantang roangjêng rãng rekthe lolo wãngtahko, atema soam aroak rãng kien ngale mân hei keplahma wãngho; erenoma, atedede hei keplahma nãngkhurãng roantang roanjêng khope pa tâchohwah.

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

1 PITER 1:2

Nea Joban Wa mongthem junko ren ehèn ngale Jisu Krista ngin kepte dângrãng ngale ate hei pumma sâsietrãng Joban ma ate Juma mihnyan Asârãng hôan ehèn. Nekhu khohnâng Joban mînchenchaan ngale mêmo ajahthem chentonghèn.

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka:

1 JON 5:6

Jo ngale hei demnâng katte pa Jisu Krista. Atea jololo demnâng katwah dangmah, jo ngale ate rit kowah hongtah hei wanniinii demnâng katwah. Ngale Juma erepa toangtang ngin ngama ngaeka, chenrãngma ngako Jupa toangtang.

LOATKHESOK 14:4

Ere mihnyan heh thin dedema dihiaknyu heh demnâng kaamchhih lethatmo sâpoangpoang dângte heh dângwah; thin a dihiak dela ngenâng asâjû dângwah. Thinma Saakchha pa chennge nâng dangeka ere ngeko junchhoante dângwah. Thin a hahtokkhoh wah chentô mihnyan nyuchha jat hehwah khopesietwah, ngale thin jôba Joban ngale Saakchha nâng joapsoapte rãng khebeng thôan dângwah.

LOATKHESOK 5:9

Thinma sê nyan sêwakwah: “Nangma jôba nyapraangten pa tâtôanmin ngale nangma jôba ate pangmiem ekapa jânlohma talaango. Chenrãngma ngako nanga ritphe rewah, ngale nangma roandông kohlohma riilohma Joban rãngma chentô jat apat, jab ajâ, diak akan, ngale chentô mihnyan nyuchha heh riakkoh wah.